Gerónimo Valdés

De Wikipedia
Saltar a navegación Saltar a la gueta
Gerónimo ValdésPicto infobox character.png
Gerónimo Valdés.jpg
Retrato de Jerónimo Valdés grabáu por José Gómez pa la Historia militar y política de Zumalacérregui, de Francisco de Paula Madrazo, 1844. Biblioteca Nacional d'España.
gobernador de Cuba (es) Traducir


Escudo del Senado de España.svg
Miembru del Senáu español

Vida
Nacimientu

Somiedu, 1784

[1]
Nacionalidá Bandera de Cuba Cuba
Flag of Spain.svg España
Muerte

Uviéu, 1855

[1] (70/71 años)
Estudios
Llingües falaes castellanu
Oficiu
Oficiu políticu, militar
Llugares de trabayu Madrid
Premios
Serviciu militar
Graduación xeneral
Lluchó en Guerra de la Independencia Española
Primer Guerra Carlista
Cambiar los datos en Wikidata

Gerónimo Valdés de Noriega, vizconde de Torata y conde de Villarín (Villarín d'Asturies, Somiedu, 1784 - Uviéu, 1855), foi un militar y políticu español.

Biografía[editar | editar la fonte]

Estudió Derechu na Universidá d'Uviéu, onde s'enteró de la invasión francesa d'España en 1808, apuntándose como voluntariu. La so situación d'estudiante universitariu y la falta d'oficiales, facilitó-y, prontamente, ser nomáu capitán y terminó la guerra contra Napoleón col grau de teniente coronel.

Abandonando, definitivamente, los sos estudios, viaxó a América xunto a José de la Serna y Hinojosa en 1816. N'intriga con otros militares, collaboró cola destitución del Virréi de Perú, Joaquín de la Pezuela, por De la Serna. Aportó a Mariscal de Campu, destacando poles sos aiciones nes batalles de Torata y Corpahuaico. Tres el desastre d'Ayacucho, tornó a España vía Francia en 1824.

Tres la muerte de Fernando VII y siendo Teniente Xeneral participó nel exércitu cristino en favor de la causa de la reina Sabela II contra'l so tíu Carlos María Isidro de Borbón na Primer Guerra Carlista.

Fuera nomáu por María Cristina de Borbón ministru de la Guerra en 1834, pero en setiembre de 1835 decidió faese cargu personalmente del mandu del Exércitu del Norte. A los pocos díes de llegar a Vitoria, coló con un poderosu exércitu a les Amescoas en Navarra a enfrentase con Zumalacárregui, sufriendo ellí la desastrosa Aición de Artaza mientres los díes 20 a 22 d'abril de 1835. Abellugáu en Logroño, recibió la visita de Lord Elliot, roblando equí'l 27 d'abril de 1835 el llamáu Conveniu lord Elliot que díes antes yá roblara Zumalacárregui en Asarta, por aciu el cual, básicamente, alcordáronse respetar en delantre la vida de los soldaos fechos prisioneros y trocalos siempres que fuera posible realizalo.

Tres la llegada del so antiguu subordináu y amigu Baldomero Espartero a la Rexencia d'España mientres la minoría d'edá de Sabela II, foi nomáu Capitán Xeneral de Cuba.[2] Foi diputáu[3] y senador[4] y escribió una hestoria de la independencia de Perú.

Ta consideráu como l'asturianu mas importante del sieglu XIX, como profesional del exércitu y ensin les connotaciones polítiques de Riego o San Miguel.[5]

Condecoraciones[editar | editar la fonte]

A lo llargo de la so carrera militar recibió les siguientes condecoraciones:

Referencies[editar | editar la fonte]

  1. ↑ 1,0 1,1 Afirmao en: Gran Enciclopèdia Catalana. Identificador de la Gran Enciclopedia Catalana: 0068883. Apaez como: Jerónimo Valdés y de Noriega. Editorial: Grup Enciclopèdia Catalana. Llingua de la obra o nome: catalán.
  2. ↑ Xuiciu de residencia de Gerónimo Valdés.
  3. ↑ Congresu de los Diputaos d'España: Archivu históricu de diputaos.
  4. ↑ Senáu d'España: Espediente personal del Conde de Villarin, D. Gerónimo Valdés, Prócer y Senador pola provincia de Valencia y Vitaliciu.
  5. ↑ Mato Díaz, Ánxel (2004). «Los ministros de la Guerra d'ascendencia asturiana», José Girón: Historia militar d'Asturies (en castellanu). Real Institutu d'Estudios Asturianos, páx. 100. ISBN 8489645930.

Enllaces esternos[editar | editar la fonte]











Gerónimo Valdés
Sacáu de «https://ast.wikipedia.org/w/index.php?title=Gerónimo_Valdés&oldid=3199879»