John Banner

De Wikipedia
Saltar a navegación Saltar a la gueta
John Banner
John Banner35mm film frames.svg
John Banner Bob Crane Hogan's Heroes 1965.jpg
Vida
Nacimientu Viena28  de xineru de 1910
Nacionalidá Bandera de Estaos Xuníos d'América Estaos Xuníos
Bandera de Austria Austria
Fallecimientu

Viena28  de xineru de 1973

(63 años)
Oficiu
Oficiu actor, actor de televisión y actor de cine
Serviciu militar
Lluchó en Segunda Guerra Mundial
IMDb nm0052308
Cambiar los datos en Wikidata

John Banner (28  de xineru de 1910Viena - 28  de xineru de 1973Viena), foi un actor, actor de televisión y actor de cine de Estaos Xuníos y Austria. Ye conocíu principalmente pola so actuación como'l Sarxentu Schultz na sitcom Hogan's Heroes (1965–1971).

Biografía[editar | editar la fonte]

El so verdaderu nome yera Johann Banner, y nació en Viena, Imperiu austrohúngaru, nel senu d'una familia d'orixe xudíu. Estudió pa consiguir el títulu Juris Doctor, pero finalmente decidió ser actor. En 1938, cuando actuaba en Suiza, Adolf Hitler anexonó Austria a la Alemaña nazi. Por causa de ello Banner emigró a Estaos Xuníos, onde rápido aprendió inglés. Darréu empezó a actuar en producciones de Hollywood, usualmente interpretando, irónicamente, a soldaos nazis.

Los llargumetraxes nos qu'intervieno suman un total de más de cuarenta títulos. En 1943 foi un axente de la Gestapo nel filme de 20th Century Fox Chetniks! The Fighting Guerrilles. Los papeles que llevaba a cabu nun yeren del so presto, pos los miembros de la so familia que se quedaron en Viena perecieron en campos de concentración nazis, pero yeren les úniques ufiertes d'empléu que recibía.

Banner trabayó en más de 70 ocasiones pa la televisión ente 1950 y 1970. Ente los programes nos qu'actuó destaquen Mister Ed, The Lucy Show, Perry Mason, The Partridge Family, Los Intocables (episodiu "Takeover", 1962) Viaxe al fondu del mar (episodiu "Hot Line", 1964) Y L'axente de CIPOL (entrega "The Neptune Affair", 1964).

En 1954 trabayó regularmente como Bavarro na serie infantil Rocky Jones, Space Ranger. Dos años más tarde foi un conductor de tren nuna entrega de Alfred Hitchcock Presents, trabayando al pie del so futuru compañeru en Hogan's Heroes Werner Klemperer. Banner tamién tuvo un pequeñu papel nun episodiu de Aventures de Superman, y encarnó a personaxes nazis nos filmes Operation Eichmann (1961, como Rudolf Höss) y Hitler (1962, como Gregor Strasser).

Tres la cancelación de "Hogan's Heroes" en 1971, Banner foi l'ineptu gángster Tíu Latzi nuna sitcom de curtia trayeutoria, The Chicago Teddy Bears.

La so última actuación tuvo llugar el 7 de marzu de 1972 nun episodiu de "The Partridge Family". Dempués retiróse y foise a vivir al so Viena natal.

Menos d'un añu dempués John Banner finó en Viena por causa de una hemorraxa abdominal, nel día del so 63 cumpleaños. Foi soterráu nel Campusantu de Mauer, na actual Viena.

Referencies[editar | editar la fonte]

Enllaces esternos[editar | editar la fonte]