Maurice Richard

Maurice Richard
Vida
Nacimientu	Montreal, 4 d'agostu de 1921
Nacionalidá	Canadá
Muerte	Montreal, 27 de mayu de 2000 (78 años)
Sepultura	Cementerio Notre-Dame-des-Neiges (es)
Causa de la muerte	enfermedá cardiovascular
Familia
Hermanos/es	Henri Richard
Estudios
Llingües falaes	francés; inglés
Oficiu
Oficiu	xugador de ḥoquei sobre xelu, entrenador de ḥoquei sobre xelu
Trayeutoria
Posición o especialidá	alero (es)
Pesu	82 kg
Altor	178 cm
Premios	ver Stanley Cup ; Quebec Sports Hall of Fame ; Canada's Sports Hall of Fame ; compañeru de la Orde de Canadá ; Trofeo Hart (1947) ; Hockey Hall of Fame (1961) ; Paséu de la Fama de Canadá (1999) ;

Joseph Henri Maurice Richard (4 d'agostu de 1921, Montreal – 27 de mayu de 2000, Montreal), moteyáu como Rocket Richard, foi un xugador canadiense de ḥoquei sobre xelu que xugó como atacante derechu nos Canadiens de Montréal, dende 1942 hasta 1960. Rocket ta consideráu como unu de los mayores goliadores na hestoria de la NHL: foi la primer persona qu'anotó más de 500 goles en tola so carrera (544 tantos), y tamién consiguió ser el primeru n'anotar 50 goles en solu 50 partíos d'una temporada regular (añu 1944-45).

Richard ganó la Copa Stanley con Montreal n'ocho causes, y foi'l capitán del equipu nos cinco copes consecutives llograes dende 1955 hasta 1960. Nel so honor, dende 1998 la LNH apurre un troféu llamáu Troféu Maurice Richard, que s'otorga a la persona que más goles anotó en tola temporada regular.

Biografía

Richard empezó a xugar profesionalmente al ḥoquei sobre xelu en 1942, colos Canadiens de Montréal. Anque empezó a xugar col dorsal númberu 15, llueu lo camudó pol númberu 9. Facer n'honor al so primer fíu, Huguette, que pesó 9 llibres (4,08 kg) al nacer. Pudo faelo porque, mientres la Segunda Guerra Mundial, l'exércitu de Canadá refugó'l so ingresu en trés causes; dos comos soldáu rasu (por diverses mancadures) y una como mecánicu, por non tener titulación a pesar de que trabayó nello dende los dieciséis años. Pa cuando Maurice llogró sacase'l títulu de mecánica na Escuela Téunica de Montreal, la guerra terminara.

A lo llargo de les temporaes foi ameyorando les sos estadístiques. Na campaña 1943-44 ganó'l so primer Stanley Cup, contribuyendo con 32 goles y 22 asistencies. Na campaña 1944-45 consiguió, per primer vegada, anotar 50 goles nos 50 partíos de la temporada regular, siendo esa la so mayor temporada n'anotación. Volvería llograr colos Canadiens el títulu de campeón en 1945-46. Mientres esos años desenvolvió una fuerte rivalidá con otros xugadores, como Gordie Howe de los Detroit Red Wings.

Richard tamién foi'l protagonista de diversos momentos históricos del ḥoquei. En 1952, mientres un partíu contra Boston Bruins, llogró reponese d'una fuerte entrada d'un defensa que lu dexó inconsciente, y consiguió anotar el gol que dio la victoria a los Canadiens coles sos facultaes inda amenorgaes. Esi mesmu añu superó al máximu goliador daquella de la NHL, Neis Stewart, al anotar el gol númberu 326 na so carrera. El so temperamentu tamién lu xugó males pasaes, siendo espulsáu en 1955 por baltar d'una puñada a un árbitru. La decisión del presidente de la LNH, Clarence Campbell, de suspende-y el restu de la temporada causó indignación n'el siguidores de Montreal, que llegaron a provocar disturbios na ciudá. A pesar de perdese dellos partíos, Maurice superó'l so récor de puntos (38 goles y 36 asistencies).

A partir de 1956 Richard empecipiaría'l so periodu de los cinco Copes Stanley consecutives, y superó la marca de 500 goles mientres la temporada regular. En perdiéndose dellos alcuentros por diverses mancadures, Maurice dio fin a la so carrera en 1960, ganando a Toronto nes series finales. Tan solo un mes dempués, los Canadiens retiraron el dosal #9 n'honor al so xugador, y en 1961 ingresó nel Salón de la Fama del Ḥoquei. N'abandonando como xugador, trató de siguir como entrenador nos Nordiques de Quebec de la World Ḥoquei Association, anque arrenunció a los dos selmanes de roblar el so contratu por motivos familiares.

