Comunidá Económica d'Estaos del África Occidental

De Wikipedia
Saltar a navegación Saltar a la gueta
Sé del Bancu pa la Inversión y el Desarrollu de la CEDEAO en Lomé (Togo).

La Comunidá Económica d'Estaos del África Occidental o CEDEAO (n'inglés: Economic Community of West African States, ECOWAS; en francés Communauté économique des États de l'Afrique de l'Ouest, CEDEAO; y en portugués Comunidade Económica dos Estados da África Ocidental, CEDEAO) ye una xunión económica de quince países d'África occidental. Estos estaos tienen una estensión conxunta de 5.114.162 km² y una población estimada, en 2015, de más de 349 millones d'habitantes.

La comunidá estableciose'l 28 de mayu de 1975, fecha de la robla del tratáu de Llagos, que tenía l'oxetivu esplícitu de promover la integración económica na rexón. Una versión revisada del tratáu firmose'l 24 de xunetu de 1993 en Cotonou (Benin). Considerada uno de los bloques rexonales de la Comunidá Económica Africana (African European Community, AEC), l'oxetivu de los sos miembros ye algamar un estáu d'autosuficiencia colectiva al traviés de la creación d'un únicu bloque comercial completamente integráu dende'l puntu de vista económicu. La CEDEAO tamién funciona como una fuercia de paz na rexón, y únvia ocasionalmente fuercies militares conxuntes de varios de los sos miembros pa intervenir notros de los países de la comunidá nos que hai inestabilidá política o revueltes. Nesi contestu, fuercies de la CEDEAO intervinieron en Costa del Marfil (2003), Liberia (2003), Guinea-Bisáu (2012), Malí (2013) y Gambia (2017)[1][2].

La CEDEAO inclúi dos bloques subrrexonales:

- La Xunión Económica y Monetaria del África Occidental, conocida pol so acrónimu en francés UEMOA. Ye una organización de ocho países, principalmente francófonos, que caltienen dientro de la CEDEAO una xunión monetaria y aduanera. Establecida en 1994 cola intención de contrapesar la preponderancia de les economíes de los países anglófonos (Nixeria, Ghana) nel bloque, la mayoría de los sos miembros son los estaos heriedes de los territorios del antigua África Occidental Francesa. La moneda que comparten ye'l francu CFA, que ta venceyada al euru.
- La Zona Monetaria del África Occidental (West African Monetary Zone, WAMZ), establecida nel añu 2000, que compriende a seis países de la CEDEAO, principalmente anglófnos, que trabayen en comuña col envís d'adoptar una moneda común, el eco.

La CEDEAO, que trabaya con tres llingües oficiales (inglés, francés y portugués), tiene dos instituciones al traviés de les que desarrolla les sos polítiques: la Comisión y el Bancu pa la Inversión y el Desarrollu, nome que recibe dende'l 2001 l'antiguu Fondu de Cooperación. En 2011 adoptó la so nueva política pa la siguiente década, espresada nel documentu Vision 2020, y una Política de Ciencia y Teunoloxía (ECOPOST) complementaria a elli.

Estaos miembros[editar | editar la fonte]

En febreru de 2017 la CEDEAO tien 15 estaos miembros: 8 que la so llingua oficial ye'l francés, cinco de fala inglesa y dos de fala portuguesa. Tóos ellos son miembros dende la fundación, en mayu de 1975, sacante Cabu Verde, qu'ingresó en 1977[3]. L'únicu miembru orixinal qu'abandonó la Comunidá foi Mauritania, que lo fizo n'avientu de 2000[3]. En febreru de 2017 Marruecos solicitó oficialmente la integración na CEDEAO[4].


País Estensión[5]
(km2)
Población[6]
(miles)
PIB
nominal[7]
en millones de dólares
PIB (con paridá
de poder adquisitivu)[8]
en millones de dólares
Moneda Llingua
oficial
Benin 114.763 10.880 8.291 22.377 Francu CFA Francés
Burkina Faso 272.967 18.106 10.678 30.708 Francu CFA Francés
Cabu Verde 4.033 521 1.603 3.413 Escudu Portugués
Gambia 11.295 1.991 939 3.344 Dalasi Inglés
Ghana 238.533 27.410 37.543 115.409 Cedi Inglés
Guinea 245.857 12.609 6.699 15.244 Francu Francés
Guinea-Bisáu 36.125 1.844 1.057 2.685 Francu CFA Portugués
Costa de Marfil 322.463 22.702 31.759 79.766 Francu CFA Francés
Liberia 111.369 4.503 2.053 3.762 Dólar Inglés
Malí 1.240.192 17.600 12.747 35.695 Francu CFA Francés
Níxer 1.267.000 19.899 7.143 19.013 Francu CFA Francés
Nixeria 923.768 182.202 481.066 1.093.921 Naira Inglés
Senegal 196.712 15.129 13.610 36.625 Francu CFA Francés
Sierra Lleona 72.300 6.453 4.215 10.127 Leone Inglés
Togu 56.785 7.305 4.088 10.667 Francu CFA Francés
Total CEDEAO 5.114.162 349.154 623.491 1.482.756

