Dune (película de 1984)

De Wikipedia
Saltar a navegación Saltar a la gueta
22-11-2021 13:28
Picto infobox film.png
Dune (película de 1984)
Dune movie logo.png
Datos
Títulu orixinal Dune
Xéneru cine d'aición y película basada nuna novela
País d'orixe Estaos Xuníos
Añu 14 avientu 1984
Idioma orixinal inglés
Duración 137 min
Llugar de la narración Arrakis
Rodaxe California, Méxicu y Arizona
Color en color
Ficha téunica
Direición David Lynch
Producción Raffaella De Laurentiis y José López Rodero
Guión David Lynch
Música Toto
Fotografía Freddie Francis
Edición Antony Gibbs
Repartu Max von Sydow, Kyle MacLachlan, Francesca Annis, Sting, Leonardo Cimino, Brad Dourif, Linda Hunt, Freddie Jones, Richard Jordan, José Ferrer, Kenneth McMillan, Jack Nance, Angélica Aragón, Jürgen Prochnow, Alicia Witt, Paul L. Smith, Everett McGill, Dean Stockwell, français Siân Phillips, Sean Young, Virginia Madsen, Patrick Stewart, Silvana Mangano, Miguel Cané, Jacqueline Voltaire, David Lynch, Julieta Rosen, Danny Corkill, Ernesto Laguardia Longega (es) Traducir, Ana Ofelia Murguía, Claudia Ramírez, Humberto Elizondo, Judd Omen y Margarita Sanz
Ver llista completa
Compañíes
Productora Dino De Laurentiis Company (es) Traducir
Distribuidora Universal Studios, Universal Pictures y Netflix
Recaldación 30 925 690 US$
Premios y nominaciones
Premios Saturn Award for Best Costume (en) Traducir (1984)
Nominaciones Óscar al meyor soníu
Saturn Award for Best Costume (en) Traducir (1984)
premio Hugo a la mejor presentación dramática (es) Traducir (1985)
Calificaciones
FSK FSK 16 (es) Traducir
Medierådet Prohibited for children under 16 (en) Traducir
Enllaces esternos
Ficha n'IMDb
Ficha en FilmAffinity
Web oficial
Cambiar los datos en Wikidata

Dune ye una película de ciencia ficción estauxunidense de 1984 dirixida por David Lynch y basada na novela homónima de Frank Herbert. Tuvo protagonizada por Kyle MacLachlan, Silvana Mangano, Brad Dourif y José Ferrer, ente otros, y la producción corrió al cargu de Dino y Raffaella De Laurentiis. Filmóse nos Estudios Churubusco de la Ciudá de Méxicu.

Sinopsis[editar | editar la fonte]

Por orde imperial, la familia Atreides tendrá de faese cargu de la esplotación del desérticu planeta Arrakis, conocíu tamién como «Dune», que ye l'únicu planeta au s'atopa la especie melange, una potente droga que, arriendes, ye necesaria pa los vuelos espaciales. Enantes, el planeta fuera gobernáu polos Harkonen, qu'exercieren el so mandatu con puñu de fierro, dexando una buelga indeleble na población indíxena del planeta. Cuando los Harkonen ataquen el planeta col beneplácitu del Emperador pa retomar la so posición dominante sobro'l planeta, Paul, el fíu del duque Leto Atreides, tendrá de fuxir al desiertu, au lu esperen múltiples peligros y una última oportunidá de vengase y tornar al so llexítimu llugar como gobernante d'Arrakis.[1]

Repartu[editar | editar la fonte]

Producción[editar | editar la fonte]

Alejandro Jodorowsky[editar | editar la fonte]

El primer intentu de llevar a la pantalla grande la novela homónima de Frank Herbert, nos años 1970, tuvo dirixíu pol chilenu Alejandro Jodorowsky, que trabayó nel proyeutu mientres más de cinco años. A lo llargo de la conceición y el procesu de rodaxe, Jodorowsky convidó a participar a los que dixo que yeren los sos «cinco samuráis». Estos yeren célebres artistes: l'actor, direutor, guionista y productor estauxunidense Orson Welles, el pintor surrealista español Salvador Dalí, l'ilustrador inglés Chris Foss, la banda inglesa de rock Pink Floyd y l'artista gráficu y escultor suizu H. R. Giger. Toos so la direición artística del dibuxante francés Moebius. En retrasando'l proyectu numberoses vegaes, la compañía productora retiróse dexando en suspensu l'adaptación fílmica de Dune.[2]

David Lynch[editar | editar la fonte]

En 1976 el productor italianu Dino De Laurentiis fízose colos derechos y en 1979 contrató a Ridley Scott como direutor, que quería estremar el proyeutu en dos películes. Dempués de que Scott dexara la producción por considerar que diba riquir d'un trabayu qu'entós nun podía asumir, a empiezos de la década de 1980 renegociáronse los derechos y convencióse a Universal Studios pa llevar alantre l'adaptación. Raffaella De Laurentiis, fía de Dino, escoyó como nuevu direutor y guionista a David Lynch.[3]

