Jimmy Wales

De Wikipedia
Saltar a: navegación, buscar
Jimmy Wales
Jimmy Wales Fundraiser Appeal.JPG
Jimmy Wales
Nome Jimmy Donal Wales
Nacimientu 8 d'agostu de 1966[1][2]
Bandera de Estaos Xuníos d'América Huntsville, Alabama, Estaos Xuníos
Residencia Bandera de Inglaterra Londres, Inglaterra
Ocupación Presidente de Wikia, Inc.
Presidente eméritu de la Fundación Wikimedia[3]
Conocíu por Fundar Wikipedia
Creyencies relixoses Ateísmu
Cónxugue Kate Garvey
Premios EFF Pioneer Award (2006)
The Economist's Business Process Award (2008)
The Global Brand Icon of the Year Award (2008)
Sitiu web
Jimmy Wales
Jimmy Wales en 2014 nes Conferencies Globales CeBIT, Wikipedia Zero

Jimmy Donal «Jimbo» Wales (Huntsville, Alabama; 8 d'agostu de 1966)[1][2] ye un empresariu d'Internet estaunidense, cofundador y promotor de Wikipedia. Foi fundador, amás de Nupedia, antecesora de Wikipedia y, xunto con Tim Shell, de la empresa Bomis. Foi tamién cofundador de la empresa comercial Wikia, xunto con Angela Beesley. Graduóse nes universidaes d'Auburn y Alabama. Xunto con Larry Sanger, Wales fundó Wikipedia, una enciclopedia basada nel conceptu wiki y nel modelu de software llibre.

Wales ye presidénte eméritu de la Fundación Wikimedia,, una ONG ensin ánimu de llucru allugada en San Francisco, (California). Tien declarao que, na so mocedá, influyeron-y los llibros d'Ayn Rand y la ideoloxía californiana.[4] Demientres estudiaba na universidá, foi el dueñu y moderador d'una llista de corréu llamada Alderique moderáu sobro filosofía oxetivista.[5]

Jimmy Wales navegando per Wikipedia.

Biografía[editar | editar la fonte]

Jimmy Wales nació en Huntsville, Estaos Xuníos. El so padre, Jimmy, trabayó como alministrador d'una tienda de comestibles, mentanto que la madre, Doris, y la güela, Emma, dirixeron una escuela privada agrupada, onde Wales realizó los primeros estudios. El so cursu formábenlu él y otros cuatro neños, de mou que na so aula recibíen clas tolos alumnos de primeru a cuartu cursu y de quintu a octavu. Cuando terminó octavu, Wales asistió a la escuela Randolph School, una secundaria en Huntsville. Wales tien dicho que la escuela yera costosa pa la so familia, pero considera esa educación importante: «La educación foi siempre una pasión nel mio llar... yá sabes, el tan tradicional averamientu a la conocencia ya'l deprendimientu, y a establecer eso como una base pa una bona vida».[nota 1]

Recibió'l títulu de Llicenciáu en Finances de la Universidá d'Auburn y entró nel programa de financiación del Doctoráu en Finances de la Universidá d'Alabama antes de dexala col títulu de master. Siguió los estudios gracies a un empréstamu pa sacar el títulu de Doctor en Finances de la Universidá d'Indiana. Enseñó en dambes universidaes demientres los estudios de postgrau, pero nun escribió la tesis pa finar el doctoráu, una cosa qu'él mesmu atribuye al aburrimientu.

El trabayu de Wales en Wikipedia, la enciclopedia más grande del mundu, foi el motivu pa que la revista Time lu incluyera en 2006 na so llista de les 100 persones más influyentes del mundu, na categoría de Científicos y Pensadores.


Enllaces esternos[editar | editar la fonte]

Referencies esternes[editar | editar la fonte]

  1. 1,0 1,1 «Encyclopædia Britannica» (inglés). britannica.com.
  2. 2,0 2,1 «Encyclopædia Britannica, Suplemental Information» (inglés). britannica.com.
  3. Resolution:Officers election 2006 Florence Nibart-Devouard sustituye a Jimmy Wales como Presidenta de la Fundación Wikimedia, Wales pasa a ser Presidente eméritu
  4. «Jimmy Wales» (inglés). http://qanda.org/Transcript/?ProgramID=1042
  5. «Objectivism-related e-mail lists» (inglés). rous.redbarn.org. http://rous.redbarn.org/objectivism/mail-lists.html

Notes[editar | editar la fonte]

  1. (n'inglés) Education was always a passion in my household... you know, the very traditional approach to knowledge and learning and establishing that as a base for a good life.