Jennifer O'Neill

De Wikipedia
Saltar a navegación Saltar a la gueta
Jennifer O'Neill
Jennifer O'Neill
Jennifer O'Neill 1973.JPG
Vida
Nacimientu

Rio de Janeiro20  de febreru de 1948

(71 años)
Nacionalidá Bandera de Brasil Brasil
Bandera de Estaos Xuníos d'América Estaos Xuníos
Estudios
Estudios Dalton School Traducir
Oficiu
Oficiu actriz, modelu, actriz de televisión y actriz de cine
IMDb nm0642198
www.jenniferoneill.com
Cambiar los datos en Wikidata

Jennifer O'Neill (Rio de Janeiro, 20 de febreru de 1948) ye una actriz de cine d'Estaos Xuníos.

Biografía[editar | editar la fonte]

Nació en Brasil, fía d'un home de negocios d'orixe hispanu-irlandés y de madre inglesa.

Siendo adolescente, empezó a trabayar como modelu y apaeció n'anuncios de televisión y nes portaes de revistes. En 1968 llogró un pequeñu papel nel cine, y dos años más tarde apaeció tamién na película Ríu Llobu, con John Wayne. En 1971 llegó la so oportunidá con Branu del 42, película na qu'interpreta a una vilba de guerra de mediana edá que vive un idiliu con un adolescente. Con esta película, más murnia qu'erótica, fíxose famosa.

A partir d'entós, O'Neill siguió actuando nel cine, pero nun consiguió papeles que-y dieren la oportunidá de realizar interpretaciones memorables. Con tou, participó na última película de Luchino Visconti, L'innocente (1976).

O'Neill tuvo sicasí más ésitu na televisión, mediu nel qu'apaeció en numberoses ocasiones como protagonista de telefilmes y series. Ente estes postreres destaca Cover Up (Modelu masculín na so traducción pa Hispanoamérica), sobre un grupu d'axentes secretos tapáu so l'apariencia d'una axencia de modelos. El rodaxe d'esta serie en 1984 viose envolubráu en traxedia cuando'l protagonista masculín, Jon-Erik Hexum, resultó muertu por un desgraciáu accidente: bromiaba con una pistola de fogueo y disparóse un tiru na cabeza. La bala, anque yera falsa, encuallóse-y nel craniu.

L'actriz tamién apaeció na ambiciosa miniserie bíblica A.D. Anno Domini (1985), nel papel de Mesalina, al pie de astros como Ava Gardner, James Mason, Susan Sarandon y Fernando Rei.

Dende va dos décades O'Neill escribió llibros. El so primer llibru Surviving Myself (1999) fala sobre'l procesu que lu llevó a convertise en cristiana; From Fallen To Forgiven, ye una obra con notes y pensamientos autobiográficos sobre la vida y sobre Dios, y You Are Not Alone sofita'l movimientu provida y llamenta la llegalización del albuertu, pero al empar propón a les muyeres atopar sentíu a la vida al traviés de la fe cristiana.[1] El so últimu llibru titúlase Faith Lessons ("Lleiciones de fe", 2008).

Filmografía[editar | editar la fonte]

Referencies[editar | editar la fonte]

Enllaces esternos[editar | editar la fonte]