Jean Parker

De Wikipedia
Saltar a navegación Saltar a la gueta
Jean Parker
Jean Parker
Jean Parker - still.jpg
Vida
Nacimientu Deer Lodge Traducir11  d'agostu de 1915
Nacionalidá Bandera de Estaos Xuníos d'América Estaos Xuníos
Residencia Montana
Fallecimientu

Woodland Hills30  de payares de 2005

(90 años)
Sepultura Forest Lawn Memorial Park
Causa de la muerte Accidente cerebrovascular
Familia
Casáu/ada con Robert Lowery  1957)
Oficiu
Oficiu actriz de teatru y actriz de cine
IMDb nm0662335
Cambiar los datos en Wikidata

Jean Parker (Lois Mae Green: Deer Lodge, de Montana, 11 d'agostu de 1915 - Woodland Hills, de Los Angeles, en California, 30 de payares del 2005) foi una actriz estauxunidense qu'intervieno en 70 películes dende 1932 hasta 1966.

Estudió en centros de Pasadena (California), y graduóse na John Muir High School,[1] tamién de de Pasadena. La so primer aspiración yera dedicase a les belles artes y l'ilustración. Sicasí, foi afayada por Ida Koverman, secretaria del magnate Louis B. Mayer, unu de los fundadores de la MGM, en viéndola nun póster representando al Padre Tiempu.

Tuvo una esitosa carrera na MGM, la RKO y la Columbia con papeles importantes como'l de Beth na orixinal Little Women (Mujercita- España; Los cuatro hermanitas - Iberoamérica). Ente otres munches interpretaciones cabo destacar Lady for A Day (Dama per un día), de Frank Capra; Gabriel Over the White House (L'espertar d'una nación); Sequoia; The Ghost Goes West (La pantasma va al Oeste), xunto a Robert Donat; y Rasputin and the Empress, na cual tuvo como compañeros a los hermanos Barrymore (John, Ethel, y Lionel), na única película que rodaron xuntos. En 1939, trabayó xunto a Stan Laurel y Oliver Hardy na producción de la RKO The Flying Deuces (Los llocos del aire).

Parker permaneció activa nel cine mientres los años cuarenta. Trabayó en Detective Kitty O' Day, con Lon Chaney en Los güeyos del muertu (Dead Man's Eyes, 1944), de Reginald -y Borg (1902 – 1989), y n'otres películes.

Parker alministró'l so propiu aeropuertu, al pie del so entós home Doug Dawson, en Palm Springs, California, hasta pocu dempués del entamu de la Segunda Guerra Mundial. Mientres la guerra, visitó numberosos hospitales de veteranos nos Estaos Xuníos y trabayó na radio. Nos años cincuenta, Parker co-protagonizó xunto a Edward G. Robinson "Black Tuesday (Martes negru)", tuvo un papel pequeño pero importante en "Gunfighter (El pistoleru)", xunto a Gregory Peck, y apaeció xunto a Randolph Scott y Angela Lansbury nel western "Lawless Street (La ciudá ensin llei)" en 1955. La so última interpretación foi en 1966, na película "Apache Uprising", dirixida por R.G. Springsteen.

Parker tamién trabayó nel teatru. En 1949 reemplazó a Judy Holliday en Born Yesterday, en Broadway, que foi un gran ésitu. Parker tamién trabayó en Broadway xunto a Bert Lahr na obra Burlesque, fixo representaciones veraniegues en Bucks County, Pennsylvania, fixo una xira cola obra Candlelight and Llocu, y formó parte d'otres munches producciones.

Tuvo casada con George MacDonald (1936-1940), col ayudante de direición Douglas Dawson (1941-1943), con Curtis Grotter (1944-1949) y col actor Robert Lowery (1951-1957). Esti postreru trabayaba en 1949 na serie "Batman and Robin". En 1952 tuvieron un fíu, Robert Lowery Hanks, que foi executivu en Los Angeles, California. Más palantre, pasó una esitosa temporada nel circuitu teatral de la Mariña Oeste, y trabayó como profesora d'interpretación.

Pasó los sos últimos años nel Motion Picture and Television Country House and Hospital de Woodland Hills, California, onde finó d'un accidente cerebrovascular el 30 de payares de 2005, acabante cumplir los 90 años.

Notes[editar | editar la fonte]

Enllaces esternos[editar | editar la fonte]