David Soul
David Soul | |
|---|---|
 | |
| Vida | |
| Nacimientu | Chicago[1], 28 d'agostu de 1943[2] (79 años) |
| Nacionalidá |
 Estaos Xuníos  Reinu Xuníu (agostu 2004 - |
| Llingua materna | inglés |
| Familia | |
| Casáu con |
valor desconocíu (1964 - 1965) Karen Carlson (1968 - 1977) Patti Carnel (en)  (1980 - 1986)Julia Nickson-Soul (1987 - 1993) valor desconocíu (xunu 2010 - |
| Pareyes | Alexa Hamilton |
| Fíos/es |
ver
|
| Estudios | |
| Estudios |
Universidá de Minnesota Washington High School (en) Augustana University (en) |
| Llingües falaes | inglés[4] |
| Oficiu | cantante, actor, músicu, actor de televisión, actor de cine, direutor de televisión, realizador |
| Xéneru artísticu | pop |
| Instrumentu musical | voz |
| Creencies | |
| Relixón | Luteranismu |
| IMDb | nm0815800 |
| davidsoul.com | |
 | |
David Richard Solberg, conocíu artísticamente como David Soul. (Chicago, Illinois, 28 d'agostu de 1943), ye un actor de televisión y cine, y cantante d'Estaos Xuníos, nacionalizáu británicu. Llogró la so ciudadanía británica en 2004.
Biografía[editar | editar la fonte]
Fíu d'un pastor luteranu que participó na reconstrucción d'Alemaña tres la II Guerra Mundial, Soul viaxó con frecuencia a esi país mientres la so infancia.
Empezó a ser conocíu poles sos intervenciones nel espaciu The Merv Griffin Show en 1967, nel qu'apaecía cantando, despintando la so cara con un pasamontañas. Llámome David Soul, y quiero ser conocíu pola mio música, yera la so esplicación.
A fines de la década de 1960 y principios de la década de 1970, intervieno en numberoses series de televisión, como Here Come the Brides, Owen Marshall: Counselor at Law, I Dream of Jeannie, McMillan and Wife, Cannon, Gunsmoke, All in the Family, Star Trek: The Original Series, The Streets of San Francisco, etc.
Sicasí'l estatus d'estrella de la televisión llegó-y gracies al papel del detective Ken "Hutch" Hutchinson, na serie de cultu Starsky & Hutch, que protagonizó xunto a Paul Michael Glaser ente 1975 y 1979.
Paralelamente llanzó la so carrera musical, de la que destaquen les temes Don't Give Up on Us (1977), que aportó a númberu unu en Reinu Xuníu, y Silver Lady (1977).
La so carrera cinematográfica foi muncho más amenorgada, destacando un papel en Magnum Force (1973), xunto a Clint Eastwood y na película de terror Salem's Lot (1979), basada na novela de Stephen King.
El so cayente artísticu na década de 1980 fíxo-y cayer nel alcoholismu. Sicasí siguió apaeciendo n'episodios de series de televisión y nel filme In The Line Of Duty: The FBI Murders (1988). Na década de 1990 treslladóse a Londres, Reinu Xuníu, retomando la so carrera interpretativa, nesti casu sobre los escenarios del West End de Londres, participando en montaxes como Jerry Springer - The Opera (2004) y Mack and Mabel (2006).
En 2004 llogró la nacionalidá británica. Tamién apaeció na adautación cinematográfica, de Starsky & Hutch (2004), faciendo un cameo del so personaxe, nos últimos minutos d'ésta.
Referencies[editar | editar la fonte]
- ↑ Afirmao en: Gemeinsame Normdatei. Data de consulta: 16 avientu 2014. Llingua de la obra o nome: alemán. Autor: Biblioteca Nacional d'Alemaña.
- ↑ Afirmao en: Gemeinsame Normdatei. Data de consulta: 4 mayu 2014. Llingua de la obra o nome: alemán. Autor: Biblioteca Nacional d'Alemaña.
- ↑ URL de la referencia: https://www.nndb.com/people/757/000024685/.
- ↑ «idRef» (francés). Agencia Bibliográfica de Enseñanza Superior. Consultáu'l 5 marzu 2020.
Enllaces esternos[editar | editar la fonte]
Referencies[editar | editar la fonte]
- [1]
- [2]
- Guinness Book of British Hit Singles 7th Edition - 1988
- Top Pop Singles 1955-2002 by Joel Whitburn - 2003
- The Life, The Legend by David Tailford - 1987
Datos: Q727752
Multimedia: David Soul