Gaudenciu de Brescia

De Wikipedia
Saltar a navegación Saltar a la gueta
Gaudenciu de BresciaPicto infobox character.png
obispu católicu

Vida
Nacimientu Brescia327 [[(Gregorianu)]]
Muerte

410

(82/83 años)
Estudios
Llingües falaes Llatín medieval
Oficiu
Oficiu sacerdote, obispuescritor
Santoral
25 d'ochobre
Creencies
Relixón Ilesia Católica
Cambiar los datos en Wikidata

Gaudencio foi un obispu de Brescia, consideráu santu pola Ilesia católica. Vivió a finales del sieglu IV o principios del sieglu V, ignorándose la so patria, la fecha de la so nacencia y entá la hestoria de los sos primeros años. Sábese que dempués de la muerte del obispu Filastro, asocedida nel añu 387, foi escoyíu obispu de Brescia y qu'anque de primeres nun quixo aceptar el nomamientu, viose obligáu a ello pol ciñu del pueblu y l'insistencia de los obispos de la provincia ente los cualos figuraba san Ambrosio. San Gaudencio caltuvo una gran amistá col obispu de Milán y foi unu de los llatinos unviaos a Constantinopla nos años 404 y 405 pa interceder a favor de san Crisóstomo mientres la persecución.

Obra[editar | editar la fonte]

San Gaudencio ocupa un llugar relevante na hestoria de l'antigua lliteratura cristiana poles munches obres que d'él se caltienen. Débense-y principalmente les noticies que nos queden de Filastro, conseñaes nun discursu so sobre la vida y escritos d'esti preláu y que suel titulase Liber de vita sancti Philatrii. Caltiénense tamién diez sermones y dalgunes homilíes sobre distintos pasaxes de la Biblia, ente otres les que pronunció'l día de la so consagración, bien interesantes pa la hestoria de la so vida.

Estilu[editar | editar la fonte]

Dupin diz d'él nel so Nouvelle bibliothèque que'l so estilu ye senciellu pero desdexáu, les sos alegoríes violentes, los sos sermones secos, estilu bien pocu curiosu y superficial. Pero sicasí, Pablo Galearti afirma que'l so estilu, anque senciellu, ye elegante, fácil y amenu.

Obres apócrifes[editar | editar la fonte]

Col nome de san Gaudencio, atópense dellos opúsculos que, sicasí, considérense apócrifos como:

  • Poema de San Filastro
  • Comentarios del sieglu llamáu Anastasiano
  • De la regularidá de los clérigos

Referencies[editar | editar la fonte]

  • El conteníu d'esti artículu incorpora material del Diccionariu Enciclopédicu Hispanu-Americanu del añu 1892, que s'atopa nel dominiu públicu