Phact
| Constelación | Columba |
| Ascensión reuta α | 05h 39min 38,94s |
| Declinación δ | -34º 04’ 26,8’’ |
| Distancia | 268 años lluz |
| Magnitú visual | +2,65 |
| Magnitú absoluta | -1,93 |
| Lluminosidá | 1000 soles (bolométrica) |
| Temperatura | 12.500 K |
| Radiu | 7 soles |
| Masa | 4,5 soles |
| Tipu espectral | B7IVe |
| Velocidá radial | +35 km/s |
Phact o Phakt (α Columbae / α Col / HD 37795)[1] ye la estrella más brillosa de la constelación de Columba con magnitú aparente +2,65. El so nome provién del árabe Al-Fakhitah y significa «el palombu», n'alusión al nome de la constelación. Tamién recibe los nomes de Phaet y Phad. Alcuéntrase a 268 años lluz del Sistema Solar.
Phact ye una estrella subxigante blancu-azulada de tipu espectral B7IVe con una temperatura superficial de 12.500 K. Unes 1000 vegaes más lluminosa qu'el Sol —incluyida la radiación emitida nel ultravioleta—, el so radiu ye 7 vegaes más grande qu'el radiu solar. La so velocidá de rotación ye bien alta, siquier 180 km/s nel so ecuador, anque probablemente sía enforma mayor. Clasificada como una estrella Be, la rápida rotación fai que la estrella tea esnachada polos polos, formándose una cubierta de baxa densidá en redol a la estrella qu'emite radiación en llonxitú d'onda específiques.[2] Otres estrelles d'esti tipu son Achernar (α Eridani), Alcíone (η Tauri) o la peculiar γ Cassiopeiae.
Phact tien una masa aprosimao 4,5 vegaes mayor que la masa solar.[2] Ye una estrella llixeramente variable del tipu Gamma Cassiopeiae. El so rellumu varia ente magnitú +2,62 y +2,66.[3]
