Mar Blancu

De Wikipedia
Saltar a navegación Saltar a la gueta
Mar Blancu de les Badees de Rusia
Бе́лое мо́ре - Vienanmeri
Océanu o mar de la IHO (n.º id.: 8)
Llocalización alministrativa
División Flag of Russia.svg Rusia
Flag of Russia.svg Rusia
Flag of Russia.svg Rusia
Xeografía
Mar Océanu Árticu
Subdivisiones Badea de Menzen
Badea de Dvina
Golfu de Onega
Golfu de Kandalakcha
Islles interiores Islla Morzhóvets y les islles Solovetsky
Accidentes
 • Otros Península de Kola
Península de Kanín
Superficie 95.000 km²
Otros datos
Mapa
Red pog.svg
White Sea map.png

El mar Blancu (en rusu: Бе́лое мо́ре [Biéloye more]; en finés: Vienanmeri) ye un estensu golfu del mar de Barents (nel océanu Glacial Árticu), alcontráu na mariña noroeste de Rusia. Atópase llindáu pola península de Kanín al nordeste, por Karelia al oeste y pola península de Kola al norte. Tien una superficie averada d'unos 95.000 km². La mayor parte del añu ta xeláu.

El mar Blancu tien cuatro grandes golfos o badees nel so interior: na parte más esterior, la badea de Menzen al este; nel tramu interior les otres trés, la badea de Dvina al sureste, el golfu de Onega al sur y el golfu de Kandalakcha al noroeste. Nel so interior hai bastantes islles, siendo les mayores y más importantes la islla Morzhóvets y les islles Solovetsky, que'l so conxuntu foi declaráu patrimoniu de la Unesco.

El puertu d'Arcánxel, no fondero de la badea de Dvina, ye'l puertu más importante del mar Blancu y amás, mientres gran parte de la historia de Rusia, foi'l so principal centru de comerciu marítimu internacional. Na actualidá ye una base naval y de submarinos.

El canal Mar Blanco-Bálticu coneuta'l mar Blancu col mar Bálticu.

Tol mar Blancu son agües territoriales so soberanía rusa, bañen les sos agües la República de Carelia, el Óblast d'Arcánxel y el Óblast de Múrmansk.

Clima[editar | editar la fonte]

Dos fotografíes del satélite sobre'l mar Blancu.

El branu dura dende principios de xunu a finales d'agostu, anque na parte más al norte apenes dura un mes y mediu.

La temperatura del mar varia de 0,5 °C a -2 °C pel hibiernu y 12 °C a 15 °C pel branu. El xelu apaez n'ochobre y forma témpanos a partir de mediaos de payares. Dellos animales de les rexones polares lleguen equí buscando abelugu: foques de Groenlandia, perros de mar y foques motudes.

La fusión del xelu empieza n'abril y sume en mayu. Sicasí, por causa de los vientos del norte, pueden atopase témpanos flotantes hasta finales de xunu. Na primavera, so l'acción del vientu y les corrientes al sur, dellos animales son abasnaos nos témpanos de xelu escontra l'océanu, y son cazaos polos riberanos que se mueven en canoes con patinos.

Enllaces esternos[editar | editar la fonte]