Estructura organizativa[9][editar | editar la fonte]

Presidente[editar | editar la fonte]

La presidencia de la CEDEAO exércela, por un periodu añal, ún de los xefes d'estáu de los países miembros escoyido por conceyu ente toos ellos. El ministru que tien competencies sobre la CEDEAO nel so país conviértese, al tiempu, nel presidente del conseyu de los ministros que tienen esa competencia en tolos países miembros de la Comunidá, y tamién-y correspuende a esi país la presidencia de les distintes comisiones de rangu menor (ministerial o técnicu) demientres esi añu.

Presidente País Periodu de mandatu
Yakubu Gowon Flag of Nigeria.svg Nixeria 28 de mayu de1975 – 29 de xunetu de 1975
Gnassingbé Eyadéma Bandera de Togu Togu 29 de xunetu de 1975 – 13 de setiembre de 1977
Olusegun Obasanjo Flag of Nigeria.svg Nixeria 13 de setiembre de 1977 – 30 de setiembre de 1979
Léopold Sédar Senghor Flag of Senegal.svg Senegal 30 de setiembre de 1979 – 31 d'avientu de 1980
Gnassingbé Eyadéma Bandera de Togu Togu 1980–1981
Siaka Stevens Bandera de Sierra Lleona Sierra Lleona 1981–1982
Mathieu Kérékou Bandera de Benín Benín 1982–1983
Ahmed Sékou Touré Flag of Guinea.svg Guinea 1983–1984
Lansana Conté Flag of Guinea.svg Guinea 1984–1985
Muhammadu Buhari Flag of Nigeria.svg Nixeria 1985 – 27 d'agostu de 1985
Ibrahim Babangida Flag of Nigeria.svg Nixeria 27 d'agostu de 1985 – 1989
Dawda Jawara Flag of The Gambia.svg Gambia 1989–1990
Blaise Compaoré Flag of Burkina Faso.svg Burkina Faso 1990–1991
Dawda Jawara Flag of The Gambia.svg Gambia 1991–1992
Abdou Diouf Flag of Senegal.svg Senegal 1992–1993
Nicéphore Soglo Bandera de Benín Benín 1993–1994
Jerry Rawlings Flag of Ghana.svg Ghana 1994 – 27 July 1996
Sani Abacha Flag of Nigeria.svg Nixeria 27 de xunetu de 1996 – 8 de xunu de 1998
Abdulsalami Abubakar Flag of Nigeria.svg Nixeria 9 de xunu de 1998 – 1999
Gnassingbé Eyadéma Bandera de Togu Togu 1999 – 1999
Alpha Oumar Konaré Bandera de Malí Malí 1999 – 21 d'avientu de 2001
Abdoulaye Wade Flag of Senegal.svg Senegal 21 d'avientu de 2001 – 31 de xineru de 2003
John Kufuor Flag of Ghana.svg Ghana 31 de xineru de 2003 – 19 de xineru de 2005
Mamadou Tandja Flag of Niger.svg Níxer 19 de xineru de 2005 – 19 de xineru de 2007
Blaise Compaoré Flag of Burkina Faso.svg Burkina Faso 19 de xineru de 2007 – 19 d'avientu de 2008
Umaru Musa Yar'Adua Flag of Nigeria.svg Nixeria 19 d'avientu de 2008 – 18 de febreru de 2010
Goodluck Jonathan Flag of Nigeria.svg Nixeria 18 de febreru de 2010 – 17 de febreru de 2012
Alassane Ouattara Flag of Côte d'Ivoire.svg Costa de Marfil 17 de febreru de 2012 – 17 de febreru de 2013
John Dramani Mahama Flag of Ghana.svg Ghana 17 de febreru de 2013 – 19 de mayu de 2015
Macky Sall Flag of Senegal.svg Senegal 19 de mayu de 2015 – 4 de xunu de 2016
Ellen Johnson Sirleaf Flag of Liberia.svg Liberia 4 de xunu de 2016 – (actualizáu en marzu de 2017)

Comisión[editar | editar la fonte]

