Ed Wynn

De Wikipedia
Saltar a navegación Saltar a la gueta
Ed WynnPicto infobox character.png
Ed Wynn All Star Revue.JPG
Vida
Nacimientu Filadelfia9  de payares de 1886
Nacionalidá Bandera de Estaos Xuníos d'América Estaos Xuníos
Grupu étnicu xudíos estauxunidenses
Fallecimientu

Beverly Hills19  de xunu de 1966

(79 años)
Sepultura Forest Lawn Memorial Park Traducir
Causa de la muerte cáncer d'esófagu
Familia
Fíos/es
Oficiu
Oficiu actor de xéneru, actor de teatru, actor de cine, actor de televisión y llocutor radiofónicu
Premios
Nominaciones
Discográfica RCA Victor
IMDb nm0943956
Cambiar los datos en Wikidata

Artículu revisáu

Ed Wynn, nome artísticu de Isaiah Edwin Leopold (9  de payares de 1886Filadelfia - 19  de xunu de 1966Beverly Hills), foi un popular actor y comediante estauxunidense, que realizó una perafamada carrera de casi 65 años au participó en vodevils y teatros, en shows de televisión y radio y tamién nel cine. Tien dos estrelles nel Paséu de la Fama de Hollywood, pola so actividá en cine y televisión, respeutivamente.[1]

Ed Wynn inspiró la grabación de voz n'inglés del dibuxu animáu el Llagartu Juancho.

Biografía[editar | editar la fonte]

Isaiah Edwin Leopold nació en Filadelfia, Pennsylvania, el 9 de payares de 1886 fíu d'una pareya de xudíos de Bohemia, emigraos a finales del sieglu XIX. Siendo un adolescente, escapó de casa. Na so mocedá trabayó como ayudante de W. C. Fields. Depués, nos años 1910, actuó en diversos vodevils y, dende 1914, nos Ziegfeld Follies, una serie de producciones teatrales de Broadway basaes nel Folies Bergère parisín. Los primeros ésitos de Ed Wynn llegaron en Broadway dellos años más tarde, con The Perfect Fool (1921).

Darréu dirixó un programa de radiu llamáu Texaco's Fire Chief, de 1932 a 1939, enantes de debutar na pequeña pantalla nos años 1950. Esi mesmu añu ganó un premiu Emmy a la Most Outstanding Live Personality.[1]

Tamién participó nel cine y aportó a nomáu al Óscar pola so actuación en El diariu d'Ana Frank (1959).[1] Punxo la voz al personaxe del Sombrereru Llocu na versión de Disney d'Alicia nel país de les maravíes (1951). Actuó coles mesmes en Mary Poppins (1964) y La hestoria más grande enxamás contada (1965). Amás participó na serie Dimensión desconocida de Rod Serling interpretando a un vendedor ambulante que s'enfrentaba a la muerte.

Ed Wynn yera masón y pertenecía a la loxa númberu 9 de Filadelfia.[2] Morrió de cáncer el 19 de xunu de 1966, en Beverly Hills (California)

Referencies[editar | editar la fonte]

  1. 1,0 1,1 1,2 Premios y nominaciones de Ed Wynn en imdb.com
  2. Biografía de Ed Wynn en Grand Lodge of British Columbia and Yukon.

Enllaces esternos[editar | editar la fonte]