Lill-Babs

De Wikipedia
Saltar a navegación Saltar a la gueta
Lill-Babs
Lill-Babs.jpg
Vida
Nome completu Barbro Margareta Svensson
Nacimientu Järvsö Traducir9  de marzu de 1938
Nacionalidá Bandera de Suecia Suecia
Llingua materna Suecu
Fallecimientu

Estocolmu3  d'abril de 2018

(80 años)
Sepultura Järvsö Church Traducir
Causa de la muerte insuficiencia cardiaca
Familia
Casáu/ada con Lasse Berghagen  (1965 -  1968)
Kjell Kaspersen Traducir  (1969 -  1973)
Fíos/es
Estudios
Llingües Suecu
Oficiu
Oficiu cantante y actriz
Alcuñu/os Lill-Babs
Xéneru artísticu Pop
IMDb nm0510323
www.lill-babs.com/
Cambiar los datos en Wikidata

Lill-Babs, nome artísticu de Barbro Margareta Svensson (Järvsö, Gävleborg; 9 de marzu de 1938-3 d'abril de 2018),[1] foi una cantante, presentadora de TV y actriz sueca. De los principios de los años 1950 hasta la so muerte en 2018, foi una de les cantantes sueques más conocida y popular. Representó a Suecia nel Festival del Cantar d'Eurovisión en 1961 en Cannes, Francia, col cantar "April, april". Foi tamién bien conocida pol cantar "Är du kär i mej ännu Klas-Göran?"

Biografía[editar | editar la fonte]

Lill-Babs nació en Järvsö, provincia de Gävleborg, siendo la primoxénita de Britta y Ragnar Svensson. A los 15 años, cantó nel programa de radiu Morgonkvisten como "nuevu talentu". El cazatalentos suecu Simon Brehm oyer y contactó con ella pa una audición nel so estudiu en Estocolmo. L'audición foi bien, y camudóse a Estocolmo pa empezar una carrera nel mundu de la música.

En 1954, grabó'l so primer discu "Min mammas boogie" sol nome artísticu "Lill-Babs", combinación de la palabra sueca "lilla" (pequeña) y Babs, nome hipocorísticu inglés pal nome Barbro/Barbara. Cuando'l so nome empezaba a espuntar, Lill-Babs quedó embarazada, al tar soltera'l fechu yera potencialmente escandalosu na Suecia de mediaos de los años 1950. Siguió trabayando mientres pudo esconder el so embaranzu, depués foi a Järvsö onde dio a lluz a la so fía, Monica. Tres dalgún tiempu en casa, volvió retomar la so carrera. Sicasí, Simon Brehm atopara un nuevu vocalista y riquía los sos servicios. Lill-Babs recibió una ufierta pa faer una xira con una banda rival liderada por Kettil Olsson. Tres la xira y un par de conciertos nel club de jazz Nalen d'Estocolmo, recibió una llamada de Simon Brehm pidiéndo-y volver trabayar con él. Ella aceptó la so ufierta y actuó en munchos conciertos nel palaciu de baille Bal Palais n'Estocolmo y en delles xires.

En 1958, produció la so primer xira y participó na película Fly mig en greve col cómicu Carl-Gustaf Lindstedt. Grabó munchos cantares, como la novedosa "Är Du Kär I Mig Ännu Klas-Göran?", "Lleva Livet" y "En tuff brud i lyxförpackning", que fueron ésitos de vientes en Suecia. "Är Du Kär I Mig Ännu Klas-Göran" foi compuesta pol entós casi desconocíu Stig Anderson. Anderson escribió munchos ésitos de Lill-Babs nos años de 1960 y primeros años de 1970 depués ganaría fama como mánager del grupu ABBA.

Na década de 1960, creóse'l club de fanes de Lill-Babs llamáu Splorr que se convirtió nel más grande de Suecia con 17 000 miembros. El númberu de miembros foi tan alto que'l club foi malo de xestionar y los costos llevaron al club a la quiebra.

Mientres esi tiempu Lill-Babs trabayó enforma n'Alemaña Occidental, onde se producieron munchos de los sos discos, programes de televisión y películes. Como resultáu d'ello convirtióse nuna gran estrella n'Alemaña, considerada tan popular como l'artista televisiva Caterina Valente. En 1961 representó a Suecia nel Festival del Cantar d'Eurovisión 1961 col cantar "April, april" en Cannes, participaría n'otres preseleiciones nacionales pa Eurovisión tantu en Suecia como en Noruega.

