Gliese 777

De Wikipedia
Saltar a navegación Saltar a la gueta
Gliese 777
Gliese 777 A/B
Constelación Cygnus
Ascensión reuta α A 20h 03min 37,41s
B 20h 03min 26,52s
Declinación δ A +29º 53’ 48,5’’
B +29º 52’ 00,1’’
Distancia 51,8 años lluz
Magnitú visual +5,71 / +14,40
Magnitú absoluta +4,72 (conxunta)
Lluminosidá 1,11 / ? soles
Temperatura 5551 / ? K
Masa 0,9 / ? soles
Radiu 1,2 / ? soles
Tipu espectral G6IV / M4.5V
Velocidá radial -45,3 km/s

Gliese 777 (GJ 777) ye un sistema estelar na constelación del Cisne asitiáu a 51,8 años lluz del Sistema Solar. A fecha de 2005 conozse la esistencia de dos planetes estrasolares orbitando en redol a la estrella principal.

Sistema estelar[editar | editar la fonte]

La estrella principal de sistema, Gliese 777 A (HD 190360 / HR 7670 / LHS 3510), ye una subxigante mariella de tipu espectral G6IV y magnitú aparente +5,71. Ye una estrella asemeyada al Sol que ta rematando la fusión del so hidróxenu internu, siendo muncho más antigua qu'ésti, con una edá envalorada ente 7000 y 10.000 millones d'años. Tien una temperatura superficial de 5551 K, ye un 11% más lluminosa que'l Sol y la so masa ye un 4% menor que la masa solar. El so periodu de rotación ye de 40 díes. El so conteníu en metales —entendiendo como tales aquellos elementos más pesaos qu'el heliu— ye un 70% mayor que na nuesa estrella.

La estrella secundaria, Gliese 777 B (LHS 3509), ye una tenue nana colorada de magnitú +14,40 que orbita la estrella primaria a una distancia de 3000 UA. El periodu orbital ten de ser de delles decenes de miles d'años. De la mesma, Gliese 777 B podría ser una estrella binaria, onde la componente menos lluminosa sería otra nana colorada bien tenue.

Sistema planetariu[editar | editar la fonte]

En 2003 anuncióse'l descubrimientu d'un planeta estrasolar, Gliese 777 Ab o HD 190360 b, n'órbita alredor de la estrella subxigante mariella. Consideráu nun principiu un ximielgu del planeta Xúpiter, analises ulteriores dexaron comprobar que la so masa ye aprosimao 1,5 vegaes la de Xúpiter, y que la so órbita, en contra de lo pensóse primeramente, nun ye circular sinón que presenta una apreciable escentricidá de ε = 0,36. En 2005 afayóse un segundu planeta, Gliese 777 Ac o HD 190360 c, nuna órbita interior a 0,128 UA de la estrella. La so masa ye namái 18 vegaes mayor que la de la Tierra, aprosimao igual a la de Neptunu, moviéndose nuna órbita casi circular.

El 1 de xunetu de 1999 un mensaxe METI foi unviáu a Gliese 777. Foi tresmitíu dende'l radar de Eupatoria, el más grande de Eurasia. El mensaxe, llamáu Cosmic Call 1, va llegar a Gliese 777 n'abril de 2051.

Nome Masa Semiexe mayor Escentricidá Periodu orbital  Descubrimientu 
Gliese 777 Ac 0,057 (± 0,015) MJ 0,128 (± 0,002) UA 0,01 (± 0,1) 17,1 (± 0,015) díes 2005
Gliese 777 Ab 1,502 (± 0,13) MJ 3,92 (± 0,2) UA 0,36 (± 0,03) 2891 (± 85) díes 2003

Ver tamién[editar | editar la fonte]

Referencies[editar | editar la fonte]