Islla Swains
| Islla Swains | |
|---|---|
| Olosega (sm) | |
 | |
| Situación | |
 | |
| País |  Estaos Xuníos |
| Territorios ensin incorporar |  Samoa Americana |
| Tipu | islla |
| Parte de | islles Tokeláu |
| Asitiáu en | Océanu Pacíficu |
| Coordenaes | 11°03′20″S 171°04′40″W / 11.0556°S 171.0778°O |
  Islla Swains Islla Swains (Tokeláu) | |
| Datos | |
| Altitú media | 3,5 m |
| Superficie | 1,865 km² |
| Población | 17 |
| Fusu horariu | UTC−11:00 |
| Llonxitú | 1,8 km |
 | |
La islla de Swains (Olosega en samoanu, Olohega en tokelauano, Swains Island n'inglés) ye un atolón del archipiélagu de Tokeláu alministráu pola Samoa Americana. Anque xeográfica y culturalmente pertenez al grupu d'islles de Tokeláu, política ya históricamente ye un territoriu de los Estaos Xuníos d'América.
Xeografía[editar | editar la fonte]
L'atolón ta dafechu zarráu y la llaguna interior queda aisllada del océanu. El so salín depende de l'agua. La superficie total ye de 1,508 km², y cuntando cola llaguna ye de 1,865 km². Na zona de llevante de la llaguna hai un castru de 764 m².
En 2005 la población censada yera de 8 habitantes na villa de Taulaga asitiada a ponente. Al suroeste atópase la villa de Etena («l'Edén») anguaño abandonada.
Historia[editar | editar la fonte]
Según les tradiciones de la vecina Fakaofo, Swains quedó erma nel sieglu xvii dempués d'un ataque dende aquella islla que mataron o secuestraron a los habitantes.
De cutiu identificóse Swains como la islla de Xente Formoso descrita por Pedro Fernández de Quirós el 2 de marzu de 1606, pero anguaño señálase que más probablemente se trate de Rakahanga, nes islles Cook.
En 1840 dos capitanes reclamaron el so descubrimientu: l'inglés Turnbull y el norteamericanu W.C. Swains del balleneru George Champlan. El capitán Henry Hudson, del USS Peacock que s'atopaba n'agües de Samoa, foi unviáu para esplorar la nueva islla. Consideró que la so posición nun coincidía cola islla de Quirós, y confirmó la posición dada por Swains, acreditándolo como'l descubridor.
El capitán Turnbull, que reclamaba la propiedá, dexó la islla al estadounidense a Eli Hutchinson Jennings Sr., xunto con Malia Jennings, la so muyer samoana, establecióse en 1856 en Swains, fundando una comunidá y una dinastía de propietarios.
El so fíu, Eli Hutchinson Jennings Jr., llamáu King Jennings por R.L. Stevenson, tuvo ésitu col plantíu de cocoteros y atraxo l'atención de les autoridaes coloniales britániques de les islles Gilbert y Ellice que reclamaron la islla de Swains.
En 1909 los británicos reconocieron la islla sol área d'influencia d'Estaos Xuníos, pero llegalmente siguió siendo tierra de naide (terra nullius).
El fíu de Eli Hutchinson Jennings Jr., Alexander Hutchinson Jennings, heredó la propiedá en 1920. El 4 de marzu de 1925, la islla foi anexionada a la Samoa Americana a instancies de Alexander.
Reconocióse-y, a él y a los sos descendientes, como'l propietariu de la islla so l'autoridá del representante del gobiernu. Anguaño'l plantíu non se continua esplotando y solo vive la familia.
El gobiernu de Nueva Zelanda, del que depende Tokeláu, reconoció en 1981 la soberanía estadounidense de la islla de Swains, pero na Constitución de Tokeláu, non aprobada, continuase reclamando la islla como parte del futuru estáu en llibre asociación.[1]
La dinastía Jennings[editar | editar la fonte]
- Eli Hutchinson Jennings Sr. (1814 - 1878), del 13 d'ochobre de 1856 al 4 d'avientu de 1878.
- Malia Jennings, la so viuda (? - 1891), hasta'l 25 d'ochobre de 1891.
- Eli Hutchinson Jennings Jr., el so fíu (1863 - 1920), hasta'l 24 d'ochobre de 1920.
- Ann Eliza Jennings Carruthers, fía de Eli Hutchinson Jennings Jr. (1897 - 1921), conjuntamente col so hermanu.
- Alexander Hutchinson Jennings, fíu de Eli Hutchinson Jennings Jr. y hermanu de Ann Eliza, hasta güei.
Referencies[editar | editar la fonte]
Enllaces esternos[editar | editar la fonte]
Wikimedia Commons acueye conteníu multimedia sobre Islla Swains 
.
Islla Swains n'OpenStreetMap.- www.doi.gov/, Historia de Swains, Departamentu d'Interior de EE.XX. (n'inglés)
Datos: Q1128488- Multimedia: Swains Island