Presidente d'Estonia

Presidente d'Estonia
	cargu públicu
	Presidente de la República
Titular	Alar Karis dende 11 ochobre 2021
Residencia	Presidential Palace (en)
Nomáu por	Riigikogu
Xurisdicción	Estonia
Estáu	Estonia
Duración del cargu	5 años
Creación	24 abril 1938
Sitiu web	http://www.president.ee/

El Presidente de la República (n'estoniu: Vabariigi President) ye'l xefe d'estáu de la República d'Estonia. Cuidao que Estonia ye una democracia parllamentaria, el Presidente ye principalmente un líder simbólicu y nun tien un poder executivo importante. Amás, tien de desvenceyase de la so afiliación a cualquier partíu políticu mientres el so mandatu.

La presidente actual ye Kersti Kaljulaid, cargu qu'exerz dende'l 10 d'ochobre de 2016.

Según la Constitución d'Estonia de 1992, al presidente atribúyense-y les siguientes obligaciones:

Representar a Estonia nes rellaciones internacionales.
Conferir rangos diplomáticos, nomar y destituyir a los representantes diplomáticos d'Estonia, aceptar les credenciales de los representantes diplomáticos estranxeros acreditaos n'Estonia, roblar preseos de ratificación, etc.
Promulgar lleis o devolveles al Riigikogu p'aldericales de nuevu. Sicasí, nun puede vetar nenguna llei si ye aprobada de nuevu nel Riigikogu.
El Presidente tien el derechu d'empecipiar les enmiendes a la Constitución.
Ye'l Comandante Supremu de la defensa nacional d'Estonia, convoca y preside el Conseyu de Defensa Nacional y confier los rangos militares.

El presidente ye l'encargáu de designar al primer ministru, non ensin antes llograr el vistu bonu del Parllamentu.

El Presidente ye escoyíu pol Riigikogu pa un mandatu de cinco años; si nun llogra dos tercios de los votos pasaes trés rondes de votación, la responsabilidá d'escoyelo psa a una asamblea eleutoral (constituyida pol Parllamentu y miembros de los gobiernos llocales), qu'hai d'escoyer ente los dos candidatos con mayor porcentaxe de votos.

Cabo notar qu'un presidente nun puede ser escoyíu pa más de dos mandatos consecutivos.

Historia[editar | editar la fonte]

Estonia nun tuvo presidente de 1918 a 1938. Hasta 1934, el xefe d'estáu yera'l Vieyu del Estáu (riigivanem), que tamién yera'l xefe de gobiernu. En 1933 modificóse la constitución d'Estonia, tresformando al país d'un estáu parllamentariu a unu presidencial. El xefe d'estáu, según la nueva constitución, tamién se llamaría Vieyu del Estáu. Sicasí, esta provisión nunca entró a valir debíu al golpe d'estáu de Konstantin Päts en 1934. En 1938 adoptóse una tercer constitución, que llamaba al xefe d'estáu Presidente y otorgábase-y un importante poder executivu. Konstantin Päts foi la primer persona n'ostentar esti títulu: el so mandatu duró seis años, pero terminó pocu dempués de qu'Estonia fora anexonada pola Xunión Soviética en 1940. Päts foi obligáu a dimitir y más tarde sería deteníu.

Mientres el mandatu soviéticu n'Estonia, el xefe del gobiernu nel exiliu de la República d'Estonia llamábase formalmente "Primer ministru en funciones de Presidente".

Dempués de qu'Estonia repunxera la independencia, adoptóse una nueva constitución parllamentaria. Dende entós tuvieron llugar cuatro comicios (en 1992, 1996, 2001 y 2006). En toos ellos el Parllamentu nun hai consguido escoyer al Presidente y la decisión pasó a l'asamblea eleutoral. Lennart Meri foi escoyíu en 1992 y reelixíu en 1996, ganando a Arnold Rüütel los dos vegaes. El mesmu Rüütel pasó a ser el siguiente presidente en 2001. En 2006 y 2011, ganó les eleiciones Toomas Hendrik Ilves. En 2016 Kersti Kaljulaid ganó les eleiciones, siendo la primer muyer n'ocupar esti cargu na hestoria d'Estonia.

Presidentes d'Estonia[editar | editar la fonte]

#		Nome		Empiezu del mandatu	Fin del mandatu	Partíu
	1		Konstantin Päts	24 d'abril de 1938	23 de xunetu de 1940	Isamaaliit
Estonia ye amestada a la Unión de Republicas Socialistes Sovieticas de 1940 a 1991
	2		Lennart Meri	6 d'ochobre de 1992	8 d'ochobre de 2001	Pro Patria
	3		Arnold Rüütel	8 d'ochobre de 2001	9 d'ochobre de 2006	Unión del Pueblu Estoniu
	4		Toomas Hendrik Ilves	9 d'ochobre de 2006	10 d'ochobre de 2016	Partíu Socialdemócrata
	5		Kersti Kaljulaid	10 d'ochobre de 2016	Presente	Independiente

Referencies[editar | editar la fonte]

Enllaces esternos[editar | editar la fonte]