Geoffrey Lewis

Geoffrey Lewis
Vida
Nacimientu	San Diego, 31 de xunetu de 1935
Nacionalidá	Estaos Xuníos
Llingua materna	inglés
Muerte	Woodland Hills, 7 d'abril de 2015 (79 años)
Causa de la muerte	infartu de miocardiu
Familia
Fíos/es	Juliette Lewis
Estudios
Llingües falaes	inglés
Oficiu	actor, actor de cine, direutor de cine, actor de televisión, guionista
Xéneru artísticu	western
Creencies
Relixón	ciencioloxía
IMDb	nm0507212

Geoffrey Lewis (31 de xunetu de 1935, San Diego – 7 d'abril de 2015, Woodland Hills) foi un prolíficu actor d'Estaos Xuníos. Conocíu por haber trabayáu en múltiples ocasiones con Clint Eastwood y por ser un actor habitual de series de televisión estauxunidenses. Tamién foi miembru del grupu musical Celestial Navigations con Geoff Levin y padre de la tamién actriz Juliette Lewis.

Vida

Lewis nació en San Diego, California. Yera padre de diez fíos, ente ellos la tamién actriz Juliette Lewis.

Lewis apaeció en delles de les películes de Clint Eastwood, incluyendo la interpretación del villanu principal en High Plains Drifter, Orville na serie Every Which Way but Loose, John Arlington en Broncu Billy, y al excéntrico miembru del xuráu Luther Driggers na película Midnight in the Garden of Good and Evil.

Otros papeles notables de película fueron Double Impact xunto a Jean Claude Van Damme, The Culpepper Cattle Company, Thunderbolt and Lightfoot empobinada por Michael Cimino, Dillinger, El mio nome ye Nengunu, The Wind and the Lion con Sean Connery, Return of a Man Called Horse, Tango & Cash con Sylvester Stallone y Kurt Russell, Pink Cadillac, The Man Without a Face, The New Guy, y The Devil's Rejects.

Foi una estrella convidada de televisión bien frecuente, apaeciendo en series como Alies Smith and Jones, Gunsmoke, Starsky and Hutch, Barnaby Jones, Falcon Crest, Matlock, The X-Files, My Name Is Earl, la de vampiros Salem's Lot empobinada por Tobe Hooper, Law & Order: Criminal Intent, The A-Team, Mork & Mindy, House M. D., y Mama's Family.

Lewis apaeció nun anunciu de serviciu públicu de ciencioloxía llamáu "Scientology Creed".

Foi tamién la voz d'un personaxe llamáu Lenny na película animada de Rob Zombie, The Haunted World of El Superbeasto.

Fundó una empresa dedicada a la producción cinematográfica y de televisión llamada Pistol Films LLC.

La última película na qu'apaeció foi la comedia bélica Retreat! (2012), a les órdenes del direutor Scott Slone.

L'actor finó'l 7 d'abril de 2015 a los 79 años na so casa de Woodland Hills (California).

Referencies

↑ Afirmao en: Gemeinsame Normdatei. Data de consulta: 3 mayu 2014. Llingua de la obra o nome: alemán. Autor: Biblioteca Nacional d'Alemaña.
↑ Afirmao en: Find a Grave. Identificador Find a Grave: 144721750. Apaez como: Geoffrey Lewis. Data de consulta: 9 ochobre 2017. Llingua de la obra o nome: inglés.
↑ «idRef» (francés). Agencia Bibliográfica de Enseñanza Superior. Consultáu'l 23 mayu 2020.

Enllaces esternos

Geoffrey Lewis na Internet Movie Database (n'inglés)

[45a6304d9659611674c59fb521d89649baefa5ea-1] Afirmao en: Gemeinsame Normdatei. Data de consulta: 3 mayu 2014. Llingua de la obra o nome: alemán. Autor: Biblioteca Nacional d'Alemaña.

[220e5b22d526a5b515fd6a44118b7e5504ba8782-2] Afirmao en: Find a Grave. Identificador Find a Grave: 144721750. Apaez como: Geoffrey Lewis. Data de consulta: 9 ochobre 2017. Llingua de la obra o nome: inglés.

[9eccbe9627454bfd679dedfd7dd6b3b73b078f71-3] «idRef» (francés). Agencia Bibliográfica de Enseñanza Superior. Consultáu'l 23 mayu 2020.

[1]

[2]

[3]