Kersti Kaljulaid

De Wikipedia
Kersti Kaljulaid
5. Presidente d'Estonia

10 ochobre 2016 - 11 ochobre 2021
Toomas Hendrik Ilves - Alar Karis
Vida
Nacimientu Tartu (es) Traducir30 d'avientu de 1969[1] (54 años)
Nacionalidá Bandera de la Xunión Soviética Xunión Soviética  1991)
Bandera d'Estonia Estonia  (1991 -
Llingua materna estonianu
Familia
Casada con Georgi-Rene Maksimovski
Fíos/es 0
Hermanos/es Raimond Kaljulaid
Estudios
Estudios Universidá de Tartu 1992)
Tallinn Mustamäe College (en) Traducir
(1987 -
Llingües falaes estonianu
inglés[2]
alemán[2]
rusu
finlandés
francés[2]
Oficiu funcionaria, consultora, direutora, política, empresariaparticipante nun foru internacional
Llugares de trabayu Tartu (es) Traducir y Tallín
Emplegadores Universidá de Tartu
Hansabank (es) Traducir  (1998 –  1999)
Premios
Miembru de Tribunal de Cuentes Européu
Creencies
Relixón Luteranismu
Partíu políticu ensin valor (dende 2004)
Unión Pro Patria (es) Traducir (de 2001 a 2004)
kerstikaljulaid.ee
Cambiar los datos en Wikidata
Kersti Kaljulaid (2021)

Kersti Kaljulaid (30 d'avientu de 1969Tartu (es) Traducir) ye una política estonia, presidenta d'Estonia dende 2016.[6] Enantes foi representante del país bálticu nel Tribunal de Cuentes Européu (2004-2016).

Biografía[editar | editar la fonte]

Kersti Kaljulaid nació en Tartu (RSS d'Estonia, entós parte de la Xunión Soviética) en 1969. En completando la educación secundaria en Tallin, tornó a la so ciudá natal pa estudiar Bioloxía na Universidá de Tartu, con una llicenciatura cum laude pola promoción de 1992. Siete años más tarde completaría la so formación con una Maestría n'Alministración de Negocios nel mesmu centru.[7]

Ente 1996 y 1997 tuvo trabayando de comercial de ventes na empresa de telecomunicaciones Eesti Telefon, y dempués foi contratada pol bancu Eesti Hoiupank como xestora de negocios. Cuando la entidá foi absorbida por Hansabank en 1998, Kersti foi xubida al departamentu de banca d'inversión y permaneció ellí hasta 1999.[7]

Kaljulaid ye falante nativa d'estoniu y puede caltener conversaciones n'inglés, alemán, rusu y finés.[8]

Trayeutoria política[editar | editar la fonte]

En 1999, el primer ministru Mart Laar contrató a Kaljulaid por que formara parte del equipu estatal d'asesores económicos. Anque de primeres yera una funcionaria ensin vinculación política, dende 2001 tuvo afiliada a la conservadora Unión Pro Patria (Isamaaliit). Cola llegada al gobiernu de Siim Kallas en 2002, encamentaríase-y la direición de la central llétrica de Iru.[8]

Cuando Estonia ingresó na Xunión Europea en mayu de 2004, Kaljulaid foi nomada representante del país nel Tribunal de Cuentes Européu en Luxemburgu, del que formaría parte hasta 2016.[7] Dende esa institución supervisaría asuntos como la concesión de fondos estructurales, el control del dineru destináu a la Política Agrícola Común, y l'auditoría del Europol. Dende 2006 hasta 2008 foi presidenta del Comité Alministrativu del organismu.[8]

En 2011, Kaljulaid foi nomada miembru del Conseyu Rector de la Universidá de Tartu.

Presidencia d'Estonia[editar | editar la fonte]

Kersti Kaljulaid ye presidente d'Estonia dende'l 10 d'ochobre de 2016.[6]

La eleición de Kaljulaid foi frutu d'una candidatura de consensu. Dempués de que'l Riigikogu y el Comité Eleutoral fueren incapaces d'escoyer al sustitutu de Toomas Hendrik Ilves, los diputaos más veteranos de la cámara suxurieron la candidatura de la funcionaria europea. De vuelta al parllamentu, Kaljulaid superó la mayoría de dos tercios necesaria gracies a 81 votos (de 101 posibles) y convirtióse asina na primer muyer qu'ostenta la xefatura del Estáu n'Estonia, según na más nueva n'aportar al cargu con 46 años.[8]

Distinciones honorífiques[editar | editar la fonte]

Distinciones honorífiques estonies[editar | editar la fonte]

  • Collar de la Orde del Escudu d'Armes Nacional (10/10/2016).

Distinciones honorífiques estranxeres[editar | editar la fonte]

Referencies[editar | editar la fonte]

  1. Afirmao en: Enciclopedia Brockhaus. Identificador de Brockhaus Enzyklopädie en línea: kaljulaid-kersti. Apaez como: Kersti Kaljulaid. Data de consulta: 9 ochobre 2017. Llingua de la obra o nome: alemán.
  2. 2,0 2,1 2,2 URL de la referencia: http://elu24.postimees.ee/3861007/kersti-kaljulaid-paljastas-oma-halva-omaduse-ma-olen-vaega-kaersitu-inimene. Data de consulta: 11 xineru 2017.
  3. URL de la referencia: http://www.ordens.presidencia.pt/?idc=154.
  4. Afirmao en: Suomen Valkoisen Ruusun ja Suomen Leijonan ritarikunnat. Páxina: 500. Editorial: Edita. Llingua de la obra o nome: finlandés. Data d'espublización: 2017. Autor: Antti Matikkala.
  5. URL de la referencia: https://www.president.gov.ua/documents/3922021-39777.
  6. 6,0 6,1 Kersti Kaljulaid, la primer muyer escoyida presidenta d'Estonia. 3 d'ochobre de 2016. http://euroefe.euractiv.es/1311_actualidá/4079875_kersti-kaljulaid-primer-muyer-escoyida-presidenta-de-estonia.html. Consultáu'l 3 d'ochobre de 2016. 
  7. 7,0 7,1 7,2 (n'inglés) Kersti Kaljulaid: Estonia's new President. New Europe. 5 d'ochobre de 2016. https://www.neweurope.eu/article/kersti-kaljulaid-estonies-new-president/. Consultáu'l 7 d'ochobre de 2016. 
  8. 8,0 8,1 8,2 8,3 «Kersti Kaljulaid» (inglés). Consultáu'l 7 d'ochobre de 2016.
  9. Presidente de Finlandia

Enllaces esternos[editar | editar la fonte]