Delta Columbae
Delta Columbae (δ Col / HD 44762 / HR 2296)[6] ye una estrella na constelación del Columba, la palombu. Tien magnitú aparente +3,85, siendo la tercer estrella más brillosa na so constelación dempués de Phact (α Columbae) y Wazn (β Columbae). Ta asitiada a 234 años lluz del Sistema Solar.
Delta Columbae ye una xigante lluminosa de tipu espectral G7II.[6][7] Con una temperatura superficial averada de 5120 K, relluma con una lluminosidá 150 vegaes mayor que la lluminosidá solar. El so radiu ye 16 vegaes más grande que'l radiu solar y tien una masa ente 3 y 3,2 mases solares. La so edá envalórase en 330 millones d'años y nel so interior tien llugar la fusión nuclear d'heliu en carbonu y oxíxenu. Amuesa una metalicidá inferior a la solar, en redol a un 40% de la mesma.[8]
Delta Columbae tien una compañera estelar detectada per aciu espectroscopia. El periodu orbital d'esta binaria ye de 2,38 años. La estrella acompañante tien una masa de 0,9 mases solares, polo que tien de ser una nana mariella de tipu G8 o G9. La separación media cola xigante ye de 2,9 UA, pero la notable escentricidá de la órbita fai que dicha separación varie ente 0,9 y 4,9 UA.[8]
Referencies
[editar | editar la fonte]- 1 2 3 4 Afirmao en: SIMBAD. Llingua de la obra o nome: inglés.
- 1 2 3 «Gaia EDR3» (n'inglés). VizieR Online Data Catalog. 3 avientu 2020. doi:.
- ↑ Ansgar Reiners (xunu 2012). «New measurements of rotation and differential rotation in A-F stars: are there two populations of differentially rotating stars?» (n'inglés). Astronomy and Astrophysics: páxs. A116. doi:.
- ↑ «Gaia DR2» (n'inglés). VizieR Online Data Catalog. 25 abril 2018. doi:.
- ↑ «Parameters and abundances in luminous stars» (n'inglés). The Astronomical Journal (6): páxs. 137. 2 mayu 2014. doi:.
- 1 2 Delta Col - Star (SIMBAD)
- ↑ Delta Columbae Archiváu 2016-03-04 en Wayback Machine (The Bright Star Catalogue)
- 1 2 Delta Columbae (Stars, Jim Kaler)
Datos: Q1756776