Galera

De Uiquipedia
Saltar a: navegación, buscar
Galera maltesa
Dibuxu la galera real francesa La Réale (1697)

La galera ye un barcu impulsáu pola fuerza de los remos y pol vientu.

La galera esite dende l'antiguedá. Orixinalmente, usaba una fila de remeros por cada llau del barcu. Tiempu dempués, los fenicios inventaron una galera con dos files de remeros, que yera más veloz ensin perder maniobrabilidá; esta evolución de la galera llamose birreme. Na Antigua Grecia encastaron y usaron el trirreme, galera de tres files de remeros. Los antiguos romanos, y enantes d'ellos los cartaxineses, llegaron a utilizar el quinquerreme, con cinco files de remos, magar que lo común yera usar birremes.

Los remeros normalmente yeren esclavos o prisioneros. Demientres munchos sieglos calteniose la condena a galeres como unu de los más crueles castigos posibles, tanto que incluso Miguel de Cervantes mencionabala nel Quixote.

Demientres la Edá Media nun ficieronse progresos notables nel arte de construir embarcaciones. La innovación de montar una fila de remeros extra foi abandonada. por embargu, les galeres permitieron a diverses cultures espardise pel mar.Foi casu talu, por exemplu, del célebre drakkar o barcu-dragón de los vikingos.

Nel Sieglu XV apaece una nueva clase de embarcación, llamada carabela,usaba un velame variau pa navegar ensin remeros, y poro requería muncha menos tripulación que la galera.Por embargu, la carabela nun sustituyó aína a la galera. Pa dar una idega: na domina del descubrimientu de América, 1492, la espedición de Cristóbal Colón navegó en dos carabeles y una carraca, pero la flota aconceyada polas potencies cristianes escontra el Imperiu Otomanu demientres la Batalla de Lepanto en 1571 yeran galeras principalmente. Esti sedría el caberu combate hestóricu au dicha embarcación sedría utilizada.

Demientres el Renacimientu apaece un tipu intermediu; una galera con veles, llamada galeaza, precedente del galeón.