Fermín Canella y Secades
Fermín Canella y Secades | |||
|---|---|---|---|
| |||
| Vida | |||
| Nacimientu | Uviéu, 7 de xunetu de 1849[1] | ||
| Nacionalidá |
 España | ||
| Muerte | 22 de marzu de 1924 (74 años) | ||
| Estudios | |||
| Llingües falaes | castellanu | ||
| Oficiu | escritor, abogáu, xurista | ||
| Trabayos destacaos | El libro de Oviedo | ||
| Miembru de |
Comisión General de Codificación (es)  Real Academia Asturiana de les Artes y les Lletres Orde de Sabela la Católica | ||
 | |||
Fermín Canella y Secades (7 de xunetu de 1849, Uviéu – 22 de marzu de 1924), foi un escritor, caderalgu y cronista asturianu.
Biografía
[editar | editar la fonte]Naz n'Uviéu y na so universidá estudia Derechu (civil y canónicu) y Filosofía y Lletres. N'acabando la carrera doctórase en Derechu en 1871 pola mesma universidá.
En 1866 queda venceyáu a la Universidá d'Uviéu como profesor auxiliar hasta qu'obtien, tres una oposición, la cátedra d'Ampliación del Derechu civil y Códigos en 1876.
En 1906, tres trenta años como caderalgu ye nomáu rector de la Universidá ocupando'l puestu de Félix Aramburu y Zuloaga.
En 1914 ye nombrado senador del distritu universitariu polo qu'ha arrenunciar al rectoráu.
Obra
[editar | editar la fonte]Aníciase nel mundu del periodismu en 1866 cuando coofunda El Apolo. Sigue a lo llargo tola so vida collaborando con diferentes periódicos mesmo rexonales qu'estatales. Asina rescamplen les sos collaboraciones en La Ilustración Gallega y Asturiana, El Faro Asturiano, El Porvenir de Asturias, El Eco de Asturias, Revista de Asturias y Diariu El Carbayón.
Xunto col so llabor de periodista exerció d'abogáu pero'l so principal campu de trabayu foi l'estudiu de los vezos y hestories d'Asturies. D'esta miente recapitula bayura costumes, folclor o cultura popular de los pueblos asturianos mesmo que la historia d'Uviéu o de la so Universidá. Esti llabor d'historiador tien el so puntu más altu cola creación xunto al so amigu Octavio Bellmunt de «Asturias» (1895-1900) sotitulada como «Su historia y monumentos - Bellezas, recuerdos y constumbres - El Bable - Asturianos ilustres - Agricultura e industria - Estadística». Esti llibru ye una obra cimera de la Historia d'Asturies yá que nos trés volúmenes y les más de mil trescientes fueyes espeya gran parte de la historia de la comunidá. Esta obra magna contó, en menor midida, cola collaboración d'otros escritores.
Otres obres de so fueron:
- Noticia del pintor asturiano Juan Carreño de Miranda (1870)
- Origen, carácter y juicio crítico de las Cortes de Castilla (1871)
- Historia de la Universidad de Oviedo (1873)
- Historia de la enseñanza del Derecho Civil español (1877)
- El Carbayón: recuerdos históricos de Oviedo (1880)
- El Príncipe de Asturias. Apuntes históricos (1880)
- Cartafueyos D'Asturies (1884).
- Ara inscripcional de Santa María del Naranco (1884)
- Compilación de las leyes y demás disposiciones relativas a la conservación de los objetos artísticos e históricos (1884)
- Saber popular: Folklore asturiano (1884)
- Reseña histórica de la Sociedad Económica de Amigos del País de Asturias (1886)
- Noticias biográficas de D. Juan N. Cónsul y Requejo (1886)
- La iconoteca asturiano-universitaria (1886)
- Estudios Asturianos (1886)
- Dos estudios sobre la vida de Jovellanos (1886)
- Poesías selectas en dialecto asturiano (1887)
- La Biblioteca asturiana (1887)
- El libro de Oviedo (1887)
- Rudimentos de Derecho (1892)
- Nociones de Derecho usual español (1894)
- Asturias (1895, xunto a Octavio Bellmunt)
- Historia de Llanes y su concejo (1896)
- Don Carlos González Posada: notas bio-bibliográficas (1898)
- Guía General del viajero en Asturias (1899 xunta Bellmunt)
- Instituciones históricas asturianas (1902-1904)
- Catecismo de instrucción cívica (1903)
- Los gremios asturianos (1903)
- Martínez Marina y su tiempo (1905)
- Memorias asturianas del año ocho (1908)
- Historia bio-bibliográfica de la literatura jurídica española (1911)
- Historia documentada de la organización, gobierno y administración de Asturias (1911)
- La torre enferma (1911)
- Representación asturiana administrativa y política desde 1808 a 1915 (1908-1915)
- Noticias de la antigua Cofradía de los Xastres o de Nuestra Señora de la Balesquida (1915)
- De Covadonga; contribución al XII centenario (1918)
- Discursos rectorales (1918)
- Las instituciones culturales y méritos de D. Ezequiel, D. Fortunato y D.ª Francisca de Selgas (1924)
Distinciones
[editar | editar la fonte]- En 1906 foi declaráu «fíu predileutu» d'Uviéu pol ayuntamientu.
- Miembru de la Real Academia de la Historia, Academia Española, Belles Artes y de les Bonas Lletres de Barcelona y Sevilla.
- Presidente de la Comisión Provincial de Monumentos.
- Vocal del Ilustre Colexu d'Abogaos d'Uviéu.
Referencies
[editar | editar la fonte]- ↑ Afirmao en: Diccionario biográfico español. Identificador DBE: 10409/fermin-canella-secades. Apaez como: Fermín Canella Secades. Data de consulta: 9 ochobre 2017. Editorial: Real Academia de la Historia. Llingua de la obra o nome: castellanu. Data d'espublización: 2011.
- ↑ Identificador del Boletín Oficial del Estado: BOE-A-1918-7150.
Enllaces esternos
[editar | editar la fonte]
| Predecesor: Félix Aramburu y Zuloaga |
 Rector de la Universidá d'Uviéu 1906 - 1914 |
Socesor: Aniceto Sela Sampil |
| Control d'autoridaes |
|
|---|
Datos: Q5858974
Multimedia: Fermín Canella Secades
Testos: Autor:Fermín Canella Secades