George Bancroft (actor)

De Wikipedia
Saltar a: navegación, buscar
George Bancroft (actor)
George Bancroft (actor)
George Bancroft (1882 –1956).jpg
Vida
Nacimientu Filadelfia30 de setiembre de 1882
Nacionalidá Bandera de Estaos Xuníos d'América Estaos Xuníos d'América
Fallecimientu

Santa Mónica2 d'ochobre de 1956

(74 años)
Sepultura Woodlawn Memorial Cemetery
Estudios
Estudios Academia Naval de los Estados Unidos
Oficiu
Oficiu actor, oficial, actor de teatru y actor de cine
Nominaciones
Serviciu militar
Cuerpu militar Armada de los Estados Unidos
IMDb nm0051628
Cambiar los datos en Wikidata

George Bancroft (30 de setiembre de 18822 d'ochobre de 1956) foi un actor cinematográficu de nacionalidá estaunidense, activu nes décades de 1920 y 1930.

Biografía[editar | editar la fonte]

Nacíu en Filadelfia, Pensilvania, nos sos primeros años foi marineru y, mientres taba embarcáu, aprovechaba pa interpretar obres teatrales. Llegó a graduase na Academia Naval de los Estaos Xuníos, pero dexó l'Armada pa faese comediante "blackface (actor cola cara pintada de negru)" actuando en revistes.

Más palantre enfocóse al melodrama y a la comedia musical, y aportó a una de les principales estrelles del Hollywood de los años venti. El primer papel protagonista de Bancroft llegó con The Poni Express (1925), y al siguiente añu fixo un importante papel de repartu nun elencu qu'incluyía a Wallace Beery y Charles Farrell na épica película naval Old Ironsides (1926). Más palantre actuó dirixíu por Josef von Sternberg en Underworld (1927) y en The Docks of New York (1928).

En 1929 foi nomáu al Óscar al meyor actor pola so actuación en Thunderbolt, y esi mesmu añu, y xustu enantes del Crac del 29, fixo'l papel del títulu en The Wolf of Wall Street.[1][2] En 1930 actuó na producción de Paramount Paramount on Parade (1930), y en 1933 nel filme de Rowland Brown Blood Money, condergáu pola censura pos s'envaloraba que podía afalar a los ciudadanos al crime.

Aquellos que lu conocíen, como yera'l casu de Budd Schulberg, dicíen que Bancroft desenvolviera un gran ego. Nuna ocasión negaríase a cayer nuna escena na que se disparaba contra él un revólver, alegando que "solo una bala nun puede parar a Bancroft!" En 1934 pasó a ser actor de repartu, anque inda actuó en clásicos como El secretu de vivir (1936), Ánxeles con cares puerques (1938), Each Dawn I Die (1939), y La dilixencia (1939), anque en pequeños papeles.

En 1942 dexó Hollywood pa ser rancheru. George Bancroft finó en Santo Mónica (California) en 1956, y foi soterráu nel Campusantu Woodlawn Memorial de Santo Mónica.

Selección de la so filmografía[editar | editar la fonte]

Referencies[editar | editar la fonte]

Enllaces esternos[editar | editar la fonte]