La Comisión ye l'órganu alministrativu permanente del CEDEAO, encargáu del desarrollu de los programas, proyeutos y actividaes de la Comunidá. Fórmenlu 13 miembros, dirixíos por un presidente y un vicepresidente. L'asamblea d'estaos miembros ye la que decide a qué país-y va corresponder exercer la presidencia. El cargu exércese por un periodu de cuatro años non renovables. Los programes y proyeutos de la Comunidá organícense en trece departamentos que coordinen les polítiques respectives de los estaos miembros:

- Agricultura, Mediu Ambiente y Recursos Hídricos
- Educación, Ciencia y Cultura
- Enerxía y Mines
- Finances
- Control financieru de les instituciones de la CEDEAO
- Alministración Xeneral (da soporte alministrativu a los otros departamentos)
- Recursos Humanos
- Industria y Promoción del Sector Priváu
- Infraestructures
- Política macroeconómica ya Investigación Económica
- Asuntos Políticos, Paz y Seguridá
- Asuntos Sociales y de Xéneru
- Telecomunicaciones y teunoloxíes de la información
- Comerciu y Aduanes


Presidente
de la Comisión
País Periodu de mandatu
Aboubakar Diaby Ouattara Flag of Côte d'Ivoire.svg Costa de Marfil Xineru 1977 – 1985
Momodu Munu Bandera de Sierra Lleona Sierra Lleona 1985–1989
Abass Bundu Bandera de Sierra Lleona Sierra Lleona 1989–1993
Édouard Benjamin Flag of Guinea.svg Guinea 1993–1997
Lansana Kouyaté Flag of Guinea.svg Guinea Setiembre 1997 – 31 de xineru de 2002
Mohammed Ibn Chambas Flag of Ghana.svg Ghana 1 de febreru de 2002 – 31 d'avientu de 2007
Mohamed Ibn Chambas Flag of Ghana.svg Ghana 1 de xineru de 2007 – 18 de febreru de 2010
Victor Gbeho Flag of Ghana.svg Ghana 18 de febreru de 2010 – 1 de marzu de 2012
Kadré Désiré Ouedraogo Flag of Burkina Faso.svg Burkina Faso 1 de marzu de 2012 – 4 de xunu de 2016
Marcel Alain de Souza Bandera de Benín Benín 5 de xunu de 2016 – (actualizáu en marzu de 2017)

Parllamentu[editar | editar la fonte]

El brazu llexislativu de la CEDEAO ye'l Parllamentu de la Comunidá, encabezáu por un portavoz y embaxu de la dirección d'un secretariu xeneral, que coordina les funciones alministratives de la institución. Magar que ta proyectada la so eleición directa por sufraxu universal, anguaño los 115 parllamentarios que lu componen son designaos polos parllamentos nacionales de los sos estaos miembros por un periodu de cuatro años.

Corte de Xusticia[editar | editar la fonte]

La Corte de Xusticia de la Comunidá ye'l muérganu xudicial de la CEDEAO. Diríxela un presidente, acompañáu de xueces escoyíos polos tribunales supremos de los estaos miembros. La so función ye la de asegurar la interpretación y aplicación correcta de les lleis, protocolos y convenciones de la Comunidá. Les funciones alministratives de la corte desarróllalas un equipu de persones dirixíes pol rexistrador del tribunal.

Integración económica[editar | editar la fonte]

Xunión Económica y Monetaria del África Occidental[editar | editar la fonte]

En collor verde apaecen los países miembros de la UEMOA; en collor roxu los que pertenecen a la WAMZ.

La Xunión Económica y Monetaria del África Occidental, conocida como UEMOA poles sigles del so nome en francés, Union économique et monétaire ouest-africaine, ye una organización formada por ocho estaos de la CEDEAO, principalmente francófonos, que decidieron axuntase pa contrapesar el gran predominiu de los grandes estaos anglófonos, Nixeria y Ghana, de la Comunidá[10]. Estableciose col oxetivu de promover la integración económica ente los países que comparten como moneda común el francu CFA. La UEMOA creose por mediu d'un tratáu robláu en Dakar (Senegal), el 10 de xineru de 1994, polos xefes d'estau y gobiernu de Benín, Burkina Faso, Costa de Marfil, Malí, Níxer, Senegal y Togo. El 2 de mayu de 1997 Guinea-Bisáu, una antigua colonia portuguesa, convirtiose nel octavu -y únicu non francófonu- de los miembros de la UEMOA.

