Wikipedia en catalán

De Wikipedia
Wikipedia en catalán
Nome oficial Viquipèdia en català
Datos
Inauguración16 marzu 2001
Dueñu Fundación Wikimedia
Xestión Fundación Wikimedia
Idioma catalán
Códigu d'idioma en Wikimedia ca
Sistema d'escritura alfabetu llatín
Web oficial
Cambiar los datos en Wikidata

La Viquipèdia, Wikipedia en catalán o Wikipedia en valencianu[1] ye la edición en catalán de la Wikipedia. Foi la tercer edición en ser creada, tres la Wikipedia n'inglés y n'alemán, el 16 de marzu de 2001. Y foi la segunda Wikipedia en tener artículos, por cuenta de que la Wikipedia n'alemán tardó 2 meses en crear el primeru. El 4 de xineru de 2007 esta Wikipedia algamó los 50 000 artículos, llegando a los 100 000 el 18 de xineru de 2008. A fecha de 21 de setiembre de 2009, esta edición devasó los 200 000 artículos. Anguaño ye la decimoctava Wikipedia en númberu d'artículos (más de 543 000), magar ser única llingua oficial solamente nun pequeñu estáu, Andorra, y tener 10 millones de falantes en tol mundu.[2][3] Ente les Wikipedias de más de 100 000 artículos pa les que se dispón de datos, la Wikipedia en catalán ye la trentena primer edición cola meyor tasa de falantes por artículu.

El 16 de marzu de 2001 Jimmy Wales anunció que quería crear Wikipedias alternatives n'otres llingües estensamente usaes, citando tamién una versión en catalán a pidimientu d'un compañeru catalanoparlante.[4] Les primeres pruebes fáense'l día 16 de marzu sobro'l dominiu deustche.wikipedia.com[5] y al mesmu día yá se faen los primeros cambeos na portada catalana.[6] El primer artículu de la Wikipedia en catalán foi creáu a otru día[7] y mientres dos meses foi la única edición con artículos en llingua non inglesa.[8]

  • El primer artículu foi creáu'l 17 de marzu de 2001 a les 03:41 CEST pol usuariu anónimu 194.158.80.xxx
  • El primer usuariu rexistráu foi Cdani, el mesmu que citaba Jimbo Wales, y que al paecer #corresponder col primer usuariu anónimu.

Nel añu 2005 hubo #banciar# ente los usuarios sobro la considerancia de que la edición en catalán tamién ye igualmente la «Wikipedia en valencianu». Anque nun trescendió propuesta dalguna en firme, yá que non alcalzó l'altu consensu que s'esixía, la mayoría de los usuarios wikipedistas d'esta edición asumen que la «Wikipedia en catalán» tamién ye la «Wikipedia en valencianu», nel so contestu fayadizu.

El 27 de xunu de 2014, Jimmy Wales, nuna intervención na clausura del Foru IMPULSA, entamáu pola Fundación Príncipe de Girona, emponderó la crecedera d'esta edición de Wikipedia. Mientres l'eventu espresó que'l catalán ye "un idioma pequeñu con una comunidá enorme" dientro de la Wikipedia.[9][10]

Feches clave[editar | editar la fonte]

  • El 16 de marzu de 2001: Créase la Wikipedia en catalán.
  • El 17 de marzu de 2001: Créase'l primer artículu na Wikipedia en catalán Àbac.
  • El 16 de payares de 2004: La Wikipedia en catalán algama los 10 000 artículos.
  • El 19 de payares de 2005: La Wikipedia en catalán algama los 20 000 artículos.
  • El 6 de mayu de 2006: La Wikipedia en catalán algama los 30 000 artículos.
  • El 20 de setiembre de 2006: La Wikipedia en catalán algama los 40 000 artículos.
  • El 4 de xineru de 2007: La Wikipedia en catalán algama los 50 000 artículos.
  • El 15 de mayu de 2007: La Wikipedia en catalán algama los 60 000 artículos.
  • El 29 de xunetu de 2007: La Wikipedia en catalán algama los 70 000 artículos.
  • El 28 de setiembre de 2007: La Wikipedia en catalán algama los 80 000 artículos.
  • El 3 d'avientu de 2007: La Wikipedia en catalán algama los 90 000 artículos.
  • El 18 de xineru de 2008: La Wikipedia en catalán algama los 100 000 artículos.
  • El 27 de marzu de 2008: La Wikipedia en catalán algama los 110 000 artículos.
  • El 5 de xunetu de 2008: La Wikipedia en catalán algama los 120 000 artículos.
  • El 28 d'avientu de 2008: La Wikipedia en catalán algama los 150 000 artículos.
  • El 21 de setiembre de 2009: La Wikipedia en catalán algama los 200 000 artículos.
  • El 30 de xunu de 2010: La Wikipedia en catalán algama los 250 000 artículos.
  • El 21 d'avientu de 2010: La Wikipedia en catalán algama los 300 000 artículos.
  • El 26 d'agostu de 2011: La Wikipedia en catalán algama los 350 000 artículos.
  • El 12 d'abril de 2013: La Wikipedia en catalán algama los 400 000 artículos.[11]
  • El 13 de febreru de 2015: La Wikipedia en catalán algama los 450 000 artículos.
  • El 11 de marzu de 2016: La Wikipedia en catalán algama los 500 000 artículos.
  • El 6 d'agostu de 2017: La Wikipedia en catalán algama los 550 000 artículos.
  • El 8 de xineru de 2019: La Wikipedia en catalán algama los 600 000 artículos.
  • El 24 d'abril de 2022: La Wikipedia en catalán algama los 700 000 artículos.

Referencies[editar | editar la fonte]

Enllaces esternos[editar | editar la fonte]