Diferencies ente revisiones de «Desiertu d'El Sáḥara»
Sin resumen de edición |
m →Enllaces esternos: All info is kept in Wikidata, removed: {{Enllaz AD|bar}} using AWB (10903) |
||
Llinia 45: | Llinia 45: | ||
[[Categoría:Desiertos d'África|Sáhara, Desiertu del]] |
[[Categoría:Desiertos d'África|Sáhara, Desiertu del]] |
||
[[Categoría:Xeografía d'África|Sáhara, Desiertu del]] |
[[Categoría:Xeografía d'África|Sáhara, Desiertu del]] |
||
{{Enllaz AD|bar}} |
Revisión a fecha de 22:59 3 may 2015
El desiertu del Sáhara o del Sáḥara[1] ye'l desiertu caldiu más grande del mundu, con alrodiu de 9.065.000 km² de superficie. Asítiase nel norte d'África, separtándola en dos fasteres: L'África mediterránea al norte y l'África subsahariana al sur. Llenda al este col Mar Bermeyu, y al oeste col Océanu Atlánticu; nel norte colos montes Atles y el mar Mediterraneu. Tien más de 2,5 millones d'años. El nome vien del árabe saḥara صحراء traducción de la pallabra tuareg de Ténéré (desiertu). Estiéndese pel territoriu de los países que vienen darréu: Arxelia, Túnez, Marruecos, Sáhara Occidental, Mauritania, Mali, Níxer, Libia, Chad, Exiptu y Sudán, anque se sabe que'l Sáhara s'esparde y se contrái en ciclos regulares, de tal xeitu que les sos llendes son difuses.
Esti desiertu comparte llende con cuasi tolos países del norte d'África, na mayoría de cultura árabe. Les dunes entamen cerca l'Altu Atles y estiéndese fasta zones tropicales más al sur. Nes fasteres del Atles Marroquín (Altu Atles), namái qu'hai vexetación dellos metros más alló de los ríos probes que lu atraviesen. Sicasí, ésta tien un verdor perintensu que fai contraste col sable que lu arrodia. Son bayuroses les palmeres de dátiles. A vegaes los oasis tán canalizaos, pa garantizar l'agua nes zones de semar. Munches vegaes, l'agua nun provién de ríos, sinón d'agües soterraes a les que s'accede per aciu d'un pozu.
Sábese que ta compuestu de grava, sable y dunes. Al contrariu de lo que paez, les trés cuartes partes del desiertu son grava y les demás sable y dunes.
Namái qu'hai constancia de que ñevare una vegada nel Sáhara, y foi'l 18 de febreru de 1979. Paez que foi nel sur d'Arxelia, en metá la nueche.
En Marruecos, ufiértense-y al viaxeru abondes formes de conocer el Sáhara. Quiciabes la más común ye la d'entrar nel desiertu con vehículos touterrén atravesando les dunes. Otru xeitu más turísticu ye diendo en dromedarios anque'l xeitu tradicional ye dir a pie.
Fixéronse d'esti desiertu una bona riestra de películes y reportaxes.
Ecorrexones
El Sáhara inclui delles ecorrexones estremaes, que, por mor de les estremaes temperatures elevación y xeografía agospien vexetales y animales estremaos. Según el WWF, les ecorrexones del Sáhara son:
- Desiertu costeru atlánticu: Ocupa una estrecha fastera a lo llargo la costa del océanu Atlánticu, onde la borrina que xenera la corriente de les Canaries proporciona abonda llentitú pal espoxigue de líquenes y plantes.
- Estepa del Sáhara septentrional: Ocupa'l borde nortiegu del desiertu. Ye una zona ente les rexones de clima mediterraneu al norte y el desiertu áridu al sur.
- Desiertu del Sáhara: Ye la parte central, perárida, del Saḥara onde la lluvia ye mínima.
- Estepa y sabana arbolada del Sáhara meridional: Trátase de la zona de transición ente'l desiertu áridu y la sabana d'acacies del Sahel.
- Monte xerófilu del Sáhara occidental: Comprende delles mesetes volcániques nel oeste del desiertu con un clima más llentu y frescu: la mayor d'elles ye'l Tassili n'Ajjer.
- Monte xerófilu del macizu del Tibesti y el monte Uweinat: Zones d'altitú nel este del Sáhara.
- Salobral del Sáhara: Delles depresiones salines inundables espardíes pel desiertu.
- Desiertu costeru del mar Bermeyu: la fastera costera del mar Bermeyu, n'Exiptu y Sudán.
Ver tamién
Referencies
Enllaces esternos
- Desierto del Sahara Biomes del Mundiu (n'español)
- Flora y fauna del Sahara (n'español)
- Nómades del agua nel antiguu Sáhara (n'español)