Evelyn Ashford
Evelyn Ashford | |
|---|---|
 | |
| Vida | |
| Nacimientu |
Shreveport (es)  [1], 15 d'abril de 1957[2] (67 años) |
| Nacionalidá |
 Estaos Xuníos |
| Estudios | |
| Estudios |
Universidá de California en Los Angeles Roseville High School (en) |
| Oficiu | |
| Oficiu | velocista, atleta |
|
| |
| Pesu | 52 kg |
| Altor | 165 cm |
| Premios |
ver
|
 | |
Evelyn Ashford (15 d'abril de 1957, Shreveport (es) ) ye una atleta d'Estaos Xuníos d'América especialista en carreres de velocidá. Batió dos veces el récor mundial de los 100 metros y foi campeona d'esta distancia nos Xuegos Olímpicos de Los Angeles 1984 y subcampeona nos de Seúl 1988. Tamién foi tres veces campeona olímpica de relevos 4x100 metros col equipu del so país.
Biografía[editar | editar la fonte]
Entamos[editar | editar la fonte]
Con 19 años y siendo una estudiante na Universidá de California, participó nos Xuegos Olímpicos de Montreal 1976, onde foi 5ª na final de los 100 metros.
Nos años siguientes consagróse como una de les muyeres más rápides del mundu, y la única capaz de faer frente al dominiu de les atletes europees del Este nes pruebes de velocidá.
En 1979 baxó per primer vegada la barrera de los 11 segundos en Walnut, California, con 10,97. Tamién esi añu ganó l'oru de los 100 y los 200 metros nos Xuegos Panamericanos apostaos en San Xuan de Puertu Ricu.
Pero la so victoria más importante del añu llegaría na Copa del Mundu de Düsseldorf, onde consiguió la proeza de bater nos 100 metros a la plusmarquista mundial, l'alemana Marlies Göhr, y nos 200 metros a la tamién plusmarquista mundial, Marita Koch.
Esta foi la consagración definitiva de Evelyn Ashford como la gran rival de los alemanes, qu'hasta esi momentu paecíen imbatibles. Amás Ashford tenía un perfil físicu bien distintu al de los sos rivales, yá que solo midía 1,66 m y pesaba 55 kg, lo qu'oldeaba col físicu muncho más trabáu de los alemanes.
Ashford yera polo tanto una de les principales candidates pa ganar l'oru nos Xuegos Olímpicos de Moscú 1980. Sicasí, poco primero d'esta cita'l gobiernu d'Estaos Xuníos decidió que los sos deportistes nun allegaríen. Por cuenta de esti boicó políticu, Evelyn Ashford perdió una gran oportunidá.
Na Copa del Mundu de Roma de 1981, volvió ganar nos 100 m (infringiendo una nueva derrota a Marlies Göhr), y nos 200 m.
La rivalidá ente Evelyn Ashford y Marlies Göhr cristalizaría de forma definitiva en 1983. El 8 de xunu d'esi añu Göhr batió en Berlín Esti'l so propiu récor mundial de los 100 metros con 10,81. Sicasí, menos d'un mes más tarde mientres una competición celebrada en Colorado Springs, Evelyn Ashford arrampuñó-y el récor con 10,79.
Pocos díes más tarde celebrábase n'Helsinki la primer edición de los Campeonatos del Mundu d'Atletismu, y ellí les dos muyeres más rápides del mundu, Ashford y Göhr, debíen dirimir la supremacía na velocidá femenina, n'unu de los momentos más esperaos del campeonatu. Sicasí a metá de carrera Evelyn Ashford sufrió una mancadura na corval y hubo d'abandonar la prueba. Polo tanto la victoria de Marlies Göhr nun estenó munches duldes.
Los Ángeles 1984[editar | editar la fonte]
En 1984 esperábase'l duelu definitivu ente dambes nos Xuegos Olímpicos de Los Angeles. Sicasí'l boicó declaráu pelos países del Este a la cita olímpica, que respondía al anterior boicó de los americanos a los Xuegos de Moscú, quitó a Marlies Göhr d'allegar. En Los Angeles Evelyn Ashford foi una de les grandes trunfadores, imponiéndose nos 100 metros con 10,97, nuevu récor olímpicu, y ganando otra medaya d'oru nos relevos 4x100 metros con 41,65, al pie de les sos compañeres Alice Brown, Jeanette Bolden, y Chandra Cheeseborough.
Magar el so trunfu en Los Angeles, pocos díes dempués tuvo llugar en Zúrich, la que munchos aficionaos consideraben la verdadera final olímpica, onde Evelyn Ashford tenía de demostrar ante Marlies Göhr si'l so títulu olímpicu tenía valor real o solo yera frutu d'una casualidá política. Finalmente'l duelu nun defraudó a naide y Evelyn Ashford non solo venció a Göhr sinón qu'estableció un nuevu récor mundial con 10,76, saliendo definitivamente coronada como la muyer más rápida del mundu.
En 1985 abandonó temporalmente la competición pa tener al so primer fíu.
