Isabelle Rapin

De Wikipedia
Saltar a navegación Saltar a la gueta
Isabelle RapinPicto infobox character.png
Vida
Nacimientu Lausana4  d'avientu de 1927
Nacionalidá Bandera de Estaos Xuníos d'América Estaos Xuníos
Fallecimientu

Rhinebeck Traducir24  de mayu de 2017

(89 años)
Oficiu
Oficiu neuróloga
Cambiar los datos en Wikidata

Isabelle Juliette Martha Rapin (Lausana, 4 d'avientu de 1927-Rhinebeck, 24 de mayu de 2017) foi una profesora de Neuroloxía y Pediatría na Escuela de Medicina Albert Einstein, na ciudá de Nueva York.[1][2][3][4] Mientres décades foi una de les principales referentes nel ámbitu del autismu y socia de l'Academia Americana de Neuroloxía.[5]

Vida personal y educación[editar | editar la fonte]

Rapin nació en Lausana, Suiza. La so madre yera de Connecticut y el so padre yera suizu.[6] Dende neña foi una vidueña llectora y una neña scout; asistió a colexos de neñes ente los 9 y los 19 años. Arrodiada por una familia científica, decidió convertise en médicu antes de cumplir los 10 años.

Empezó los sos estudios na facultá de medicina de la Universidá de Lausana en 1946, nuna clase de 100 estudiantes de los cualos namái una docena yeren muyeres. Decidió convertise en neuróloga pediátrica en 1951 dempués de pasar 12 selmanes nel Hospital de la Pitié-Salpêtrière y nel Hôpital des Enfants Malades en París. Cuando se graduó na facultá de medicina en Lausana en 1952 había pocos trabayu remunerados en Suiza, polo que postuló a la Universidá de Harvard, Universidá de Yale, Universidá Johns Hopkins y el Hospital Bellevue n'Estaos Xuníos. Emigró a Estaos Xuníos en 1953 dempués de que-y ufiertaren un puestu de pediatría nel Hospital Bellevue.[7] En 1955 recibió'l so títulu de doctora cuando la so tesis foi publicada nos Archivos suizos de Neuroloxía y Psiquiatría.

Conoció al so home Harold Oaklander en 1958 y contraxo matrimoniu en 1959.[8] El so home acabó'l so doctoráu na Universidá de Columbia, pero sabiendo qu'ella nun dexaría la Escuela de Medicina d'Albert Einstein, aceptó un trabayu menos prestixosu pa permanecer cerca d'ella. Tuvieron dos fíos y dos fíos.

Carrera[editar | editar la fonte]

Rapin ingresó na especialidá de pediatría nel Hospital Bellevue en Nueva York y completó la so residencia en neuroloxía nel Institutu de Neuroloxía del Hospital Presbiterianu de Columbia, onde tamién tuvo una beca d'investigación mientres un añu. Ingresó na Universidá d'Albert Einstein en 1958 y xubilóse en 2012 a los 84 años d'edá.

Rapin afirmó qu'el so interés nos trestornos del llinguaxe y l'autismu aumentó cola incorporación de Dr. Doris A. Allen al Hospital Einstein, yá que atropaba esperiencia nel campu de la Psicolingüística, la Psicoloxía y los trestornos del llinguaxe. Dempués d'evaluar a mamplén de neños autistes, detectó qu'un terciu de les consultes de proxenitores con neños autistes que presenten regresiones conductuales y llingüístiques merecen una investigación biolóxica."

Nomamientos[editar | editar la fonte]

Rapin ayudó a fundar la Sociedá de Neuroloxía Infantil y l'Asociación Internacional de Neuroloxía Infantil. Nel Hospital Einstein fundó'l Programa de Serviciu ya Investigación de Neuroloxía Infantil.

Participó nos conseyos de la Sociedá de Neuroloxía Infantil, l'Academia Americana de Neuroloxía y la Sociedá Internacional de Neuropsicología.

Reconocencies y llogros[editar | editar la fonte]

The Boston Globe dixo en1992 que Rapin yera "una especialista n'enfermedaes neurolóxiques infantiles, qu'afayó tales enfermedaes y amás foi una autoridá nel ámbitu del autismu. The New York Times dixo: "considerada por munchos como la dama del autismu, la Dra. Rapin invirtió décades na investigación d'esta discapacidá."