La UEMOA ye una unión aduanera y monetaria que los sos oxetivos son[11]:

- Aumentar, al traviés del llibre mercáu y de la racionalización y harmonización de les llexislaciones nacionales, la competitividá económica.
- La converxencia de les polítiques ya indicadores macroeconómicos.
- La creación d'un mercáu común.
- La coordinación de les polítiques sectoriales.
- La harmonización de les polítiques fiscales.

Ente los sos llogros cuéntase l'establecimientu de criterios de converxencia macroeconómica, y de un control efectivu del so cumplimientu. Tamién consiguió la xunión aduanera y l'establecimientu d'una tarifa externa común, va harmonizando les regulaciones nacionales sobre los impuestos indirectos y ta entamando a poner en marcha polítiques estructurales y sectorales rexonales. Un estudiu del Fondu Monetariu Internacional de 2002 consideró la UEMOA como'l grupu rexonal africanu d'integración económica que más tenía progresao[12].

La CEDEAO y la UEMOA desarrollaron un plan d'acción común de converxencia en polítiques macroeconómiques y lliberalización comercial. Dambes organizaciones alcordaron tamién coordinar les sos normes d'orixe pa facilitar el comerciu, y la CEDEAO acordó aceptar los formularios aduaneros de la UEMOA y los sos mecanismos de compensación[13].

Zona Monetaria del África Occidental[editar | editar la fonte]

La Zona Monetaria del África Occidental, conocida como WAMZ poles sigles del so nome n'inglés, West African Monetary Zone, ye una organización formada por seis países de la CEDEAO que planeen introducir una moneda común nomada eco[14]. El grupu fórmenlu Gambia, Ghana, Guinea, Nixeria y Sierra Leone, que fundaron la organización nel añu 2000, y Liberia, qu'ingresó nelli el 16 de febreru de 2010. Sacante Guinea, que ye francófona, toos son países de llingua inglesa. Guinea, como Mauritania, pertenecíen al grupu de ex-colonies franceses qu'usaben el francu CFA hasta que decidieron abandonalu.

La intención de la WAMZ ye establecer una moneda fuerte y estable que pueda rivalizar col francu CFA, que tien una tasa de cambiu venceyada al euru y ta garantizáu pol Tesoru francés. L'oxetivu a más llargu plazu pasaría pola fusión del eco y el francu CFA, dando una moneda común, fuerte y estable, a tolos miembros de la CEDEAO. El procesu de preparación pal llanzamientu de la nueva moneda ta al cargu del West African Monetary Institute, que tien la so sé n'Accra (Ghana).

Referencies[editar | editar la fonte]

  1. West African Leaders Agree on Deployment to Liberia. 6 d'agostu de 2003. 
  2. «The 5 previous West African military interventions». Yahoo News. 20 de xineru de 2017. https://www.yahoo.com/news/5-previous-west-african-military-interventions-111050770.html. Consultáu 'l 3 de marzu de 2017. 
  3. 3,0 3,1 Pazzanita, Anthony (2008). Historical Dictionary of Mauritania. Scarecrow Press, 177–178.
  4. Le Maroc informe la Présidente en exercice de la CEDEAO de sa volonté d'adhérer à cet ensemble régional en tant que membre à part entière, noticia na web del Ministeriu d'Asuntos Esteriores de Marruecos.
  5. «Demographic Yearbook – Population by sex, annual rate of population increase, surface area and density» páxs. 1–2. United Nations Statistics Division (2012). Consultáu'l 27 January 2017.
  6. «Population 2015». Bancu Mundial (16 d'avientu de 2016). Consultáu'l 3 de marzu de 2017.
  7. «Gross domestic product 2015». Bancu Mundial (16 d'avientu de 2016). Consultáu'l 3 de marzu de 2017.
  8. «Gross domestic product 2015, PPP». Bancu Mundial (16 d'avientu de 2016). Consultáu'l 3 de marzu de 2017.
  9. Los datos conseñaos nesti apartáu recueyen la información sobro la organización institucional de la CEDEAO de la so páxina web, www.comm.ecowas.int
  10. La concurrence des organisations régionales en Afrique. Paris: L'Harmattan. 2012. 
  11. REGIONAL INTEGRATION AND COOPERATION IN WEST AFRICA A Multidimensional Perspective, Chapter 1. Introduction: Reflections on an Agenda for Regional Integration and Cooperation in West Africa
  12. Economic Community of West African States (ECOWAS) fact sheet from the US Department of State's Bureau of African Affairs
  13. Annual Report on Integration in Africa 2002. All Africa, 1 de marzu de 2002
  14. Common West Africa currency: ECO in 2015. http://www.modernghana.com/news/219137/1/common-west-africa-currency-eco-in-2015.html. 

Enllaces esternos[editar | editar la fonte]