Fortaleza de Hwando
Patrimoniu de la Humanidá — UNESCO | |
---|---|
Resto de la fortaleza de Hwando (Jilin). | |
Llugar | China |
Criterios | Cultural: i, ii, iii, iv, v |
Referencia | 1135 |
Inscripción | 2004 (XXVIII Sesión) |
Área | Asia y Oceanía |
Hwando (en coreanu: 환도) o Wandu (en chinu: 丸都城) foi la segunda capital de Goguryeo (tres reinos de Corea). Los restos de la fortaleza de Hwando formen parte del conxuntu denomináu Capitales y tumbes del antiguu reinu de Koguryo, escoyíu Patrimoniu de la Humanidá d'Unesco en 2004. Ta allugada na provincia china de Jilin, cerca de la frontera con Corea del Norte.
Historia[editar | editar la fonte]
Dizse que'l rei Yuri de Goguryeo treslladó la capital a la fortaleza de Gungnae (n'alfabetu hangul: 국내성) y construyó la fortaleza de Wina.[1] La fortaleza de Gungnae allugóse cerca del ríu Yalu y la nueva fortaleza de Wina (Hangul: 위나암성, Hanja: 尉那巖城) foi un fuerte sobre'l monte. Darréu'l rei Sansang camudó'l so nome a Hwando.
El rei Sansang de Goguryeo completó la construcción de la ciudá de Hwando, cercando la capital aproximandamente mientres 10 años.[2].
Según foise consolidando'l poder del reinu de Gogeryeo, dar# en conquistar territorios de la península de Corea, que quedaben so mandatu chinu[3]
El reinu de Goguryeo empecipió una guerra contra los Wei en 242 pa cortar l'accesu chinu a la península coreana. Sicasí, los Wei contraatacaron y Goguryeo perdió. Nesti procesu, los Wei destruyeron la fortaleza de Hwando en 244.[4]
Goguryeo reconstruyó la fortaleza de Hwando y acabó cola ocupación china en Corea nel 313 cola conquista de Lelang. Sicasí, Hwando sufrió la devastación per parte de pueblu Xianbei, nel 341, convirtiendo a los prisioneros de Goguryeo n'esclavos de los Xianbei. Los Xianbei tamién destruyeron Buyeo nel 346, acelerando la migración d'estos a la península de Corea.[5]
Galería[editar | editar la fonte]
-
Entrada.
-
Detalle de la muralla.
-
Ruina d'una torre de guardia.
Ver tamién[editar | editar la fonte]
Referencies[editar | editar la fonte]
- ↑ Volume 13 (páxina 18) del Samguk Sagi
- ↑ Volume 16(páxines 21 y 23) de Samguk Sagi
- ↑ Charles Roger Tennant (1996). Kegan Paul International: A history of Korea. ISBN 0-7103-0532-X.
- ↑ Charles Roger Tennant (1996). Kegan Paul International: A history of Korea. ISBN 0-7103-0532-X.
- ↑ Charles Roger Tennant (1996). Kegan Paul International: A history of Korea. ISBN 0-7103-0532-X.
Enllaces esternos[editar | editar la fonte]