Laura Innes

De Wikipedia
Saltar a navegación Saltar a la gueta
Wikipedia:Artículos revisaos
Laura Innes
Laura Innes 2010.jpg
Vida
Nacimientu

Pontiac16 d'agostu de 1957

(61 años)
Nacionalidá Bandera de Estaos Xuníos d'América Estaos Xuníos
Familia
Casáu/ada con David Brisbin
Estudios
Estudios Universidad Northwestern
Northwestern University School of Communication
Oficiu
Oficiu actor de televisión, actor, direutor de cine y actor de cine
IMDb nm0005041
Cambiar los datos en Wikidata

Laura Elizabeth Innes (n. 16 d'agostu de 1957) ye una actriz y direutora de televisión norteamericana, tres veces nomada a los Emmy.

Biografía[editar | editar la fonte]

Aniciu[editar | editar la fonte]

Innes nació en Pontiac (Míchigan), la menor de los seis fíos de Laurette y Robert Innes. Foi'l so padre quien la introduxo nel teatru profesional, yá que davezu llevaba a la so familia al Stratford Festival of Canada en Stratford (Ontario). Siguiendo'l so conseyu de que "fixera lo que-y prestara", allegó a la Universidá de Northwestern onde foi miembru de la fraternidá Alpha Chi Omega y graduóse en teatru.

Carrera[editar | editar la fonte]

El so primer creitu nel escenariu foi en Chicago, nel renomáu Goodman Theatre, onde, ente otros papeles, interpretó a Stella xuntu a John Malkovich como Stanley en Una tranvía llamáu deséu. Otres actuaciones inclúin Two Shakespearean Actors con Eric Stoltz nel Lincoln Center, Our Town nel Seattle Repertory Theatre y Three Sisters en La Jolla Playhouse de San Diego.

En 1986, Innes interpretó a la nueva fía de Jerry Stiller y Anne Meara na comedia de situación The Stiller and Meara Show, serie encaboxada a les poques selmanes. En los 90, Innes participó como convidada en series de televisión como Party of Five, My So-Called Life y Brooklyn Bridge (Ponte de Brooklyn), y apaeció na película Nel filu de la dulda (And the Band Played On) enantes de ser contratada pal so primer papel importante na televisión como Bunny, la promiscua ex-esposa de Thomas Haden Church na comedia de la NBC, Wings, ente 1991-1993.

Na seronda de 1995, xunióse al esitosu drama médicu de la NBC, Urxencies (ER), na so segunda temporada, onde interpretaba a la Dra. Kerry Weaver. El so personaxe recurrente convirtióse en regular al entamu de la tercer temporada. En 2001, el personaxe, que tenía una discapacidá física, salió del armariu. Recibió dos nominaciones a los Emmy pola so interpretación, según otros trés pa los Screen Actors Guild como parte del repartu de la serie. Tamién recibió cinco nominaciones como Meyor actriz de repartu polos Viewers For Quality Television. Innes tamién dirixó dellos episodios de la serie, según episodios de Cinco Hermanos (Brothers & Sisters), House, La nala oeste de la Casa Blanca (The West Wing), unu de los cualos llogró una nominación a los Emmy como Meyor direición.

En xineru de 2007, Innes dexó Urxencies (ER) tres doce temporaes, convirtiéndose nel miembru de repartu más llonxevu de la hestoria de la serie. Sicasí, en 2008 Innes volvió pa faer un caméu nel decimotercer episodiu de la decimoquinta y última temporada.

Mientres l'añu 2010, Laura Innes integróse a la nueva serie de NBC, The Event, interpretando a Sophia Maguire, unu de los personaxes principales de la serie.

Nel cine, Innes coprotagonizó l'esitosu filme Deep Impact en 1998 y col so compañeru de Urxencies (ER), Noah Wyle, Can’t Stop Dancing.

Familia[editar | editar la fonte]

El so primer prometíu foi asesináu a principios de los 80. Años dempués de la traxedia casóse col actor David Brisbin y tuvo el so primer fíu, Cal, en 1990. Adoptaron en 2002 una neña, Mia, de China.

Caltién una estrecha amistá con Megan Mullally y la so ex-compañera n'Urxencies (ER), Maura Tierney.

Enllaces esternos[editar | editar la fonte]