El Faro Asturiano

De Wikipedia
Saltar a navegación Saltar a la gueta
El Faro Asturiano
Datos
Tipu periódicu
Idioma Castellanu
Estáu Bandera d'España España
Sede Uviéu
Fundador Protasio González Solís
Cambiar los datos en Wikidata

El Faro Asturiano, que de definía na so cabecera como diario de intereses morales y materiales, de noticias y anuncios, foi un periodicu informativu y políticu espublizáu n'Uviéu ente 1856 y 1873.

La so publicación, con periodicidá quincenal, entamó'l 5 de mayu de 1856. Dempués pasó a ser trisemanal y, dende'l 1 de marzu de 1860, diariu. El Faro, que foi el periódicu más importante d'Asturies nel sieglu XIX, taba editáu polos hermanos Protasio y Gumersindo González Solís; el primeru d'ellos foi el so direutor hasta 1868, y el segundu de magar. Tenía un tamañu de 34 X 50 cm, con cuatro páxines (la cuarta dedicada a anuncios comerciales) a cinco columnes. Los hermanos Solís ocupáronse de que'l periódicu tuviera les caberes novedaes téuniques, lo que lo punxo a la vanguardia de los d'España. Una catalogación oficial de la prensa de 1865 considéralu el cuartu más importante de los diarios españoles de provincies.

El diariu yera de tendencia conservadora, y agrupaba a los más católicos d'ente ellos. Fizo constantes campañes pa consiguir que s'ameyoraran les carreteres, les escueles y toa triba d'industries, y participó en polémiques como la de l'autenticidá del fueru d'Avilés, refugada, en 1865, por Fernández Guerra y defendida por esti periódicu. Nelli espublizóse tamién por primer vegada la historia de la guerra d'independencia n'Asturies, de Ramón Álvarez Valdés.

La revolución de 1868 traxo la decayencia al diariu, porque les tendencies polítiques que convivíen dientro delli dixebráronse pa fundar caúna el so propiu muérganu d'espresión. Asina, los carlistes crearon el diariu La Unidad y los demócrates amadeístes El Eco de Asturias, quedando El Faro como voceru de los lliberales unionistes.

Bibliografía[editar | editar la fonte]

  • Gran Enciclopedia Asturiana. Silverio Cañada Editor, Xixón, 1982. Tomu 6, pp. 217-219.


Icono de esbozo
Esti artículu ye un entamu. Pues ayudar a la Wikipedia n'asturianu ampliándolu.