Sketch
 | Esti artículu o seición necesita referencies qu'apaezan nuna publicación acreitada, como revistes especializaes, monografíes, prensa diaria o páxines d'Internet fiables. |
Un sketch ye una escena, xeneralmente humorística, que dura ente unu y diez minutos aproximao. Nella participen actores o comediantes y puede ser montada nun teatru o espublizada por televisión y Internet.
Los sketches, que solíen usase nos vodeviles, fueron incorporaos a espectáculos de variedaes, programes risibles, entretenimientu p'adultos, talk shows y dellos shows infantiles, como Sesame Street.
De cutiu, el sketch ye improvisáu polos actores la primer vegada que se realiza y la resultancia d'esto ye darréu trescritu a manera de llibretu. Sicasí, la improvisación nun se practica necesariamete en toles ocasiones.
Historia[editar | editar la fonte]
Los sketches tienen el so orixe nos vodeviles y nos music halls, onde un gran númberu de curtios, pero hilarantes actos yeren exhibíos unu tres otru pa formar un programa mayor. N'Inglaterra, les escenes pasaron del escenariu a les radioemisores y de éstes a la televisión.
Históricamente, los sketches nun taben rellacionaos ente sigo, pero más apocayá impúnxose la moda d'axuntar tolos actos so una mesma tema, con personaxes recurrentes qu'apaecen más d'una vegada. Esta idea foi tomada del cuartetu británicu The League of Gentlemen, que los sos sketches narren les hestories de los habitantes del pueblu ficticiu de Royston Vasey.
N'América del Norte, los sketches contemporáneos son la consecuencia de les improvisaciones de los años 1970. Otra manera, los actos británicos fueron desenvueltos mayoritariamente gracies a la escritura, con autores que, de cutiu, trabayen en pareyes.
Dellos grupos contemporáneos que realicen notables sketches sobre escenarios son The Second City, los Upright Citizens Brigade y The Groundlings. Los programes de televisión que más se destacar coles sos curties escenes risibles son Saturday Night Live, Mad TV y In Living Color, ente otros.
Una de los últimos enclinos de la comedia con sketches ye distribuyila al traviés d'Internet. Les escenes creaes por aficionaos y profesionales son vistes por millones de persones en sitio web como YouTube, Super Deluxe y iFilm.
Festivales[editar | editar la fonte]
Munchos espectáculos revisteriles en Gran Bretaña incluyeron temporaes nel Festival Edinburgh Fringe.
Dende 1999, el creciente desenvolvimientu de la comedia sketch causó la creación de diversos festivales en ciudaes d'Estaos Xuníos: Nueva York, San Francisco, Seattle, Chicago, Los Angeles, Montreal, Toronto, Boston, Vancouver y Portland, Oregon.
Aficionaos[editar | editar la fonte]
Amás de los grupos teatrales profesionales, esiste una tradición d'entretenimientu amateur. La so misión ye prestar al ensame cuando, por casu, precísase axuntar dineru y nun hai profesionales disponibles.
Referencies[editar | editar la fonte]
Enllaces esternos[editar | editar la fonte]
| Control d'autoridaes |
|
|---|
Datos: Q55760865