Jacinda Barrett

De Wikipedia
Jacinda Barrett
Vida
Nacimientu Brisbane[1]2 d'agostu de 1972[2] (51 años)
Nacionalidá Bandera de Australia Australia
Bandera de Estaos Xuníos d'América Estaos Xuníos
Llingua materna inglés
Familia
Casada con Gabriel Macht (2004 – )
Fíos/es Satine Anais Geraldine Macht
Estudios
Estudios British American Drama Academy (en) Traducir
Kenmore State High School (en) Traducir
Corinda State High School (en) Traducir
Llingües falaes inglés[3]
Oficiu actriz, modelu, actriz de cineactriz de televisión
Altor 178 cm
IMDb nm0057150
Cambiar los datos en Wikidata

Jacinda Barrett (2 d'agostu de 1972Brisbane) ye una modelu y actriz australiana de cine y televisión. Participó en películes como Ladder 49 (2004), Poseidon (2006), The Last Kiss (2006) o School for Scoundrels (2006).

Biografía[editar | editar la fonte]

Ye fía d'un bomberu, nació en Brisbane, Australia. Empezó la so carrera como modelu a la edá de diecisiete años, trabayando n'Europa.

El 6 d'agostu de 2010 Jacinda anunció nel show de Craig Ferguson que consiguiera la ciudadanía americana.[4] Ganó'l "Dolly Covergirl Contest" n'Australia en 1988, mientres allegaba a la "Kenmore State High School".[4]

Tuvo comprometida col comediante Chris Hardwick.[4]

El 29 d'avientu del 2004 casóse col actor y modelu Gabriel Match; la pareya tuvo a la so primer fía Satine Anais Geraldine Macht, el 27 d'agostu de 2007 en Los Angeles, Estaos Xuníos.[5]

Carrera[editar | editar la fonte]

Consiguió'l so primer papel en 1995 con The Real World: London y darréu decidió tomar clases d'interpretación na "British American Drama Academy" en Oxford, Reinu Xuníu.[4]

La so trayeutoria como actriz empezó con pequeñes participaciones en series de televisión como Hercules: The Legendary Journeys, onde interpretó a Medea nel capítulu tituláu "Medea Culpa" en 1998.[6]

Tres otres apaiciones en televisión el so primer papel nel cine llegó de la mano de la cinta de terror Urban Legends: Final Cut (2000), na que tuvo qu'esaniciar el so acentu australianu.[4] En 2003 trabayó con Anthony Hopkins y Nicole Kidman nel drama The Human Stain, basáu na novela, de títulu homónimu, escrita por Philip Roth. Encarnó a la esposa de Joaquin Phoenix en Ladder 49 (2004); Barrett declaró que sentía qu'ésta película yera como la so vida real, cuidao que'l so padre yera un bomberu con trenta y tres años d'esperiencia.[7] En 2004 tamién apaeció, como Rebecca, en Bridget Jones: The Edge of Reason.

En 2006 formó parte d'un repartu qu'incluyía nomes como'l de Kurt Russell, Josh Lucas o Emmy Rossum en Poseidon, remake de la película de 1972.[8] La cinta sumó 181 millones de dólares internacionalmente, convirtiéndose na producción más esitosa de la so filmografía.[9] Esi mesmu añu tamién apaeció nes películes The Last Kiss y la comedia School for Scoundrels, xunto a Billy Bob Thornton.

En New York, I Love You (2010) interpretó a Maggie, nel segmentu del filme empobináu por Natalie Portman.[10]

Filmografía parcial[editar | editar la fonte]

Añu Película
1998 Hercules: The Legendary Journeys (TV)
2000 Urban Legends: Final Cut
2003 The Human Stain
2004 Ladder 49
Bridget Jones: The Edge of Reason
2006 Poseidon
The Last Kiss
School for Scoundrels
2009 New York, I Love You
Middle Men
2010 Matching Jack

Referencies[editar | editar la fonte]

  1. Afirmao en: Gemeinsame Normdatei. Data de consulta: 12 avientu 2014. Llingua de la obra o nome: alemán. Autor: Biblioteca Nacional d'Alemaña.
  2. Afirmao en: Gemeinsame Normdatei. Data de consulta: 27 abril 2014. Llingua de la obra o nome: alemán. Autor: Biblioteca Nacional d'Alemaña.
  3. Identificador CONOR.SI: 129045859. Afirmao en: CONOR.SI.
  4. 4,0 4,1 4,2 4,3 4,4 «Biografía de Jacinda Barrett» (inglés). IMDb. Consultáu'l 15 d'ochobre de 2011.
  5. Orloff, Brian (28 d'agostu de 2007). «Jacinda Barrett Welcomes a Baby Girl» (inglés). People. Consultáu'l 15 d'ochobre de 2011.
  6. «Medea Culpa (#4.11)» (inglés). IMDb. Consultáu'l 18 d'ochobre de 2011.
  7. «Trivia for Ladder 49» (inglés). IMDb. Consultáu'l 18 d'ochobre de 2011.
  8. ThehauntedV21 (19 de payares de 2005). «Poseidón, remake de L'Aventura de Poseidón» (castellanu). El Séptimu Arte. Consultáu'l 18 d'ochobre de 2011.
  9. «Poseidon en Box Office Mojo» (inglés). Box Office Mojo. Consultáu'l 18 d'ochobre de 2011.
  10. «New York, I Love You: Natalie Portman in Central Park» (inglés). Emanuel Levy. Consultáu'l 6 d'ochobre de 2011.

Enllaces esternos[editar | editar la fonte]