Lill-Babs y The Beatles, nel programa de televisión suecu Drop-In, el 30 d'ochobre de 1963.

Unu de los fechos más sorprendentes na carrera de Lill-Babs tuvo llugar el 30 d'ochobre de 1963 cuando n'actuando nel programa de la televisión sueca Drop-In, robló autógrafos pa los encantaos mozos d'una banda británica de Liverpool llamada The Beatles que diben realizar una de les sos primeres actuaciones fora del Reinu Xuníu.[2]

L'ésitu de Lill-Babs "Välkommen Till Världen", originalmente compuesta pa competir nel Melodifestivalen de 1971, ye d'importancia na hestoria de ABBA yá que foi escrita y producida por Björn Ulvaeus y Benny Andersson y nella fixeron los coros Anni-Frid Lyngstad y Agnetha Fältskog.

En 1974, Lill-Babs interpretó'l papel principal na versión sueca del musical Annie Get Your Gun, empobináu y escritu por Åke Falck. La obra foi representada nel estadiu de ḥoquei Scandinavium de Gotemburgo con 12 representaciones y más de 100 000 entraes vendíes. Recibió escelentes crítiques y foi reconocida como una artista touterrén. Nes siguientes trés décades actuaría en cabarés como'l Berns Salonger y el Hamburger Börs en Estocolomo, vendiendo toles entraes, de cutiu con material escritu especialmente pa ella polos renombráu escritores suecos Lars Forssell y la cantautora Barbro Hörberg.

Na cena con Lars Jacob cuando Lill-Babs taba en Los Angeles pa estudiar espectáculos en 1976.

En 1996 publicó la so autobiografía Hon är jag. Tien trés fíos de distintos padres y casóse en delles ocasiones. Una d'elles con Lars Berghagen ente 1965 y 1968, con quien tuvo a la so fía Malin Berghagen que tuvo casada con Tommy Nilsson. Apaeciendo con disgustu nos tabloides suecos mientres les últimes cuatro décades. En 2011 siguía nel mundu del espectáculu y siguía actuando en Suecia. En xineru de 2012, apaeció nun sellu de correos suecu.[3]

Muerte y tributos[editar | editar la fonte]

Lill-Babs morrió'l 3 d'abril de 2018, dempués de carecer de cáncer y de insuficiencia cardiaca.

El día de la so muerte tantu la programación de SVT y TV4 fueron camudaes presentando programes al aire alrodiu de Lill-Babs. La empresa SVT presentó'l documental realizáu nel añu 2004. Mientres TV4 fixo cambeos na so programación p'amosar un documental del 2017 y unu del 6 d'abril que correspondio a una presentación del 2010. Mientres l'anunciu de la so muerte pela mañana, Malou von Sivers' faló de la so muerte nel show de Efter Tio. Sveriges Radio tamién camudo la so programación y presentó progamas nel aire.

Vida personal[editar | editar la fonte]

Lill-Babes tuvo casada col cantante Lasse Berghangen de 1965 a 1968. Tuvo casada col fubtolista noruegu Kjell Kaspersen de 1969 a 1973. Tuvo trés fíos: Monica Svensson (nacida en 1955), Malin Berghagen (nacida en 1966), and Kristin Kaspersen (nacida en 1969).

Publicó la so autobiografía Hon är jag en 1996.

Nel añu 20|7, foi inducida nel Salón de la Fama de Suecia.

Referencies[editar | editar la fonte]

Bibliografía[editar | editar la fonte]

  • Svensson, Barbro & Anna Wahlgren: Lill-Babs - Hon Är Jag: Minnen Av Ögonblick, Bra Böcker 1996 ISBN 91-7133 184 0
  • Palm, Carl Magnus: Bright Lights - Dark Shadows, Omnibus Press UK 2001, ISBN 978-0711991941
  • Palm, Carl Magnus: ABBA - The Complete Recording Sessions, Century 22 Limited UK, 1994. ISBN 0-907938-10-8

Enllaces esternos[editar | editar la fonte]


Predecesor:
Siw Malmkvist
con Alla andra får varann
EuroSuecia.svg
Suecia nel Festival d'Eurovisión

1961
Socesor:
Inger Berggren
con Sol och vår




Lill-Babs