Tornó en 1986 y volvió ser la meyor del mundu. Esi añu foi la líder del ranking mundial de 100 metros con 10,88 fechos en Rieti, Italia, y segunda na clasificación de 200 metros con 21,97 fechos en Zúrich.
En 1987 una mancadura fíxo-y perdese gran parte de la temporada, incluyíos los Campeonatos del Mundu de Roma.
En 1988 volvió rindir a un gran nivel. Nes pruebes de clasificación pa los Xuegos Olímpicos de Seúl apostaes n'Indianapolis fixo 10,81, la so meyor marca dende 1984. Sicasí, yá nun yera la meyor velocista del mundu, pos apaeciera una nueva estrella, el so compatriota Florence Griffith Joyner, que precisamente n'Indianapolis estableció un estelante nuevu récor mundial con 10,49 una marca qu'entá se caltién vixente.
Yá nos Xuegos de Seúl, Ashford consiguió la medaya de plata por detrás de Griffith y per delantre de l'alemana Heike Drechsler. Amás l'equipu d'Estaos Xuníos que formaben por esti orde Alice Brown, Sheila Echols, Florence Griffith y Evelyn Ashford, ganaron l'oru de los relevos 4x100 m.
Etapa final[editar | editar la fonte]
Nos años siguientes siguió compitiendo, anque yá per debaxo del so nivel anterior, y nun volvería baxar de 11 segundos.
Nos Campeonatos del Mundu de Tokiu 1991 acabó 5ª na final de 100 metros, ente que l'equipu d'Estaos Xuníos de relevos 4x100 metros, magar tener grandes posibilidaes de ganar l'oru, foi esaniciáu nes series por un falló na entrega del testigu. Paez como si una maldición torgara a Evelyn Ashford ganar dalguna medaya nos Campeonatos del Mundu, yá que magar ser la meyor velocista de la década nunca llogró nenguna medaya nesta competición.
La so despidida de les grandes cites foi nos Xuegos Olímpicos de Barcelona 1992, onde yá con 35 años foi esaniciada nes semifinales de los 100 metros. Eso sí, ganó per tercer vegada (como en 1984 y 1988) l'oru de los relevos 4x100 metros, esta vegada al pie de Esther Jones, Carlette Guidry y Gwen Torrence.
A lo llargo de la so carrera Evelyn Ashford participó en cuatro Xuegos Olímpicos y ganó cuatro medayes d'oru y una de plata. En 1997 foi incluyida nel Salón de la Fama del atletismu d'Estaos Xuníos.
Resultaos[editar | editar la fonte]
Competiciones[editar | editar la fonte]
| Añu | Competición | Llugar | Puestu | Marca |
|---|---|---|---|---|
| 1976 | Xuegos Olímpicos | Montreal, Canadá | 5º en 100 m | 11,24 |
| 1977 | Copa del Mundu | Düsseldorf, RFA | 5º en 100 m4º en 200 m
|
11,4823,41
|
| 1979 | Xuegos Panamericanos | San Xuan, Puertu Ricu | 1º en 100 m1º en 200 m
|
11,0722,24w
|
| 1979 | Copa del Mundu | Montreal, Canadá | 1º en 100 m1º en 200 m
|
11,0621,83
|
| 1981 | Copa del Mundu | Roma, Italia | 1º en 100 m1º en 200 m2º en 4x100 m
|
11,0222.1842,82
|
| 1983 | Campeonatos del Mundu | Helsinki, Finlandia | Ab. en 100 m | - |
| 1984 | Xuegos Olímpicos | Los Angeles, EE. UU. | 1º en 100 m1º en 4x100 m
|
10,9741,65
|
| 1988 | Xuegos Olímpicos | Seúl, Corea del Sur | 2º en 100 m1º en 4x100 m
|
10,83w41,98
|
| 1991 | Campeonatos del Mundu | Tokiu, Xapón | 5º en 100 m | 11,30 |
| 1992 | Xuegos Olímpicos | Barcelona, España | 1º en 4x100 m | 42,11 |
Marques personales[editar | editar la fonte]
- 100 metros - 10,76 s (Zúrich, 22 d'agostu de 1984)
- 200 metros - 21,83 s (Montreal, 24 d'agostu de 1979)
- 400 metros - 51,57 s (Filadelfia, 30 de xunu de 1979)
Referencies[editar | editar la fonte]
- ↑ Afirmao en: Olympedia. Llingua de la obra o nome: inglés. Data d'espublización: 2006.
- ↑ Afirmao en: Encyclopædia Britannica Online. Identificador Encyclopædia Britannica Online: biography/Evelyn-Ashford. Apaez como: Evelyn Ashford. Data de consulta: 9 ochobre 2017. Llingua de la obra o nome: inglés.
- ↑ URL de la referencia: https://www.collegiatewomensportsawards.com/archives/trackfield.
Enllaces esternos[editar | editar la fonte]
- USA Track & Field Hall of Fame
- IAAF Site
- Evelyn Ashford datos ya intereses
| Predecesor: Lyudmila Kondratyeva |
Campeona Olímpica de 100 metros Los Ángeles 1984 |
Socesor: |
| Control d'autoridaes |
|
|---|
Datos: Q230079
Multimedia: Evelyn Ashford