Don Scardino

De Wikipedia
Saltar a navegación Saltar a la gueta
Don Scardino
Don Scardino
Vida
Nacimientu

Nueva York17  de febreru de 1949

(70 años)
Nacionalidá Estauxunidense
Familia
Casáu/ada con Pamela Blair
Oficiu
Oficiu actor, direutor de cine, actor de teatru, actor de televisión, direutor de teatru y actor de cine
IMDb nm0769135
Cambiar los datos en Wikidata

Donald Joseph Scardino (17 de febreru de 1948), conocíu como Don Scardino, ye un actor, direutor y productor de televisión estauxunidense.

Carrera[editar | editar la fonte]

Actuación[editar | editar la fonte]

Nacíu na ciudá de Nueva York, Scardino empezó la so carrera como actor. El so primer creitu en Broadway foi como suplente na obra The Playroom de 1965. Otros de los sos trabayos en Broadway son Johnny Non-Trump, Godspell y King of Hearts. Tamién participó en producciones off-Broadway como The Rimers of Eldritch, La comedia de les equivocaciones, Moonchildren y I'm Getting My Act Together and Taking It on the Road. Amás del teatru, foi protagonista nel clásicu de cine B de terror Squirm (1976). Ente los años 1991 y 1996, trabayó como direutor d'arte en Playwrights Horizons, un teatru off-Broadway. En televisión, apaeció en telenoveles como Guiding Light, All My Children, Love Is a Many Splendored Thing y Another World, y les series primetime La pantasma y la señora Muir y Audacia ye'l xuegu. Formó parte del repartu de la película Cruising (1980), xunto a Al Pacino.

Direición[editar | editar la fonte]

Dempués del so trabayu como actor en telenoveles, Scardino empezó a dirixir en televisión. Dirixó episodios de Another World, One Life to Live y All My Children. Siguió dirixiendo obres en direutu en Broadway y off-Broadway, incluyendo l'estrenu mundial de A Few Good Men de Aaron Sorkin. El so trabayu en televisión ye estensu, notable pola so direición de la serie risible de la NBC 30 Rock. Como direutor de cine'l so trabayu inclúi títulos como Me & Veronica y Advice from a Caterpillar. Darréu dirixó la comedia de magos The Incredible Burt Wonderstone, protagonizada por Steve Carell, Jim Carrey y Steve Buscemi.

Vida privada[editar | editar la fonte]

Scardino tuvo casáu cola actriz Pamela Blair ente 1984 y 1991. Anguaño ta casáu cola pintora Dana L. Williams.

Creitos selectos como direutor[editar | editar la fonte]

Enllaces esternos[editar | editar la fonte]