Jeffrey Hunter

De Wikipedia
Saltar a navegación Saltar a la gueta
Jeffrey Hunter
Jeffrey Hunter
Jeffrey Hunter Sgt Rutledge.jpg
Vida
Nacimientu Nueva Orleans25  de payares de 1926
Nacionalidá Bandera de Estaos Xuníos d'América Estaos Xuníos
Fallecimientu

Los Angeles27  de mayu de 1969

(42 años)
Sepultura California
Causa de la muerte hemorraxa cerebral
Familia
Casáu/ada con Barbara Rush  (1950 -  1955)
Emily McLaughlin  (febreru 1969 -  27 mayu 1969)
Estudios
Estudios Whitefish Bay High School Traducir
Universidá de California en Los Angeles
Universidá Northwestern
Northwestern University School of Communication Traducir
Oficiu
Oficiu actor, productor de cine, actor de televisión y actor de cine
Emplegadores Warner Bros.
Xéneru artísticu wéstern Traducir
Serviciu militar
Cuerpu militar Armada de los Estaos Xuníos
Lluchó en Segunda Guerra Mundial
Creencies
Partíu políticu California Republican Party Traducir
IMDb nm0001374
Cambiar los datos en Wikidata

Jeffrey Hunter (Henry Herman “Hank” McKinnies: Nueva Orleans, 25 de payares de 1926 - Los Angeles, 27 de mayu de 1969) foi un actor de cine y televisión estauxunidense.

Debe bona parte de la so fama al so papel en Centauros del desiertu, xuntu con John Wayne y tamién a la superproducción Rei de Reyes, onde interpretó a Xesucristo.

Carrera[editar | editar la fonte]

Jeffrey Hunter convirtióse nuna estrella xuvenil mientres los años 50, igual que Robert Wagner ó James Dean. Pa la so fortuna como actor, entró a formar parte del grupu d'actores habituales de John Ford, y gracies a esto intervieno en grandes películes como The Searchers (Más corazón qu'odio o Centauros del desiertu), El postreru hurra y El sarxentu negru. Otres películes importantes nes qu'intervieno fueron la primer versión de Bésame enantes de morrer basada na novela homónima de Roxura Levin, y La verdadera hestoria de Jesse James de Nicholas Ray. En dambes películes compartía protagonismu con Robert Wagner, y na segunda interpretaba a Frank James ente que Wagner faía'l papel de Jesse. En 1957 rodó Una pistola pa un cobarde (Gun For A Coward) onde interpretaba a un personaxe acoradáu al pie de Fred MacMurray y Chill Wills.

En 1961 y en protagonizando El sarxentu negru, volvería trabayar con Nicholas Ray en Rei de Reyes onde interpretaba a Xesús. Sicasí, y a pesar de que los años sesenta empezaben con estos bonos auspicios, la crisis del cine qu'empezó nesta década fíxo-y participar en películes cada vegada de menos calidá. Destaquen d'esta dómina la so apaición nel peplum Oru pal César y la película de Robert Siodmak La última aventura, p'acabar trabayando en westerns de coproducción y los llamaos spaguetti westerns. De ta última etapa de la so vida destaca la so interpretación nel episodiu piloto de Star Trek interpretando al capitán Christopher Pike.

Vida privada[editar | editar la fonte]

De 1950 a 1955 tuvo casáu cola actriz Barbara Rush cola que tuvo un fíu, Christopher, nacíu en 1952. Depués, ente 1957 y 1967, tuvo casáu cola modelu Dusty Bartlett. Jeffrey adoptó al fíu d'ésta, Steele, y darréu la pareya tuvo dos fíos comunes, Todd y Scott. En febreru de 1969, casóse cola actriz Emily McLaughlin.

Muerte[editar | editar la fonte]

Mientres rodaba n'España ¡Viva América! en 1969, Hunter foi mancáu nuna esplosión nel set de rodaxe, sufriendo laceraciones faciales con vidrios rotos, según quemadures de pólvora. Poco dempués, un vieyu amigu, ex comandu británicu, solmenó-y ensin querer un golpe de kárate nel cazu del que Jeffrey, que sabía yudu, nun pudo defendese a tiempu, cutiéndose la parte posterior de la cabeza contra una puerta. Mientres el vuelu de regresu a Estaos Xuníos xuntu cola so esposa'l so brazu derechu quedó de secute semi paralizáu y perdió la fala. Al aterrizar, foi lleváu direutamente dende l'avión a Valley Hospital en Los Angeles, onde se determinó que sufriera una hemorraxa cerebral. Recuperóse y foi dáu d'alta al cabu d'un par de selmanes. Na so casa de Van Nuys, California, Hunter siguió quexándose de fuertes dolores de cabeza y mareos. Poco dempués sufrió otra hemorraxa cerebral nun curtiu tramu d'escaleres na so sala de tar y derrumbóse, quebrándose'l craniu. Cuando lu atoparon nun sabíen cuánto tiempu había estáu inconsciente. Morrió mientres la ciruxía pa reparar el craniu ensin llegar a recuperar la consciencia. Tenía 42 años. Hunter foi soterráu nel Glen Haven Memorial Park, en Sylmar, California.

Enllaces esternos[editar | editar la fonte]