HD 149404

De Wikipedia
Saltar a navegación Saltar a la gueta
HD 149404
V918 Scorpii
Constelación Escorpión
Ascensión reuta α 16h 36min 23s
Declinación δ -42° 51’ 32’’
Distancia 4500 años lluz (aprox)
Magnitú visual 5,47
Magnitú absoluta
Lluminosidá 790.000 y 600.000 soles.
Temperatura
Masa 60 y 50 Sol.
Radiu 24,3 y 28,1 veces Sol.
Tipu espectral O7.5 I(f) + ON9.7 I
Velocidá radial
Otros nomes HD 149404 / HIP 81305 / CD-42 7441

HD 149404, tamién conocida cómo V918 Scorpii, ye una estrella doble que namái se puede dixebrar per aciu métodos espectroscópicos asitiada na zona suroeste de la constelación del Escorpión, a una distancia del Sol non demasiáu bien conocida pero que dellos autores piensen que ye similar a la de l'asociación estelar Ara OB1, la mesma a la que pertenez el cúmulu abiertu NGC 6193, ye dicir 4500 años lluz aprosimao.[1] Con una magnitú aparente de 5,47 ye visible a simple vista dende cielos llibres de contaminación llumínica.

Carauterístiques[editar | editar la fonte]

HD 149404 ta formada por dos estrelles superxigantes de tipu espectral O7.5(f) y ON9.7, con lluminosidaes respeutives de 790.000 y 600.000 vegaes la del Sol, mases de 60 y aprosimao 50 mases solares, y radios respeutivos de 24,3 vegaes y 28,1 vegaes los de la nuesa estrella, tando los sos centros separaos por una distancia aprosimao similar a la esistente ente'l Sol y Mercuriu -aprosimao 50 millones de kilómetros-, tando la secundaria daqué más evolucionada que la primaria quiciabes por cuenta de tresferencia de materia ente dambes.[1]

Los dos estrelles tán tan cerca una de la otra que la so vientos estelares interaccionan, daqué que puede apreciase nel so espectro.[1]

Referencies[editar | editar la fonte]

  1. 1,0 1,1 1,2 The strange case of the massive binary HD149404, Schuster, Rauw, G.; Nazé, Y.; Carrier, F.; Burki, G.; Gosset, Y.; Vreux, J.-M., Astronomy and Astrophysics 368, pp. 212-224, Bibcode: 2001A&A...368..212R, doi 10.1051/0004-6361:20000527.