Papa Evaristu

De Uiquipedia
(Redirixío dende Evaristu)
Saltar a: navegación, buscar
San Evaristu
Evaristus.jpg
Nome Evaristus o Aristus
Nacencia nun se conoz
¿Antioquía?
Entamu papáu ¿97?/¿99?
Fin papáu ¿105?
Predecesor San Clemente I
Socesor San Alexandru I

Nos catálogos pontificios del sieglu segundu utilizaos por San Irenéu y Hipólitu, Evaristu apaez como'l quintu obispu de Roma que gobierna la Ilesia romana, socesor de Clemente I. El Catálogu liberianu nómalu como Aristus. Les dates esautes del so pontificáu nun se conocen (ente'l 97/99 y el 107).

Nun se sabe nada tampoco de la so vida yá que les fontes históriques más antigües nun dicen d'elli daqué auténtico: yera orixinariu d'Antioquía y tuviere pá xudíu. Atribúise-y la división de la diócesis de Roma en parroquies, pero esta reorganización de la Ilesia de Roma ye ciento cincuenta años posterior.

Más fiable enforma ye l'afirmación del Liber Pontificalis que diz que foi enterráu nel Vaticanu, cerca la tumba de san Pedru. Ordenare que los matrimonios foren daos públicos. Les dos decretales que-y atribuyó el pseudo-Isidoru, una dirixida a los obispos d'África, otra a los d'Exiptu, son falses.

A diferencia de los sos predecesores, el so nome nun apaez nel antiguu Canon Romanu, lo qu'indica que l'ausencia d'información sobre él remóntase a los primeros sieglos de la historia de la Ilesia.

Fore martirizáu baxo Traxanu, pero esti fechu nun ta probáu históricamente. Ye mentáu nel Martyrologium Hieronymianum na llista de los papas con fecha del 23 d'avientu. Pero nel calendariu romanu fechu en 1969 foi retiráu de la llista de los mártires yá que se desconoz a ciencia cierta la fecha exacta de la so muerte y el so martiriu.

Enllaces esternos[editar | editar la fonte]

Festividá: 26 d'ochobre.

Predecesor:
Clemente I
Emblem of the Papacy SE.svg
¿97/99-105?
Socesor:
Alexandru I