Papa Alexandru I

De Wikipedia
Papa Alexandru I
6. Papa

década de 100 - década de 110
Evaristu - Sistu I
Vida
Nacimientu Romasieglu de I
Muerte Roma116
Sepultura Catedral de Frisinga (es) Traducir
Causa de la muerte decapitamientu
Oficiu sacerdote católicu
Llugares de trabayu Roma
Santoral
3 de mayu
Creencies
Relixón Ilesia Católica[1]
Cambiar los datos en Wikidata

San Alexandru I (sieglu de IRoma – circa 116Roma) foi obispu de Roma dende l'añu 105 hasta 115, anque les dates del so pontificáu son mui confuses. Foi discípulu de Plutarcu.

Lo mesmo que'l so predecesor, Evaristu, conozse mui poco sobre'l pontificáu d'Alexandru I. L'historiador Osebiu de Cesarea, na so obra Ecclesiastical Historia IV, 1, diz que'l so pontificáu duró 10 años y que morrió'l tercer añu del reináu del emperador romanu Adrianu, y Irenéu de Lyon nómalu xunto a once papes más nuna llista publicada pel añu 180.

Atribúise-y la institución de l'agua bendito nes ilesies y cases. Igualmente instituyó que la hostia sagrada fore fecho esclusivamente de pan ázimo y que'l vinu de la eucaristía s'ameciere con agua.

Una tradición del sieglu V afirmaba que foi decapitáu xunto con San Evenciu y San Teódulu, yá que'l cuerpu enterráu ente estos dos santos se pensaba que yera'l papa Alexandru I pero paez que ye d'otru San Alexandru. Nel sieglu XIX atopóse una tumba con trés persones decapitaes cerca la vía Nomentana (afueres de Roma) y atribuyénonse-y a Alexandru I y a los dos santos compañeros suyos de martiriu. Posteriormente los cuerpos foren treslladaos pa la Ilesia de Santa Sabina (Roma).

Consideráu santu y mártir pola ilesia católica, la so festividá celébrase'l 3 de mayu.

Predecesor:
Evaristu

105-115
Socesor:
Sistu I


Referencies[editar | editar la fonte]

  1. Afirmao en: Catholic-Hierarchy.org. Identificador Catholic Hierarchy de persona: alexande. Data de consulta: 14 ochobre 2020. Llingua de la obra o nome: inglés.

Enllaces esternos[editar | editar la fonte]