Lizabeth Scott

De Wikipedia
Lizabeth Scott
Vida
Nacimientu Scranton (es) Traducir[1]29 de setiembre de 1922[2]
Nacionalidá Bandera de Estaos Xuníos d'América Estaos Xuníos
Muerte Los Angeles31 de xineru de 2015[2] (92 años)
Estudios
Estudios Scranton Preparatory School (en) Traducir
Marywood University (en) Traducir
Llingües falaes inglés[3]
Oficiu cantante, modelu, actriz de teatru, actriz de cine, actriz de televisiónactriz
Premios
Instrumentu musical voz
Creencies
Partíu políticu Partíu Republicanu de los Estaos Xuníos
IMDb nm0779507
Cambiar los datos en Wikidata

Emma Matzo, más conocida como Lizabeth Scott, (29 de setiembre de 1922Scranton (es) Traducir – 31 de xineru de 2015Los Angeles) foi una actriz d'Estaos Xuníos y una de les muyeres fatales más emblemátiques del cine negru de los años 40 y 50.[4]

Biografía[editar | editar la fonte]

Nacida en Scranton, estáu de Pennsylvania (EE XX), y fía d'emigrantes rusos, estudió arte dramáticu en Nueva York onde adoptó'l nome artísticu de Lizabeth Scott (dacuando, tamién Liz Scott) y debutó en Broadway en 1942. Un añu más tarde, sería contratada pola Warner y en 1946 llogra'l so primer ésitu cinematográficu con The Strange Love of Martha Ivers, dirixida por Lewis Milestone y coprotagonizada por Barbara Stanwyck, Van Heflin y un xovencísimu Kirk Douglas.[4]

Un añu dempués, Scott protagonizó xunto a Humphrey Bogart Caleyón ensin salida, filmáu por John Cromwell.

Lizabeth Scott, a pesar de tener un rostru personalísimu, enxamás aportó a una auténtica estrella de Hollywood y siempres foi la compañera de repartu de los galanes masculinos como Charlton Heston en Ciudá en solombres (1950), a Robert Mitchum en La trampa (1951), a Jerry Lewis y Dean Martin na comedia El castiellu malditu (1953) o col rei del rock Elvis Presley en Loving You (1957)[4]

Mientres la década de los 60, Lizabeth Scott pasa a la pequeña pantalla protagonizando delles series de televisión.

Retiróse de la pantalla grande en 1972 col filme Hestories peligroses empobinada por Miki Hodges y protagonizada por Michael Caine.

Muerre en Los Angeles, California (EE UU), por una insuficiencia pulmonar.

Premios[editar | editar la fonte]

Tien dende 1960 una estrella nel Paséu de la Fama de Hollywood.[5]

Filmografía selecta[editar | editar la fonte]

Referencies[editar | editar la fonte]

  1. Afirmao en: Gemeinsame Normdatei. Data de consulta: 13 avientu 2014. Llingua de la obra o nome: alemán. Autor: Biblioteca Nacional d'Alemaña.
  2. 2,0 2,1 Afirmao en: Internet Broadway Database. Identificador de persona d'Internet Broadway Database: 104065. Apaez como: Elizabeth Scott. Data de consulta: 9 ochobre 2017. Llingua de la obra o nome: inglés.
  3. «idRef» (francés). Agencia Bibliográfica de Enseñanza Superior. Consultáu'l 23 mayu 2020.
  4. 4,0 4,1 4,2 Obituariu de l'actriz en abc.es.
  5. Páxina de l'actriz en IMDb

Enllaces esternos[editar | editar la fonte]