Diferencies ente revisiones de «Alfonso Enríquez»

Saltar a navegación Saltar a la gueta
[[Archivu: JuanIdeCastilla.JPG|200px|thumb|Juan I de Castilla.]]
En mayu de [[1379]] fina Enrique II de Trastámara, sucediéndolu nel tronu castellán el so fíu mayor, que reinaría como [[Juan I de Castilla]].
 
Los problemas internos surden al poco. Hai que remembrar que, al principiu del so reináu, Enrique II creara un círculu de parientes adictos (al menos en teoría) a la Corona pa reforzar la so posición. Sin embargu, a lo llargo de los años, fora apaiciendo una nueva clas de nobleza funcionaria, que ensiguida diba a dir desplzando a los parientes del rei nel exerciciu de los puestos de responsabilidá, y que sedría'l principal apoyu de los nuevos Trastámara.
 
Esta situación nun agradó lo más mínimo a l'alta nobleza, y Alfonso Enriquez, como parte d'ella, ensiguida empicipió a demostralo. Yá nes cortes de Burgos del añu [[1379]], obtién les rentes del alfolí d' [[Avilés]], y n'avientu d'esi mesmu añu, l'anulación del so matrimoniu.
 
Sin embargu, en [[1380]], ye Juan I el que dicta una serie de normes destinaes a torgar l'atropellu de la nobleza sobre los señoríos y encomiendes al so cargu; ente los damnificaos, el conde Alfonso, que se ve obligáu a devolver tierres garraes indebidamente a los monasterios de [[Monasteriu de San Salvador]] de Cornellana y [[Monasteriu Real de San Benito]] de [[Sahagún]].
 
Alfonso Enriquez parte entoncienes hacia [[Portugal]], onde trata d'obtener la man de la infanta y heredera [[Beatriz de Portugal]], a la vez qu'ofrez los sos servicios al [[duque de Lancaster]] que casáu con una fía de [[Pedro I el Cruel]], reivindicaba la corona de Castiella.
 
Énte esta situación, Juan I procede a confiscar tolos bienes del so hermanastru, a la vez que concede al obispu d'Uviéu, [[Gutierre de Toledo]], poderes plenipotenciarios nel país. Finalmente, fracasaes les sos negociaciones, Alfonso Enriquez decide tornar a Asturias, onde, acoyéndose al perdón real, recupera los sos territorios.
 
Sin embargu, en [[1383]] alcontramos una nueva rebelión del conde Alfonso qu'obliga a Juan I a dir a Asturies urxentemente ya que'l conde Alfonso Enriquez ufrierase a los ingleses pa solicitar ayuda.Sicasí, el rei actúa rápico y rinde toa Asturies quitando Xixón, onde se refuxa el rebelde, qu'acabaría acoyéndose otra vuelta al perdón del so hermanu'l [[18 de xunetu]] de [[1383]].
 
Depués d'esta última revuelta, Juan I decide confiscar toles posesiones asturianes d'Alfonso Enriquez, concediéndo-y a cambiu'l títulu de conde de [[Valencia de don Xuan]], tierres muncho más accesibles y nes que'l conde sedría muncho más controlable. Amás, entregó a don Gutierre de Toledo el señoríu de Noreña en pagu polos sos servicios y dio al so fíu, el futuru [[Enrique III]], el títulu de [[Príncipe d'Asturies]], con tolos sos señoríos; d'esta manera, vinculen a la corona de Castiella el territoriu asturianu de difícil accesu, territoriu de conspiraciones y rebeliones.
 
Poco depués, y a raíz de la sucesión de [[Fernando I de Portugal]], Juan I decide encarcelar a Alfonso Enriquez nel [[castiellu de Almonacid]], ante la posiblidá de qu'esti pueda llevar alante maniobres na so contra. Tará presu durante ocho años y, namás a la muerte del rei, en 1390, recuperará Alfonso Enriquez la so llibertá y les sos posesiones.
 
== El reináu d'Enrique III ==
862

ediciones

Menú de navegación