Maximiliano Arboleya

De Wikipedia
Saltar a navegación Saltar a la gueta
Maximiliano Arboleya
Vida
Nacimientu La Pola Llaviana9 d'ochobre de 1870
Nacionalidá Bandera d'España España
Fallecimientu

Meres19 de xineru de 1951

(80 años)
Estudios
Llingües castellán
Oficiu
Oficiu sociólogu y escritor
Creencies
Relixón Ilesia Católica
Cambiar los datos en Wikidata

Maximiliano Arboleya Martínez (9 d'ochobre de 1870La Pola Llaviana - 19 de xineru de 1951Meres) sacerdote y sociólogu asturianu.

Biografía[editar | editar la fonte]

Maximiliano yera fíu de Marcelino Arboleya oficial del Rexistru de la Propiedá de La Pola (Llaviana) y Amalia Martínez Vigil, hermana de Ramón Martínez Vigil que foi obispu d'Uviéu. En 1878 morrió so padre quedando so madre viuda casándose con Francisco Fernández Fueyo, viudu d'una hermana de so.

Estudia na so Llaviana natal hasta los catorce años, en 1884 ingresa nel seminariu d'Uviéu y darréu ye enviáu con una beca a Roma pa estudiar nel Pontificiu Colexu Español. N'Italia algama la llicenciatura en Teoloxía pola Universidá Gregoriana y el doctoráu pol Pontificiu Seminariu de San Apolinar.

Torna d'Italia y afitando la so residencia n'Uviéu onde exerce de profesor nel seminariu y en 1898 algama la plaza de callóndrigu de la catedral d'Uviéu.

Hacia 1900 funda la Lliga de Defensa Eclesiástica y ye nomáu secretariu de la comisión qu'entamaba les peregrinaciones a Lourdes.

En 1923 l'obispu Juan Bautista Luis y Pérez nómalu deán de la catedral d'Uviéu.

Muerre en Meres, pueblu nel que taba residiendo, el 19 de xineru de 1951

Actividá periodística y sindical[editar | editar la fonte]

Una de les sos facetes más relevantes foi la so actividá periodística y sindical rellacionada col so llabor nel mundu de la prensa. Miembru y seguidor de la doctrina social de la ilesia que tenía'l so máximo esponente na encíclica Rerum Novarum del Papa León XIII funda y collabora con diversos periódicos. Asina funda El Zurriago Social o Justicia Social y collabora col diariu El Carbayón enfrentándose a diferentes personalidaes de la so dómina poles sos idees tales como Manuel Vigil Montoto.