Mancala

...

Xugadores de mancala.

Un tableru de mancala de madera plegable.

Figura de persones xugando a mancala.

Llámase mancala (o manqala, palabra árabe que significa movederu) a una familia de xuegu de tableru fundamentalmente africanos y tamién asiáticos que comparten una serie de carauterístiques comunes:

Descripción

1. El tableru ta compuestu por una serie de receutáculos (que puen ser furacos fechos nel suelu o nun bloque de madera) organizaos en fileres.
2. Estos receutáculos contienen una serie de pieces (semientes, granes, quixarros, banzones) indiferenciaes que son los elementos móviles del xuegu.
3. El movimientu básicu ye'l que davezu se llama "de sema", que consiste en tomar toles pieces conteníes nún de los receutáculos y diles depositando d'una nuna en receutáculos consecutivos a partir del siguiente al que les contenía.

Dientro d'estes carauterístiques xenerales esisten numberoses regles que definen otros tantos xuegos.

Tipos de Xuegos Manqala

1. Manqala de dos fileres (exemplu típicu'l oware, wari o agualé): nestos xuegos caúna de les files pertenez a un xugador, el movimientu de sema pasa les semientes d'una filera a otra cuando correspuende, namái puen tomase semientes d'un receutáculu de la filera propia pa mover, príndase (de delles maneres, según el xuegu en concretu), y cuando se da la condición de final de partida gana'l que prindara más semientes o granes.
2. Manqala de cuatro fileres (exemplu típicu el bao, bawo o omweso): nestos xuegos a cada xugador pertenécen-y dos fileres consecutives. El movimientu de sema caltién les granes nes dos fileres del xugador que mueve, pero en determinaes circunstancies puen tomase les granes d'un receutáculu del rival y xuniles a les d'un receutáculu propiu. Cuando se da la condición de final de partida gana'l que tenga más semientes nes sos dos fileres.
3. Manqala de númberu impar de fileres: Equí entren les versiones tantu d'una filera (solitarios) como de trés.

Ver tamién

• Xuegu de mesa
• Kalaha
• Oware
• Toguz korgool

Enllaces esternos

Wikimedia Commons tien archivos rellacionaos con:

mancala

• Mundo Awalé .
• Mancala World .
• Descripción, Reglamentos y tutorial del Mancala y Bao .
• Xuegos de mancala