Combustible fósil

De Wikipedia
Saltar a navegación Saltar a la gueta
Wikipedia:Wikipedia:Llista d'artículos que toa Wikipedia tien que tener/Archivu
Artículu revisáu
Carbón antracita.

Enerxía fósil ye aquella que vien de la biomasa llograda fai millones d'años y que sufrió grandes procesos de tresformamientu hasta la formación de sustancies de gran conteníu enerxético como'l carbón, el petroleu, o'l gas natural[1], etc. Nun ye un tipu d'enerxía anovable, polo que nun se considera como enerxía de la biomasa, sinón que s'inclúi ente les enerxíes fósiles.

La mayor parte de la enerxía emplegada anguaño nel mundu provién de los combustibles fósiles. Úsase nel tresporte, pa xenerar lletricidá, pa calecer ambientes, pa cocinar, etc.

Clases[editar | editar la fonte]

Los combustibles fósiles son trés: petroleu, carbón y gas natural, y formáronse hai millones d'años, a partir de restos orgánicos de plantes y animales muertos. Mientres miles d'años d'evolución del planeta, los restos de seres que lu poblaron nes sos distintes etapes foron depositándose no fondero de mares, llagos y otros cuerpos d'agua. Ellí foron cubiertos capa tres capa de sedimentu. Foron necesarios millones d'años por que les reacciones químiques de descomposición y la presión exercida pol pesu d'eses capes tresformaren a esos restos orgánicos en gas, petroleu o carbón.

Los combustibles fósiles son recursos non anovables: nun se reponen por procesos biolóxicos como por casu la madera. En dalgún momentu, van acabase, y seique seya necesariu disponer de millones d'años d'una evolución y descomposición asemeyada por que vuelvan apaecer.

Petroleu[editar | editar la fonte]

Botella de Petroleu.
Artículu principal: Petroleu

El petroleu ye un líquidu oleosu compuestu de carbonu y hidróxenu en distintes proporciones. Alcuéntrase en fondures que varien ente los 600 y los 5.000 metros. Esti recursu foi usáu pol ser humanu dende l'Antigüedá: los exipcios usaben petroleu nel caltenimientu de les momies, y los romanos, de combustible pal allumáu.

El petroleu y los sos derivaos tienen múltiples y variaes aplicaciones. Amás de ser un combustible de primer orde, tamién constitúi una materia primero fundamental na industria, pos a partir del petroleu pueden ellaborase fibres, cauchu artificial, plásticos, xabones, asfaltu, tintes d'imprenta, cauchu pa la fabricación de neumáticos y un ensin númberu de productos que tomen casi tolos productos del campu.

Carbón[editar | editar la fonte]

El carbón utilízase como combustible nes centrales termoelectricas.
Artículu principal: Carbón

El carbón ye un mineral que se formó a partir de los restos vexetales prehistóricos[2], principalmente de los felechos arborescentes. Esos restos soterraos pola folla so los efectos del calor, la presión y la falta de osíxenu, tomaron la estructura mineral que güei presenten.

La importancia del carbón anicia nel so poder enerxéticu como combustible y nel fechu de constituyir la materia primero fundamental na ellaboración d'infinidá d'artículos. Les primeres máquines de xau, como barcos, trenes y maquinaria industrial moviéronse gracies a la enerxía que suministraba a esti material. Darréu foi movíu pol petroleu; sicasí, anguaño'l carbón paez recuperar la so posición privilexada, pos ésti ye materia primero pa la ellaboración de plásticu, colorantes, arumes y aceites.

Gas natural[editar | editar la fonte]

Artículu principal: Gas natural

El gas natural ta compuestu principalmente por metanu, un compuestu químicu fechu d'átomos de carbonu ya hidróxenu. Atópase so tierra, davezu en compañía de petroleu. Estráise per aciu tuberíes, y almacénase direutamente en grandes tanques. Depués distribúise a los usuarios al traviés de gasoductos. Como ye inodoru ya incoloru, al estrayelu entemezse con una sustanza que-y da un fuerte y desagradable golor. D'esta miente, les persones pueden decatase de qu'esiste una filtración o escape de gas.

Ventayes y desventaxes del combustible fósil[editar | editar la fonte]

Artículu principal: Enerxía non anovable

Ventayes[editar | editar la fonte]

  • Son fáciles d'estrayer.
  • La so gran disponibilidá.
  • La so gran continuidá.
  • Son barates, en comparanza con otres fontes d'enerxía.

Desventaxes[editar | editar la fonte]

  • El so usu produz la emisión de gases que contaminen l'atmósfera y resulten tóxicos pa la vida.
  • Produzse un escosamientu de les reserves a curtiu o medianu plazu.
  • Al ser utilizaos contaminen más qu'otros productos que podríen utilizase nel so llugar.

Ver tamién[editar | editar la fonte]

Referencies[editar | editar la fonte]

Enllaces esternos[editar | editar la fonte]