Lea Thompson

Lea Thompson
Vida
Nacimientu	Rochester, 31 de mayu de 1961 (63 años)
Nacionalidá	Estaos Xuníos
Familia
Casada con	Howard Deutch (1989 – )
Fíos/es	Zoey Deutch Madelyn Deutch
Estudios
Estudios	Marshall-University High School (en)
Llingües falaes	inglés
Oficiu	baillarina de balé, actriz de teatru, actriz de televisión, actriz de cine, realizadora, productora de televisión, direutora de cine
Trabayos destacaos	Back to the Future
IMDb	nm0000670

Lea Kathleen Thompson (31 de mayu de 1961, Rochester) en Rochester, Minnesota, ye una actriz d'Estaos Xuníos. Ye conocida principalmente pol so papel como Lorraine McFly na triloxía Back to the Future (Back to the Future).

Empiezos

Thompson estudió danza siendo neña, y practicaba trés o cuatro hores diaries. Empezó a baillar profesionalmente a la edá de 14 años. Lea entós ganó beques pa delles escueles del ballet clásicu, como The American Ballet Theatre y The San Francisco Ballet. Bailló con The Minnesota Dance Theatre, The Pennsylvania Ballet Company y The Ballet Repertory. Les mancadures y dalguna crítica fixéronla abandonar la danza y faer carrera como actriz. Treslladóse a Nueva York a los 20 años, y ellí realizó dellos anuncios de Burger King nos años 80 xunto con Elisabeth Shue, que depués tamién apaecería en Back to the Future II.

Carrera como actriz

Lea fixo'l so primer papel importante en All the Right Moves (1983), xunto a Tom Cruise. Dempués trabayó en Red Dawn (1984) y The Wild Life (1984). Pero polo que ye recordada ye pol papel de Lorraine Baines McFly en Back to the Future y les sos postreres entregues. Darréu apaeció en SpaceCamp (1986) y Howard the Duck (1986), que fracasaron estrepitosamente en taquilla. Foi Alicia Mitchell na película Dennis the Menace (1993) y protagonizó The Beverly Hillbillies (1993).

Thompson llogró un ésitu crítico y popular como la estrella de sitcom de la NBC Caroline in the City nel periodu 1995-1999. En 2005, Thompson protagonizó una serie de telefilms pa la canal Hallmark na qu'interpreta a Jane Doe, una ex-axente secreta convertida n'ama de casa qu'ayuda al gobiernu a solucionar misterios. Tamién apaeció nun episodiu de Law & Order: Special Victims Unit y tuvo el papel protagonista nel cuartu capítulu de la primer temporada de Tales from the Crypt.

Vida privada

Ta casada col direutor Howard Deutch. Conociéronse y namoráronse nel rodaxe de la película Some Kind of Wonderful (1987). Tienen dos fíos, Madeline, nacida en 1990, y Zoey Deutch, nacida en 1994.

Enantes tuvo saliendo con Dennis Quaid, al que conoció nel rodaxe de Jaws 3-D.

Tien un hermanu, Andrew Thompson, que tuvo una esitosa carrera na danza col Ballet de Colorado. Dambos dieron clases de ballet clásicu na so mocedá y él inclusive ayudó a pagar les clases.

Filmografía

• All the Right Moves (1983)
• Jaws 3 (1983)
• Red Dawn (1984)
• The Wild Life (1984)
• Back to the Future (1985)
• SpaceCamp (1986)
• Howard the Duck (1986)
• Some Kind of Wonderful (1987)
• Back to the Future II (1989)
• Nightbreaker (1989)
• Back to the Future III (1990)
• Article 99 (1992)
• Dennis the Menace (1993)
• The Beverly Hillbillies (1993)
• The Little Rascals (1994)
• The Unspoken Truth (1995)
• The Right To Remain Silent (1996)
• Spy School (2008)
• Mayor Cupcake (2011)
• The cabin (2011)
• Switched at Birth (2011-2017) Serie de TV
• My Mother's Future Husband (2014)

Enllaces esternos

• Lea Thompson na Internet Movie Database (n'inglés)

• Datos: Q230605
• Multimedia: Lea Thompson