Constantino Cabal

De Wikipedia
Saltar a navegación Saltar a la gueta
Constantino Cabal
Vida
Nacimientu Uviéu16  de mayu[[(Xulianu)]]
Nacionalidá Bandera d'España España
Fallecimientu

9  d'avientu de 1967

(90 años)
Estudios
Llingües castellán
asturianu
Oficiu
Oficiu antropólogu, escritor y periodista
Cambiar los datos en Wikidata

Constantino Cabal (16  de mayu[[(Xulianu)]], Uviéu - 9  d'avientu de 1967), foi un antropólogu, escritor y periodista asturianu. Ta consideráu un de los meyores estudiosos de la cultura y folclore d'Asturies.

Biografía[editar | editar la fonte]

Empieza'l so trabayu de periodista en «El Zurriago Social», una publicación de calter satíricu ya irónicu dirixida por Maximiliano Arboleya.

Nel añu 1900 entra a trabayar nel diariu uvieín El Carbayón. Mientres ta trabayando nesti diariu escribe les sos primeres obres lliteraries: Psiquis y Memorias de un enfermo.

Nel añu de 1905 emigra a Cuba ya instálase en L'Habana. Nesta ciudá atopa trabayu nel periódicu: Diario de la Marina, dirixíu por otru periodista y emigrante asturianu llamáu Nicolás Rivero, nacíu en Villaviciosa. Nesti diariu conoz y entabla amistá col periodista y poeta gallegu Curros Enríquez. Al morrer ésti dan-y la so seición de política española. Tres cinco años na isla, torna a España como corresponsal del mesmu periódicu. Instalase en Madrid, sede del gobiernu, p'asina tar más en contautu cola clase dirixente y por tantu cola política española. Nesta ciudá conoz y entabla amistá col coruñés Ramón Menéndez Pidal; gracies a él empiézase a interesar pola hestoria, y empieza a trabayar nel Archivu Históricu Nacional, na Biblioteca Nacional, nel archivu de Simancas, Real Academia de la Hestoria, el Escorial y na Catedral d'Uviéu.

Mientres esta etapa de la so vida, la más granible, dedicase a editar les sos principales obres d'hestoria: Covadonga|Cuadonga: ensayo histórico-crítico,Cuentos, leyendas y tradiciones y La familia, la vivienda y oficios primitivos.

En 1925 escoyenlu como direutor del diariu católicu «Rexón» d'Uviéu. Tres el pasu por esti diariu, treslladase a Palencia, ciudá de la que torna en 1928 a Uviéu tres el so nomamientu de cronista oficial d'Asturies y direutor de la Biblioteca Provincial d'Asturies.

Nestos puestos sigue hasta la so muerte, siguiendo col so llabor lliterariu ya historiográficu. Foi miembru numerario del I.D.E.A (Institutu d'Estudios Asturianos) dende la so fundación.

Obra creativa[editar | editar la fonte]

Palaciu del conde de Toreno n'Uviéu sede de la IDEA.

Ente les obres que destaquen d'esta etapa podemos resaltar les siguientes:

  • «Psiquis»
  • «Memorias de un enfermo»
  • La triloxía sobre mitoloxía asturiana:
«Los dioses de la vida» (1925)
«Los dioses de la muerte» (1925)
«El sacerdocio del diablo» (1928)
  • «Alfonso II el casto» (1943)
  • «Contribución al Diccionario folclórico de Asturias» (cinco tomos. 1951–1958)
  • «La Asturias que venció Roma» (1953)
  • «L'alborá de los malvises (los madrigales del bable)» (1944), n'asturianu
  • «La presa de las Águilas: drama en tres actos y en verso» (1924)
  • «Majestad: drama en dos actos y en prosa » (1924)
  • «La hora del yunque» (1944)
  • «La sementera de sal » (1944)
  • «Capitán de romancero» (1949)

Ensayos[editar | editar la fonte]

  • Cabal, Constantino (1919). El libro de cómo se hacen todas las cosas: confidencias de Palacio Valdés...: sobre el modo de escribir una novela, un cuento... Madrid: Voluntad.
  • Cabal, Constantino (1948). Algunas supervivencias de nuestra agricultura primitiva: discurso de ingreso. Oviedo: IDEA.
  • Cabal, Constantino (1953). La Asturias que venció Roma. Oviedo: Gráficas Summa.
  • Cabal, Constantino (1984). Contribución al diccionario folclórico de Asturias: “apodo”–“arriero”. Oviedo: IDEA. ISBN 84-00-05796-1.

Bibliografía[editar | editar la fonte]

  • Díaz Castañón, Carmen (1976). Literatura asturiana en bable. Salinas: Ayalga. ISBN 84-7411-010-6.
  • García, Antón (1994). Lliteratura asturiana nel tiempu. Oviedo: Conseyería de Educación, Cultura, Deportes y Xuventú. ISBN 84-7847-280-0.

Ver tamién[editar | editar la fonte]