Imi Lichtenfeld

De Wikipedia
Saltar a navegación Saltar a la gueta
Imi LichtenfeldBoxing pictogram.svg
Grand masters small talk.jpg
Vida
Nacimientu

Budapest[2]26  de mayu de 1910

[2]
Nacionalidá Flag of the Czech Republic.svg Checoslovaquia
Reinu d'Hungría
Bandera de Israel Israel
Grupu étnicu pueblu xudíu
Muerte

Netanya (es) Traducir[4]9  de xineru de 1998

[5] (87 años)
Profesor de Eyal Yanilov
Haim Gidon
Yaron Lichtenstein
Oficiu
Oficiu boxeador, lluchadormilitar
Premios
Serviciu militar
Cuerpu militar Haganá (es) Traducir
Czechoslovak army in exile (en) Traducir[2]
Graduación Soldáu rasu[2]
Cambiar los datos en Wikidata

Imi Lichtenfeld, (26  de mayu de 1910Budapest - 9  de xineru de 1998Netanya (es) Traducir) tamién conocíu pol so nome hebraicu Imi Sde-Or, ye’l fundador del sistema de defensa personal Krav Maga. Nació’l 26 de mayu de 1910 en Budapest (Hungría), crióse en Bratislava (actual Eslovaquia), y morrió en Netanya (Israel), el 9 de xineru de 1998.

Primeros años[editar | editar la fonte]

El padre d'Imi, Samuel Lichtenfeld, yera inspeutor xefe de la policía de Bratislava y fuera endenantes acróbata de circu. Por aficionamientu, y tamién polo que consideraba esixencies del so trabayu, Samuel Lichtenfeld entamó a deprender a los sos subordinaos movimientos de defensa personal nel ximnasiu de so, l'Hércules. Col tiempu Imi había desendolcar estos movimientos, basaos sobre too na llucha y nel boxéu, creando más tarde’l Krav Maga. Imi Lichtenfeld compitió en torneos nacionales y internacionales de boxéu y de llucha, llegando a ser campeón y miembru del equipu nacional de llucha del so país (daquella Checoslovaquia).

Creación del Krav Maga[editar | editar la fonte]

El maestru Imi Lichtenfeld (izquierda)

Na Segunda Guerra Mundial los nazis asesinaron a tola familia d'Imi. Tovía mozu, Imi organizara la resistencia de los xudíos contra los grupos antisemites y fascistes llariegos en Bratislava, deprendiendo a defendese a los sos compatriotes. Más tarde xuntóse a la “lexón checa” del exércitu británicu y siguió lluchando contra los alemanes. Acabante la guerra coló pa Palestina y principió a enseñar téuniques de defensa personal primero a los paramilitares xudíos y llueu al exércitu israelín recién formáu, asina como téuniques de llucha con cuchiellos y con palos. Dende la creación del estáu d'Israel foi instructor xefe d'educación física y de defensa personal de les Fuercies de Defensa d'Israel. Nesos años el sistema llegó a tener un nome: Krav Maga (“Combate cuerpu a cuerpu”).

En 1964 dexó l'exércitu israelín y entamó a adautar el Krav Maga a les necesidaes de los civiles. Pruyía-y enseñar a defendese a cualesquier persona que tuviera qu'enfrentase a un ataque con un mínimu de riesgu y de daños.

Anque tovía siguió sirviendo de conseyeru y instructor de Krav Maga pal exércitu y otres fuercies de seguridá, pa esparder entá más el so métodu estableció dos centros privaos d'entrenamientu en Tel Aviv y en Netanya, onde vivía. Adoptó’l sistema de cinturones pa estructurar la enseñanza y asegurar una progresión rápida con total seguranza.

En 1972 principió la primer promoción d'instructores destinada a los civiles nel Institutu Wingate. Dende entós el métodu llegó a mui bien dellos civiles.

En 1978 Imi creó l'Asociación Israelina de Krav Maga pa esparder el métodu y tresmitir los sos valores. Foi presidente d'ella hasta’l fin de los sos díes.

En 1981 el Krav Maga escomenzó a desendolcase pel mundu.

Hasta los sos díes postreros, Imi siguió desendolcando les téuniques del Krav Maga y los sos conceutos. Supervisaba personalmente a los graos más altos de Krav Maga y pasaba tiempu colos instructores. Controlaba los progresos y los ésitos de los sos alumnos, cautivándolos cola so personalidá única y el so fondu sentíu del humor, y tresmitiéndo-yos el so conocimientu y conseyu.

  1. Afirmao en: Krav maga : how to defend yourself against armed assault. Llingua de la obra o nome: hebreo moderno. Autor: Imi Lichtenfeld.
  2. 2,0 2,1 2,2 2,3 Afirmao en: Q103989905. Data de consulta: 30 payares 2020.
  3. URL de la referencia: http://kravmaga-ikmf.com/krav-maga/the-founder/. Data de consulta: 17 xunu 2017.
  4. URL de la referencia: http://kravmaga-ikmf.com/krav-maga/the-founder/. Data de consulta: 17 xunu 2017.
  5. URL de la referencia: http://kravmaga-ikmf.com/krav-maga/the-founder/. Data de consulta: 17 xunu 2017.