Elnath

De Wikipedia
Saltar a navegación Saltar a la gueta
Elnath
Elnath
Constelación Tauru
Ascensión reuta α 05h 26m 17,51s
Declinación δ +28° 36’ 26,8’’
Distancia 131 ± 5 años lluz
Magnitú visual +1,68
Magnitú absoluta -1,34
Lluminosidá 700 soles
Temperatura 13.600 K
Masa 4,5 soles
Diámetru 4,6 soles
Tipu espectral B7III
Velocidá radial +9,2 km/s

Elnath (Beta Tauri / β Tau / 112 Tau)[1][2] ye una estrella asitiada na constelación de Tauru. El so nome, escritu dacuando como Al Nath y Alnath, provién del árabe النطح an-naţħ y significa «el que da cornaes». De magnitú aparente +1,68, ye, tres Aldebarán (α Tauri), la segunda estrella más brillosa de la constelación. Al atopase na llende ente Taurus —onde ocupa l'estremu d'unu de los cuernos del toru»— y Auriga —onde ocupa'l pie derechu del cocheru»— tamién tien la designación de Bayer de Gamma Aurigae, anque ye utilizada bien raramente. Alcuéntrase namái 3 graos al oeste del anticentro galácticu, el puntu opuestu al centru de la Vía Lláctea asitiáu na constelación de Saxitariu.

A 131 años lluz de distancia del Sistema Solar, Elnath ye una xigante azul caliente de 13.600 K de temperatura superficial y tipu espectral B7III. La so lluminosidá —incluyida la radiación ultravioleta emitida— ye 700 vegaes mayor que la solar. El so radiu ye 4,6 vegaes más grande qu'el radiu solar y tien una masa 4,5 vegaes mayor que la del Sol. Como otres estrelles de la so clase, Elnath ye químicamente peculiar y paez ser una estrella de mercuriu-manganesu, grupu d'estrelles que'l so arquetipu ye Alpheratz (α Andromedae). Asina, mientres el conteníu de manganesu ye 25 vegaes percima de la solar, los conteníos en calciu y magnesiu son namái un octavu de los atopaos nel Sol.[3]

Referencies[editar | editar la fonte]