La tercer película que rodó Lynch y la primera en color, nun pudo ser lo que nun principiu tenía en mente'l cineasta, a la de rodala. La película, con un metraxe inicial d'ocho hores foi amenorgáu por el mesmu Lynch a cinco pa la so exhibición cinematográfica. Sicasí, Dino de Laurentiis y la so fía obligáronlu a faer unu amenorgamientu importante de montaxe, dexándola en 137 minutos, coles consecuencies qu'ello traxo cuando foi asoleyada al públicu. Daveres previóse una duración de casi trés hores, por que'l públicu pudiera entender la trama (la novela contién complexos elementos argumentales), que a la fin amenorgóse a pocu más de dos, polo que la película nun siguió puntu per puntu a la famosa novela, pero, a pesar de delles faltes y sobrecargues, retrató con fidelidá l'universu concebíu per Herbert.[4] Esti inconveniente con Dino de Laurentiis provocó que Lynch acabara tarreciendo la película arriendes de prometese nun volver trabayar nunca más con grandes productores.[5]

Acoyida[editar | editar la fonte]

A pesar del gran presupuestu de la película, Dune foi un braeru fracasu en taquilla nel momentu del so estrenu. Güei, sicasí, munches crítiques retractáronse de los sos arrebexos escontra'l filme ya inclusive anguaño ye consideráu un filme de cultu del xéneru.[6]

Nueva adautación de 2021[editar | editar la fonte]

Artículu principal: Dune (película de 2021)

En febreru de 2017, Brian Herbert confirmó que'l director canadiense Denis Villeneuve fadríase cargu d'una nueva adaptación cinematográfica del universu de Dune.[7] El cineasta declaró que la nueva versión nun diba ser un remake de la película de 1984 sinón una adaptación fiel a la novela d'Herbert afigurada en dos películes y tardándose probablemente dos años en facese.[8][9][10] La producción dio entamu'l 18 de marzu de 2019 en Budapest y Xordania.[11][12]

Referencies[editar | editar la fonte]

  1. Dune. ABC. https://www.abc.es/play/pelicula/dune-434/. Consultáu 'l 11 de xineru de 2019. 
  2. Crítica de Dune. muchocine.net. http://www.muchocine.net/critica/10682/dune. Consultáu 'l 11 de xineru de 2019. 
  3. Benítez, Sergio. Ciencia-ficción: 'Dune', de David Lynch. espinof.com. https://www.espinof.com/criticas/ciencia-ficcion-dune-de-david-lynch. Consultáu 'l 11 de xineru de 2019. 
  4. Benito, Gloria. Dune (Dune, 1984) de David Lynch. encadenados.org. http://www.encadenados.org/rdc/rashomon/134-rashomon-n-91-viajes-espaciales/4239-dune-dune-1984-de-david-lynch. Consultáu 'l 11 de xineru de 2019. 
  5. Dune (1984) de David Lynch. alohacriticon.com. https://www.alohacriticon.com/cine/criticas-peliculas/dune-david-lynch/. Consultáu 'l 11 de xineru de 2019. 
  6. Dune ABC. Consultáu'l 19 d'avientu del 2019.
  7. «Denis Villeneuve dirigirá una nueva adaptación de ‘Dune’». El País. http://cultura.elpais.com/cultura/2017/02/01/actualidad/1485955580_493619.html. Consultáu 'l 1 de febreru de 2017. 
  8. La nueva película de Dune no tendrá nada que ver con la versión de 1984. https://www.cinemascomics.com/nueva-dune-nada-que-ver-version-1984/. Consultáu 'l 15 de payares de 2017. 
  9. Denis Villeneuve divide la adaptación de 'Dune' en dos partes. http://www.fotogramas.es/Noticias-cine/denis-villeneuve-divide-dune-en-dos-peliculas. Consultáu 'l 28 de mayu de 2018. 
  10. Denis Villeneuve quiere hacer mínimo dos películas de 'Dune'. http://www.fotogramas.es/Noticias-cine/Denis-Villeneuve-quiere-hacer-minimo-dos-peliculas-de-Dune. Consultáu 'l 13 de marzu de 2018. 
  11. Stellan Skarsgard to Play Villain in Legendary's 'Dune'. https://www.hollywoodreporter.com/heat-vision/stellan-skarsg-play-villain-legendarys-dune-1174870. Consultáu 'l 9 de xineru de 2019. 
  12. Cameras Roll on Warner Bros. Pictures and Legendary Entertainment’s Epic Adaptation of “Dune”. https://www.businesswire.com/news/home/20190318005491/en/Cameras-Roll-Warner-Bros.-Pictures-Legendary-Entertainment%E2%80%99s. Consultáu 'l 18 de marzu de 2019. 

Enllaces esternos[editar | editar la fonte]