La Escuela de Medicina Albert Einstein afirmó que Rapin yera "una líder nel campu de la neuroloxía infantil...autora de distintos descubrimientos nel campu del trestornos neurogenéticos infantiles, incluyendo l'entendimientu del autismu. Amás de ser conocida como 'la madre del autismu', tamién foi denominada como una 'celebridá nel so campu d'investigación' y siempres la 'lluz qu'empón'." Pa honrar a Rapin, Einstein estableció en 2012 una conferencia añal sobre desordes comunicacionales. Según el so colega'l Dr. Mark Mehler, "ella ye una esperta mundial nel campu de los desordes comunicacionales pediátricos, y mientres la so carrera tamién definió y refinó el nuesu entendimientu del campu entero." En 2006 Einstein celebró un simposio internacional n'honor a Rapin.[9]

Los premios y reconocencies a Rapin inclúin:

  • Premiu del Presidente de l'Academia Americana de Neuroloxía.[10]
  • Alumna Honoraria de la Escuela de Medicina de la Universidá Albert Einstein.
  • Premiu a la Excelencia de la Sociedá Americana d'Autismu n'investigación sobre l'autismu.
  • Premiu Centru Shriver.[11]

Publicaciones[editar | editar la fonte]

Hasta 2006 Rapin publicara más de 135 artículos científicos y 75 capítulos de distintos llibros; dalgunos de los sos llibros son:

  • Tuchman R, Rapin I (2006). Autism: A Neurological Disorder of Early Brain Development. MacKeith Press. ISBN 978-0444503633.
  • Riva D, Rapin I, Zardini G (2006). Language: Normal and Pathological Development. John Libbey Eurotext Ltd. ISBN 978-2472006384.
  • Rapin I (1996). Preschool Children with Inadequate Communication. MacKeith Press. ISBN 978-1898683070.
  • Rapin I (1994). Handbook of Neuropsychology. 6. Elsevier Science Ltd. ISBN 978-0444820600.
  • Rapin I (1982). Children with Brain Dysfunction: Neurology, Cognition, Language, and Behavior. Raven Press. ISBN 978-0890048443.
  • Haas RH, Rapin I, Moser HW (1988). Rett Syndrome and Autism. Year Book Medical Pub. ISBN 978-9990808179.

Referencies[editar | editar la fonte]

  1. «Isabelle Rapin, Who Advanced Concept of an Autism Spectrum, Dies at 89». New York Times. 9 de xunu de 2017. https://www.nytimes.com/2017/06/09/science/obituary-neurologist-isabelle-rapin-autism.html?. Consultáu 'l 11 de xunu de 2017. 
  2. «Death Notices». New York Times. 25 de mayu de 2017. http://www.legacy.com/obituaries/nytimes/obituary.aspx?n=isabelle-rapin&pid=185610920. Consultáu 'l 26 de mayu de 2017. 
  3. «Isabelle Rapin, M.D.». Albert Einstein College of Medicine. Consultáu'l 29 d'avientu de 2013.
  4. «Dr. Isabelle Rapin: a living legend». Albert Einstein College of Medicine (26 d'avientu de 2012). Consultáu'l 29 d'avientu de 2013.
  5. Kenny A (8 d'avientu de 2002). «When autism strikes». New York Times:  p. WC1. 
  6. Rapin I (mayu de 2001). «Isabelle Rapin: an autobiography». J. Child Neurol. 16 (5):  pp. 352–6. doi:10.2310/7010.2001.17156. PMID 11392520. 
  7. Sandomir, Richard (9 de xunu de 2017). «Isabelle Rapin, Who Advanced Concept of an Autism Spectrum, Dies at 89» (n'en-US). The New York Times. ISSN 0362-4331. https://www.nytimes.com/2017/06/09/science/obituary-neurologist-isabelle-rapin-autism.html. Consultáu 'l 13 de xunu de 2017. 
  8. «Dr. Isabelle Rapin Bride of a Teacher». New York Times:  p. 31. 6 d'abril de 1959. https://timesmachine.nytimes.com/timesmachine/1959/04/06/89120455.html?action=click&contentCollection=Archives&module=ArticleEndCTA&region=ArchiveBody&pgtype=article&pageNumber=31. Consultáu 'l 26 de mayu de 2017. 
  9. Putting perspective on autism: a symposium in honor of Dr. Isabelle Rapin and her numerous contributions to the field. Medical News Today. 13 d'avientu de 2006. http://www.medicalnewstoday.com/releases/58977.php. Consultáu 'l 29 d'avientu de 2013. 
  10. AAN announces 2010 award winners in neurologic research. American Academy of Neurology. 2010. https://www.aan.com/PressRoom/Home/PressRelease/824. Consultáu 'l 29 d'avientu de 2013. 
  11. «Two are honored for aid to retarded». Boston Globe:  p. 95. 9 de xunu de 1992. 



Isabelle Rapin