Emil Zátopek

De Wikipedia
Saltar a navegación Saltar a la gueta
Emil ZátopekAthletics pictogram.svg
Fotothek df roe-neg 0006305 003 Emil Zátopek.jpg
Vida
Nacimientu Kopřivnice Traducir19  de setiembre de 1922
Nacionalidá Flag of the Czech Republic.svg Checoslovaquia
Bandera de Chequia Chequia
Grupu étnicu checos Traducir
Llingua materna Checu
Fallecimientu

Praga22  de payares de 2000

(78 años)
Sepultura Rožnov Traducir
Causa de la muerte Accidente cerebrovascular
Familia
Casáu/ada con Dana Zátopková  (24 ochobre 1948 -  21 payares 2000)
Estudios
Llingües Checu
Oficiu
Oficiu atleta y soldado de carrera
Pesu 72 quilogramu
Altor 182 centímetru
Premios
Graduación Staff captain Traducir
Creencies
Partíu políticu Partido Comunista de Checoslovaquia Traducir
IMDb nm0953685
Signatur Emil Zatopek.png
Cambiar los datos en Wikidata

Emil Zátopek (Kopřivnice, 19 de setiembre de 1922 - Praga, 22 de payares de 2000) foi un atleta (especialista en pruebes de fondu), checu. Algamó gran reconocencia poles sos victories nos Xuegos Olímpicos de Londres 1948 y, especialmente, nos d'Helsinki 1952. Destacó pola so fuercia y resistencia, según pola firmeza del so ritmu, cualidaes que-y valieron l'apellativu de la Llocomotora Humana o la Llocomotora Checa.

Biografía[editar | editar la fonte]

Nació en Kopřivnice en 1922, ciudá perteneciente entós a Checoslovaquia, el mesmu día que Dana Zátopková, que más tarde se convertiría na so muyer. A los 16 años, ingresó na escuela profesional, trabayando como aprendiz, na fábrica de zapatielles Bata de Zlin, asitiada a cien kilómetros al sur de Ostrava.[1]

Zátopek compitiendo en 1951.

Empezó a prauticar atletismu, cuando la empresa entama una carrera pedestre denomada Circuitu de Zlin na que teníen de participar tolos estudiantes de la escuela profesional. En 1945 ingresa nel Exércitu checoslovacu. Llogró la so primera plusmarca en 1944 y atropó ocho campeonatos nacionales en 5000 y 10000 metros. Nos Xuegos Olímpicos de 1948 llogró la medaya d'oru en 10000 m y la de plata en 5000. Dos años dempués, nel Campeonatu d'Europa de Bruxeles, impúsosé en dambes pruebes. Pero foi nos de Helsinki, onde consiguió que'l so nome pasara a la hestoria del atletismu, en venciendo, nel plazu d'una selmana, en 5000 m, 10000 m y nel maratón. Seique inspirada pola arrogante victoria, la so esposa Dana ganó la medaya d'oru nel llanzamientu de xabalina tan solo una hora dempués de que'l so home ganara la carrera de 5000 m llisos.

Darréu participó nel Campeonatu d'Europa de 1954, que tuvo llugar en Berna, onde llogró de nuevu'l títulu continental de 10000 m, asina como la medaya de bronce en 5000 m. Nos Xuegos Olímpicos de Melbourne 1956 foi sestu nel maratón. En 1958, nel Cross Internacional de Lasarte, punxo fin a la so trayeutoria deportiva. A lo llargo d'ésta compitió en 334 carreres y llogró 261 victories, estableciendo un total de 18 plusmarques mundiales en distintes distancies.

En Checoslovaquia foi consideráu un héroe nacional y xubió hasta'l grau de coronel.

Primavera de Praga[editar | editar la fonte]

Sicasí, debío al sofitu qu'emprestó en 1968 a Alexander Dubcek mientres la llamada primavera de Praga, foi espulsáu del Partíu Comunista y del Exércitu. Empezó entós una etapa escura de la so vida na que tuvo inclusive que trabayar de barrenderu pa subsistir. En retratándose en 1975, la so figura foi rehabilitada en parte pol réxime comunista.

Finó'l 22 de payares de 2000 en Praga a los 78 años.

Referencies[editar | editar la fonte]

Enllaces esternos[editar | editar la fonte]








Emil Zátopek