Fortaleza Berdavan

De Wikipedia
Saltar a navegación Saltar a la gueta
Artículu revisáu
Fortaleza Berdavan
Բերդավան գյուղի ամրոց.jpg
Llocalización
PaísBandera d'Armenia Armenia
PaísBandera d'Armenia Armenia
PaísBandera d'Armenia Armenia
PaísBandera d'Armenia Armenia
PaísBandera d'Armenia Armenia
PaísBandera d'Armenia Armenia
PaísBandera d'Armenia Armenia
PaísBandera d'Armenia Armenia
PaísBandera d'Armenia Armenia
RexónTavush
Coordenaes 41°12′14″N 45°01′14″E / 41.203761°N 45.020562°E / 41.203761; 45.020562Coordenaes: 41°12′14″N 45°01′14″E / 41.203761°N 45.020562°E / 41.203761; 45.020562
Fortaleza Berdavan is located in Armenia
Fortaleza Berdavan
Fortaleza Berdavan
Fortaleza Berdavan (Armenia)
Cambiar los datos en Wikidata

La fortaleza Berdavan o tamién conocíu como castiellu de Berdavan o Ghalinjakar (n'armeniu: Բերդավանի ամրոց) ta asitiáu nuna llomba cerca de la frontera con Azerbaixán y de la población de Berdavan na Provincia de Tavush d'Armenia. Allúgase a 664 metros sobre'l nivel de la mar.[1]

Historia[editar | editar la fonte]

Créyese qu'orixinalmente foi construyíu ente los sieglos X y XI, pero la estructura actual ye más probable que perteneza al periodu medieval tardíu del sieglu XVII mientres el que se reconstruyó'l castiellu. Ye probable que'l templu de Ghalinjakar mentáu na obra d'un anónimu historiador xeorxanu del sieglu XIII, fuera de fechu Berdavan.[2]Kiesling, Brady (xunu 2000). «An Archaeological/Touristic Gazatteer and Map Set for the Historical Monuments of Armenia» (n'inglés). Rediscovering Armenia (Ereván/Washington DC):  p. 105. https://web.archive.org/web/20060503171634/http://www.usa.am/armenia.pdf. Consultáu 'l 2 de setiembre de 2016. </ref>

Delles reconstrucciones adicionales tuvieron llugar na década de 1980. Les ruines fueron estenaes pela parte esterior y les partes cimeres de construcción deficiente y torres descompuestes reconstruyéronse. Les dos torres del nordeste tán siendo reconstruyíes nel sieglu XXI. Les escavaciones arqueolóxiques nel sitiu punxeron al descubiertu plaques de cerámica, hachos de metal y otros elementos que dan una visión de la vida d'aquellos que moraron y trabayaron en Berdavan.

Arquiteutura[editar | editar la fonte]

Fortaleza[editar | editar la fonte]

La fortaleza presenta una planta triangular con muros de defensa xuníos ente sí por once torres esteriores semicilíndriques. Por cuenta de la topografía en rimada del terrén, les torres varien n'altor de 5,5 metros nel estremu suroeste a 10,5 metros nel estremu noroeste. Los muros de la fortificación presenten una espesura de 1,2 metros, nel muru occidental alcuéntrase la única entrada al interior d'un metro d'anchu.[2] Dientro de los muros de la fortaleza atopaben almacenes y otros edificios, según una pasera secreta qu'en casu d'asediu podía utilizase como salida dende la fortaleza al cañón, parte d'esti camín, col altor d'un ser humanu, inda puede vese na parte inferior de la torre asitiada na esquina del este, nel interior d'ella alcuéntrase la puerta a la pasera.[2]

Ilesia[editar | editar la fonte]

La cadarma de la ilesia foi construyida alredor del periodu medieval tardíu escontra'l sieglu X por cuenta de la distribución, elementos decorativos y la téunica de construcción. Les ruines allúguense a unos 200 metro al suroeste de la fortaleza y consten d'una triple nave central con un campusantu y la capiya axacente. Los muros de la ilesia siguen de pies al so altor orixinal, anque'l techu derrumbóse y partes de la estructura atópense soterraes. Les paredes tán edificaes con piedra de felsita llixeramente llabrada de color amarellentáu, con dellos fragmentos de jachkar enllastraos nel esterior.

Namái tien un portal na paré norte, probablemente construyíu a partir de piedres tomaes d'otru monumentu. Percima de la entrada hai un tímpanu adinteláu. Dos aros de fierros asitiaos a cada llau del portal indiquen qu'hubo dalguna vegada un atriu de madera. L'interior yera de planta rectangular de 12,55 x 7,75 metros, que foi estremáu en trés naves por un par d'arcos, los restos d'arcos y les sos bases atópense percima d'onde taben les pilastres d'insertamientu, ente que los arcos que tomaben les naves sumieron. Nel llau oriental del templu alcuéntrase un ábside semicircular con dos sales d'oración axacentes a cada llau. Nunes paredes d'una capiya independiente a unos 50 metros al sur de la ilesia írguense dos jachkars sobre un altu pedestal pertenecientes a los sieglos XII o XIII.[3]

Nel campusantu hai una gran piedra jachkar, tallada en forma de cruz y asitiada sobre un pedestal en forma de cubu. Nel frente de la jachkar alcuéntrense tallaes en baxo relieve cruces y figures humanes dixebraes en paneles.[2]

Ver tamién[editar | editar la fonte]

Referencies[editar | editar la fonte]

  1. elevationmap.net (ed.): «Berdavan Castle Altitude and Location». Consultáu'l 3 de setiembre de 2016.
  2. 2,0 2,1 2,2 2,3 Cilicia (ed.): «berdavan castle» (inglés). Consultáu'l 3 de setiembre de 2016.
  3. Kiesling, Brady (xunu 2000). «An Archaeological/Touristic Gazatteer and Map Set for the Historical Monuments of Armenia» (n'inglés). Rediscovering Armenia (Ereván/Washington DC):  p. 105. https://web.archive.org/web/20060503171634/http://www.usa.am/armenia.pdf. Consultáu 'l 2 de setiembre de 2016. 

Enllaces esternos[editar | editar la fonte]