Richard siguió siendo homenaxáu mientres el restu de la so vida, y tuvo consideráu como unu de los personaxes más célebres de Quebec y Canadá, llegando a recibir la Orde de Canadá en 1967. Cuando los Canadiens abandonaron en 1996 el Forum de Montreal pa treslladase a Centre Bell, decidieron homenaxar a los sos xugadores históricos que siguíen vivos. Maurice Richard recibió la ovación del públicu más llarga de la nueche, que duró dieciséis minutos. En 1998 la LNH decidió que'l premiu al máximu goliador pasara a llamase Troféu Maurice Richard, con un troféu ufiertáu polos Canadiens de Montréal. Y en 1999, una de les franquicies de la Ligue de ḥoquei junior majeur du Québec pasó a llamase Rocket de Montreal n'honor al xugador.

Maurice Richard finó'l 27 de xunu de 2000 en Montreal. Al so veloriu asistieron más de 115.000 persones, y el gobiernu de Canadá decidió realizar un funeral d'Estáu n'honor al xugador, que foi emitíu en tol país.

Trayeutoria y estadístiques

			Temporada regular					Playoffs
Temporada	Equipu	Lliga	P	G	A	Pts	Pen	GP	G	A	Pts	Pen
1942–43	Montreal Canadiens	NHL	16	5	6	11	4	—	—	—	—	—
1943–44	Montreal Canadiens	NHL	46	32	22	54	45	9	12	5	17	10
1944–45	Montreal Canadiens	LNH	50	50	23	73	46	6	6	2	8	10
1945–46	Montreal Canadiens	LNH	50	27	21	48	50	9	7	4	11	15
1946–47	Montreal Canadiens	NHL	60	45	26	71	69	10	6	5	11	44
1947–48	Montreal Canadiens	NHL	53	28	25	53	89	—	—	—	—	—
1948–49	Montreal Canadiens	NHL	59	20	18	38	110	7	2	1	3	14
1949–50	Montreal Canadiens	NHL	70	43	22	65	114	5	1	1	2	6
1950–51	Montreal Canadiens	NHL	65	42	24	66	97	11	9	4	13	13
1951–52	Montreal Canadiens	NHL	48	27	17	44	44	11	4	2	6	6
1952–53	Montreal Canadiens	NHL	70	28	33	61	112	12	7	1	8	2
1953–54	Montreal Canadiens	NHL	70	37	30	67	112	11	3	0	3	22
1954–55	Montreal Canadiens	NHL	67	38	36	74	125	—	—	—	—	—
1955–56	Montreal Canadiens	NHL	70	38	33	71	89	10	5	9	14	24
1956–57	Montreal Canadiens	NHL	63	33	29	62	27	10	8	3	11	8
1957–58	Montreal Canadiens	NHL	28	15	19	34	28	10	11	4	15	10
1958–59	Montreal Canadiens	NHL	42	17	21	38	27	4	0	0	0	2
1959–60	Montreal Canadiens	NHL	51	19	16	35	50	8	1	3	4	2
Total na NHL			978	544	421	965	1285	133	82	44	126	188

Palmarés

Copa Stanley: 8 (1944, 1946, 1953, 1956, 1957, 1958, 1959, 1960)
Troféu Hart: 1 (1947)
Troféu Lou Marsh: 1 (1957)
Máximu goliador: 5 (1945, 1947, 1950, 1954, 1955)

Referencies

↑ ^1,0 ^1,1 Afirmao en: Gemeinsame Normdatei. Data de consulta: 27 abril 2014. Llingua de la obra o nome: alemán. Autor: Biblioteca Nacional d'Alemaña.
↑ Afirmao en: Find a Grave. Llingua de la obra o nome: inglés.
↑ Biblioteca Nacional de Francia. «autoridaes BNF» (francés). Consultáu'l 10 ochobre 2015.
↑ URL de la referencia: https://www.hockey-reference.com/awards/hart.html. Data de consulta: 8 xineru 2018.
↑ URL de la referencia: https://www.hhof.com/honouredmembers/playersByYear.html?type=Player.

Enllaces esternos

«Estadístiques de Maurice Richard». Ḥoquei Database.
«Biografía de Maurice Richard». Legends of hockey.
«Biografía de Maurice Richard». Canadian Biography Online.

[e3f7e60fd57a19a620f403bcf0bc3c7519ed92fc-1] 1,0 ^1,1 Afirmao en: Gemeinsame Normdatei. Data de consulta: 27 abril 2014. Llingua de la obra o nome: alemán. Autor: Biblioteca Nacional d'Alemaña.

[e5823a4f28d35706cd7a689da3822f942b5306e6-2] Afirmao en: Find a Grave. Llingua de la obra o nome: inglés.

[9c728bb88844ddb2c16fd3acdf299868987d3ad7-3] Biblioteca Nacional de Francia. «autoridaes BNF» (francés). Consultáu'l 10 ochobre 2015.

[fecd568a599a2ab9f8b51baba584f79b8faccb36-4] URL de la referencia: https://www.hockey-reference.com/awards/hart.html. Data de consulta: 8 xineru 2018.

[899fc527d8d0f5b795859a26b8fe5c100e1f2c37-5] URL de la referencia: https://www.hhof.com/honouredmembers/playersByYear.html?type=Player.

[1]

[2]

[3]

[4]

[5]