Elisha Cuthbert

De Wikipedia
Saltar a: navegación, buscar
Elisha Cuthbert
Elisha Cuthbert
Elisha Cuthbert in 2009.jpg
Elisha Cuthbert en 2009.
Nacencia 30 de payares de 1982 (34 años)
Bandera de Canadá Canadá

Elisha Cuthbert (30 de payares de 1982) ye una actriz canadiense. Ye más conocida pol so papel como Alex Kerkovitz na serie de la canal de televisión ABC, Happy Endings

Biografía[editar | editar la fonte]

Elisha Ann Cuthbert nació en Calgary, Alberta, Canadá, el 30 de payares de 1982. Ye fía de Patricia y Kevin Cuthbert. Tien dos hermanos, Jonathan y Llee-Ann Cuthbert. A la edá de siete años empecipió una carrera como modelu infantil en Montreal, ciudá na que moró pocu dempués de nacer. Cuatro años dempués decidió que-y gustaría pasar el restu de los sos díes delantre de les cámares.

Elisha foi una neña maravía, empezó a rellumar dende los diez años. A finales de los años 90 llogró debutar nel cine cola película Dancing on the Moon (1997), un filme empobináu por Kit Hood, dempués de lo que consiguió un trabayu de presentadora de la emponderada serie de televisión canadiense Mecánica popular pa neños, que los sos impresionantes reportaxes llamaron l'atención de la primer dama de los Estaos Xuníos, Hillary Clinton, quien convidó a Cuthbert a Washington pa una xunta. El so segundu trabayu cinematográficu sería la película de xéneru fantásticu Nico, l'unicorniu (1998), una coproducción ente Canadá y Estaos Xuníos.

A los 17 años, Elisha treslladóse a Los Angeles col fin d'exercer el so oficiu de actriz. Protagonizó'l filme d'aventures Llerza nos aires (1998), y la película de ciencia ficción Viaxar nel tiempu (1999), amás de la serie de la cadena Nickelodeon, Are You Afraid of the Dark? (1999), y el telefilme Un cibernauta na Casa Blanca (2000).

El so papel na película Una moza afortunada, fecha pa la televisión canadiense, dio l'impulsu definitivu a la so carrera, yá que la so capacidá de dramatización y les sos convincentes traces faciales cautivaron a'l productores que preparaben una nueva serie de suspensu pa la FOX. La serie 24, protagonizada por Kiefer Sutherland, concedió-y la popularidá internacional a partir de la so incorporación nel añu 2001. Nesa serie interpretó a Kim Bauer, fía de Jack Bauer.

Más tarde Elisha intervieno en películes como Old School (2003), dirixida por Todd Phillips, Love Actually (2003), comedia romántica de Richard Curtis o La vecina d'al llau (2004), película coprotagonizada por Emile Hirsch. Por que fuera escoyida nesta última película foi primordial la gran guapura qu'esprende y pola que ye considerada una de les muyeres más formoses del planeta[ensin referencies].

La so última intervención na gran pantalla foi en Captivity (2007), película na qu'interpreta a Jennifer, una conocida modelu.

Vida privada[editar | editar la fonte]

Tuvo comprometida con Trace Ayala, mánager de Justin Timberlake. Poco tiempu dempués caltuvo una llarga relación col xugador d'h.oquei Sean Avery. Finalmente, a principios de 2013 contraxo matrimoniu col xugador d'h.oquei, Dion Phaneuf, d'orixe canadiense.


Filmografía[editar | editar la fonte]

Cine[editar | editar la fonte]

Añu película Rol Notes
1997 Dancing on the Moon Sarah
1998 Nico, l'unicorniu Carolyn Price
Llerza nos aires Nicole Stone
1999 Viaxar nel tiempu Susan Shawson
Who Gets the House? Emily Reece
2000 House: L'espantu tornó Katherine Winslowe
Un cibernauta na Casa Blanca Madison Osgood
2001 Una moza afortunada Katlin Palmerson
2003 Love Actually
Old School Darcie Goldberg
2004 La vecina d'al llau Danielle
2005 La casa de cera Carly Jones
El silenciu Nina Deer
2007 Captivity Jennifer Tree
Él, paecía un home sele Vanessa
2008 Una moza fora de Serie Jordan Roark
2009 The Six Wives of Henry LeFay Barbara 'Barbie' Lefay Postproducción
2010 Cat Balte Cleo (voz) En fase de producción

Televisión[editar | editar la fonte]

Añu Programa Descripción Rol
1997 - 2000 Mecánica popular pa neños Popular Mechanics for Kids Elisha
1999 - 2000 El club de medianueche Are You Afraid of the Dark? Megan
2004 MADtv Mad TV (sketches) Como ella mesma y como Kim Bauer (parodia de 24)
2001-2004; 2006; 2009-2010 24 24 Kim Bauer
2008 Guns (miniserie) Guns (miniserie) Francis Dett
2009 Ny-Lon (serie) Ny-Lon (serie) Edie
2011 - 2013 Finales felices (serie) Happy Endings (serie) Alex Kerkovitz
2011 Fairly Llegal (serie) Version Of Nutripez Kate Sanders
2012 Call Me (serie) Basada na vida del grupu musical Blondie Deborah Harry

Enllaces esternos[editar | editar la fonte]