Marc Lawrence (actor)

De Wikipedia
Saltar a navegación Saltar a la gueta
Marc Lawrence (actor)
Marc Lawrence (actor)
Vida
Nacimientu Nueva York17  de febreru de 1910
Nacionalidá Bandera de Estaos Xuníos d'América Estaos Xuníos
Fallecimientu

Palm Springs27  de payares de 2005

(95 años)
Sepultura Cementeriu Westwood Village Memorial Park
Causa de la muerte infartu de miocardiu
Oficiu
Oficiu actor, actor de cine, actor de televisión y guionista
Xéneru artísticu wéstern Traducir
IMDb nm0492908
Cambiar los datos en Wikidata

Marc Lawrence (17 d'avientu de 190928 de payares de 2005) foi un actor cinematográficu estauxunidense de calter, especializáu en personaxes de los baxos fondos. Nes sos películes tamién apaecía so los nomes de F. A. Foss, Marc Laurence y Marc C. Lawrence.

Biografía[editar | editar la fonte]

Vida personal[editar | editar la fonte]

El so verdaderu nome yera Max Goldsmith y nació na ciudá de Nueva York. La so madre yera d'orixe polacu y xudíu, Minerva Norma Sugarman, y el so padre yera Israel Simon Goldsmith, de raices rusa y xudía.[1][2][3] Siendo estudiante formó parte d'obres teatrales d'aficionaos, y completó la so formación nel City College of New York. Tuvo casáu cola novelista y guionista Fanya Foss, cola que tuvo dos fíos, finando ella'l 12 d'avientu de 1995.

Marc Lawrence finó por un fallu cardiacu'l 28 de payares de 2005 en Palm Springs, California. Tenía 96 años d'edá. Foi soterráu nel Campusantu Westwood Village Memorial Park de Westwood (Los Angeles), California. El so fíu, Michael Lawrence, ye un escritor y artista que vive na islla griega d'Hidra, y que'l so llibru, My Voyage In Art, detalla les sos xuntes con dellos de los actores amigos de los sos padres. La fía de Marc Lawrence, l'actriz Toni Lawrence, tuvo casada col actor Billy Bob Thornton, y protagonizó xunto a so padre "Daddy's Deadly Darling".

Carrera interpretativa[editar | editar la fonte]

En 1930 Lawrence fixo amistá con otru mozu actor, John Garfield. Dambos actuaron en distintes obres de teatru primero que Lawrence consiguiera un contratu cinematográficu con Columbia Pictures. Lawrence empezó a actuar nel cine en 1931, faciendo Garfield lo propio en 1938. La cara picada de viruelas y l'esmolecedor aspeutu de Lawrence fixéron-y ideal pa interpretar a gángsters y personaxes de los baxos fondos a lo llargo de les siguientes seis décades.

Más palantre Lawrence foi sometíu a escrutiniu polos sos enclinos polítiques. Cuando foi llamáu a declarar ante'l Comité d'Actividaes Antiestauxunidenses, almitió ser miembru del Partíu Comunista de los Estaos Xuníos. De resultes d'ello foi incluyíu na llista negra de Hollywood y hubo de exiliarse a Europa, onde siguió faciendo cine. En sumiendo la llista negra, volvió a Estaos Xuníos, reiniciando'l so trabayu interpretativu encarnando a xente del hampa. Asina, encarnó a gángsters en dos películes de James Bond: la de 1971 Diamonds Are Forever, con Sean Connery, y la de 1974 L'home de la pistola d'oru, con Roger Moore. Tamién interpretó a un secuaz nel filme de Laurence Olivier Marathon Man (1976), y a un estereotipáu xefe mafiosu de Miami na comedia de Jerry Reed y Dom DeLuise Hot Stuff (1979).

Unu de los sos últimos papeles foi'l de Mr. Zeemo nel episodiu de Star Trek: espaciu fondu nueve "Badda-Bing Badda-Bang". Amás, foi Gatherer Volnoth na entrega de Star Trek: la nueva xeneración "The Vengeance Factor".

En 1991 publicóse la autobiografía de Lawrence, Long Time Non See: Confessions of a Hollywood Gangster (ISBN 0-9636700-0-X). Lawrence foi tamién l'asuntu d'una novela, The Beautiful and the Profane (ISBN 1-4107-0292-8/ISBN 978-14107029200)(publicada en 2002).

El so últimu papel pal cine tuvo llugar en Looney Tunes Back in Action, actuando como'l vicepresidente de la Corporación Acme.

Filmografía parcial[editar | editar la fonte]

Referencies[editar | editar la fonte]

  1. Marc Lawrence Biography (1910-2005)
  2. Vallance, Tom (3 d'avientu de 2005). Marc Lawrence. The Independent. http://news.independent.co.uk/people/obituaries/article330900.ece. Consultáu 'l 26 de xineru de 2007. 
  3. Marc Lawrence. Telegraph. 3 d'avientu de 2005. http://www.telegraph.co.uk/news/main.jhtml?xml=/news/2005/12/03/db0302.xml. Consultáu 'l 26 de xineru de 2007. 

Enllaces esternos[editar | editar la fonte]

Marc Lawrence (actor) en Memory Alpha, una wiki de Star Trek.